Fono Faaletausaga

OKETOPA 5, 1996

O LE FONO FAALETAUSAGA a sui o le Watch Tower Bible and Tract Society of Pennsylvania o le a faia ia Oketopa 5, 1996, i le Maota Fono o Molimau a Ieova, i le 2932 Kennedy Boulevard, Jersey City, New Jersey. O le uluai fonotaga e mo na o sui o le a tauaofia ai i le 9:15 i le taeao, ona sosoo mai ai lea o le fonotaga masani faaletausaga i le 10:00 i le taeao.

E ao i sui o le Fonotaga ona faailoa nei i le Ofisa o le Failautusi so o se suiga o o latou tuatusi o le meli na faia i le tausaga ua teʻa, ina ia oo atu ia Iulai, ae ua mafai ona latou maua tusi masani o faaaliga ma pepa faamaonia mo lo latou auai pe leai foi.

O pepa faamaoni ma faaaliga o le fonotaga faaletausaga lea o le a avatu i sui, e ao ona toe faafoi ane ma ia taunuu i le Ofisa o le Failautusi o le Sosaiete ia lē silia le aso 1 o Aokuso. E ao i sui uma ona faatumuina ma toe faafoi vave ane lana pepa faamaonia, ma taʻua ai pe o le a auai i le fonotaga pe leai. O faamatalaga e aumaia i pepa faamaonia taitasi e tatau ona maʻoti ai lenei manatu, ona o le a faalagolago i ai le faamautinoaina o ē o le a auai.

Ua iai le faamoemoe o le a maeʻa le polokalame atoa e aofia ai le fonotaga masani faapisinisi ma lipoti, i le 1:00 i le aoauli po o le teʻa laitiiti o lea taimi. O le a leai se polokalame o le afiafi. Ona o le itiiti o le avanoa, o le a faatagaina ai na o ē e iai pepa ulufale. E leai ni fuafuaga e faafesootai atu le fonotaga faaletausaga i laina telefoni i isi fale fono.