Pe o E Moomoo mo le Taimi o le a . . .

□ mafai ai ona e maua se lagona saogalemu ma le malupuipuia i lou aiga—e tusa lava po o le ā le taimi o le aso?

□ lē toe manaomia ai ni loka, pa puipui, faailoilo, ni pu e autilo ai i faitotoa, ni pa, leoleo, ni taifau e leoleo, ma isi lava faiga mo le malupuipuia?

□ mafai ai ona e savali i ala tetele na o oe i se saogalemu atoatoa, e oo lava i le po?

□ oo ai ina matuā mamao mai i le mafaufau vailaau oona e afaina ai ma faafitauli uma ua fesootai atu i ai?

□ taofia ai taua uma lava, ma o le a lē toe gaosia pe faaputuina ni auupega?

□ lē toe popole ai e uiga i ni meaʻai, ea ma le vai ua faaoonaina?

□ matuā soloiesea atoatoa ai faiga taufaamataʻu, le avea faamalosi o tagata, ma le faamataʻu o pomu?

□ puipuia ai mea uma e maua mai i le laueleele, tausia lelei, ma faaaogā ma le poto mo le lelei lautele?

□ lē toe avea ai le matapeapea ma le manatu faapito ma malosi o uunaʻiga i le fanau a tagata?

□ tausisia ai e tamaiti lo latou tulaga lē taʻusalaina ma faaaloalo i isi ma a latou mea totino?

□ lē toe faia leaga ai ma lavevea fua fafine?

□ paleni lelei ai tulafono ma mataupu silisili ma o le a pulea ma le tonu mo le lelei o tagata uma lava?

□ faia ai e le malo filifiliga e faavae i manaoga moni ae lē i faiga faapolotiki?

□ lē na ona folafolaina atu ai le saolotoga ma le tulaga tutusa ae o le a faapea ona faatinoina?

□ lē toe iai le mativa, ae o le a maua e tagata uma lava so o se mea manaomia mo lo latou soifua maloloina lelei, ma le fiafia?

□ manaomia ma tausia faalelei ai tamaiti ma o le a lē taitai sauāina pe tuulafoaiina?

□ faatoilaloina ai faamaʻi ma le oti, ma o le a leai ni mala mataʻutia?

□ agalelei ai, loto fesoasoani, ma maufaatuatuaina i latou uma o le a e feiloai atu i ai?

□ matuā tāua ai olaga o tagata uma, ma o le a mafai e tagata uma ona maua le fiafia tumau?

□ lē toe avea ai lotu o se malosi e vaevaeina ai, taʻitaʻiina atu ai i le faafiaamiotonu, le feitagaʻi ma taua?

□ maua e tagata uma lava nofoaga e lava ma matagofie e ola ai, ma o le a avea le leai o ni aiga o se mea o le taimi ua tuanai?

Afai e mafai ona e faapea mai ioe i so o se fesili o loo i luga, o le a e naunau la e faitauina mataupu o loo mulimuli mai.