Po ua Ou Avea le Agaga Paia ma O‘u Fesoasoani Totino?
Po ua Ou Avea le Agaga Paia ma Oʻu Fesoasoani Totino?
O FAILOTU faapea ma tagata lautele, e eseese o latou manatu e uiga i le faamatalaina o le agaga paia o le Atua. Peitaʻi, e lē tatau ona iai lena lē mautonu. Ua faamatala manino mai lava e le Tusi Paia le agaga paia. Na i lo o le avea o se peresona, e pei ona fai mai ai isi, ae o le mana galue malosi lea e faaaogā e le Atua e faataunuuina lona finagalo.—Salamo 104:30; Galuega 2:33; 4:31; 2 Peteru 1:21.
Talu ai e matuā fesootaʻi vavalalata le agaga paia i le faataunuuina o fuafuaga a le Atua, e tatau la ona tatou mananaʻo ina ia ōgatasi o tatou olaga ma lea agaga. E tatau ona tatou mananaʻo ina ia avea le agaga ma o tatou fesoasoani totino.
Se Fesoasoani—Aiseā e Manaʻomia Ai?
A o faatalitali mo lona afio ese atu mai le lalolagi, na faamautinoa atu e Iesu i ona soo e faapea: “Ou te fai atu foi i le Tamā, ona foai mai ai lea e ia ia te outou le tasi Fesoasoani ina ia tumau pea o ia ia te outou e faavavau.” Ma na toe faapea atu foʻi: “A e peitai aʻu, o le upu moni lava ou te fai atu ai ia te outou, e aoga ia te outou, pe a aʻu alu ese; aua afai ou te le alu ese, e le maliu mai le Fesoasoani ia te outou; a e afai ou te alu, ou te auina mai o ia ia te outou.”—Ioane 14:16, 17; 16:7.
Na tuuina atu e Iesu i ona soo se tofiga uigā i lona poloaʻi atu ia i latou: “O lenei, ia outou o atu e fai nuu uma lava ma soo, ma papatiso atu ia te i latou i le suafa o le Tamā, ma le Atalii, ma le Agaga Paia; ia outou aʻoaʻo atu ia te i latou ia tausi i mea uma ua ou fai atu ai ia te outou.” (Mataio 28:19, 20) E lē o se galuega faigofie lenei, auā e tatau ona faataunuuina lenei galuega a o feagai ma teteega.—Mataio 10:22, 23.
O teteega mai fafo sa ō mai faatasi ma ni fevaevaeaʻiga i totonu o le faapotopotoga. Na tusi atu Paulo i Kerisiano i Roma e tusa o le 56 T.A. e faapea: “Ou te aioi atu foi ia te outou, le au uso e, ia outou vaavaai i e faatupu fevaevaeaiga, ma mea e tausuai ai; o mea ia e le tusa ma le mataupu ua aʻoaʻoina ai outou; ia outou liliu ese foi ia te i latou.” (Roma 16:17, 18) O le a agaʻi ina faateteleina le leaga o lenei tulaga pe a maliliu le ʻauaposetolo. Na lapataʻi atu Paulo: “Ua ou iloa lenei mea, pe a mavae ona ou alu, e oo mai ia te outou luko saua o e le faasaoina le lafu mamoe. E tupu mai foi ia te outou lava tagata e tautala mai i mea faapiopio, e fetoso ese ai le au soo ia mulimuli ia i latou.”—Galuega 20:29, 30.
Sa manaʻomia le fesoasoani a le Atua i le faafetaiaʻia o nei toʻatugā. Na ia faia faapea e ala ia Iesu. Ina ua mavae lona toetū mai i le aso Penetekoso 33 T.A. e toʻa 120 ona soo “ua faatutumuina foi i latou uma i le Agaga Paia.”—Galuega 1:15; 2:4.
Na iloa e le ʻausoo e faapea, o le agaga paia lea na liligi ifo i le taimi lea, o le fesoasoani lea na folafolaina mai e Iesu. E lē taumatea ua sili atu nei ona latou malamalama lelei i le faailoaga na saunia e Iesu: “O le Fesoasoani, o le Agaga Paia lea, e auina mai e le Tama i loʻu igoa, o ia lava na te aʻoaʻo ia te outou i mea uma lava; e faamanatu mai foi o ia ia te outou i mea uma ua ou fai atu ai ia te outou.” (Ioane 14:26) Sa ia taʻua foʻi o ‘le Fesoasoani, o le Agaga lea e tupu mai ai le upu moni.’—Ioane 15:26.
E Faapefea ona Avea le Agaga ma Fesoasoani?
E iai ni auala o le a auauna ai le agaga o se fesoasoani. Muamua, na folafola mai e Iesu e faapea, o le a faamanatu atu e le agaga i mafaufau o ona soo mea na ia fai atu ai ia i latou. O le uiga o lana faamatalaga, e sili atu isi mea e faia na i lo le tau ina fesoasoani ia i latou ina ia manatua Ioane 16:12-14) I se faaupuga puupuu, o le a taʻitaʻiina e le agaga ona soo i se malamalamaga e sili atu ona lelei o le upu moni. Na tusi mulimuli ane le aposetolo o Paulo e faapea: “A ua faaalia mai ia mea e le Atua ia te i matou e lona Agaga; aua e suesue ifo le Agaga i mea uma, o mea loloto foi a le Atua.” (1 Korinito 2:10) Ina ia mafai e soo faauuina o Iesu ona faaoo atu le poto saʻo i isi, e manaʻomia ona faavaeina lelei lo latou lava malamalamaga.
upu. O le a fesoasoani le agaga ia i latou ina ia malamalama i uiga loloto ma le tāua o mea na ia aʻoaʻo atu. (Lua, na aʻoaʻo e Iesu ona soo ina ia tatalo ma ia faia faapea e lē aunoa. Afai e iai ni taimi na latou lē mautinoa ai po o le ā e ao ona latou tatalo atu ai, e mafai ona faalaa ane pe fesoasoani mai le agaga ia i latou. “E faapea foi le Agaga ona fesoasoani mai i lo tatou vaivai; aua tatou te le iloa mea tatou te ole atu ai ma le tusa, a e peitai o le Agaga, e fautua o ia mo i tatou i le oi e le mafai ona talatalaina.”—Roma 8:26.
Tolu, e fesoasoani le agaga i soo o Iesu i le faamaonia atu o le upu moni i le lautele. Sa ia lapataʻia i latou e faapea: “Latou te tuuina atu outou i fono, ma latou sasa ia te outou i o latou sunako. E taʻitaʻiina atu foi outou i luma o alii ma tupu ona o aʻu, e fai ma molimau ia te i latou atoa ma nuu ese. Pe a latou tuuina atu outou, aua tou te popole pe faapefea, pe se a foi tou te fai atu ai; aua e foaiina mai ia te outou i lea lava itu aso se upu tou te fai atu ai. Aua e le o outou e tautala atu ai, a o le Agaga o lo outou Tama e tautala mai ai i totonu ia te outou.”—Mataio 10:17-20.
O le a fesoasoani foʻi le agaga paia e faailoaina mai le faapotopotoga Kerisiano ma uunaʻia ona sui ina ia faia filifiliga totino atamai. Seʻi o tatou talanoaina auʻiliʻili nei vala e lua o lenei mataupu ma iloa ai po o ā ni mea tāua o iai mo i tatou i aso nei.
E Avea o se Faailoga e Iloa Ai
Mo le tele o senituri, sa auauna ai tagata Iutaia i lalo o le Tulafono a Mose i le avea o se nuu filifilia o le Atua. Ona o lo latou teena o Iesu i le avea o le Mesia, na ia valoia ai e faapea e lē o toe umi ona teena foʻi lea o i latou: “Tou te lei faitaulia lava ea i Tusi, O le maa na lafoaiina e tufuga fai fale, ua fai lea ma maa tulimanu aupitoaluga; o le mea lea na faia e le Alii o [Ieova], tatou te ofo ai pe a vaavaai atu i ai? O le mea lea ou te fai atu ai ia te outou, E aveesea le malo o le Atua ia te outou, a e tuuina atu i se nuu e au mai ai ona fua.” (Mataio 21:42, 43) O le taimi lava na faavaeina ai le faapotopotoga Kerisiano i le Penetekoso 33 T.A., na avea ai soo o Iesu ma “nuu e au mai ai ona fua.” Na amata mai ai i lena taimi ma agaʻi mai ai ona avea lena faapotopotoga ma auala o fesootaʻiga a le Atua. Ina ia mafai e tagata ona iloa le mea ua iai lona finagalo malie tauatua, na saunia ai e le Atua se faailoga lē masesē e iloa ai.
I le Penetekoso, o le agaga paia na mafai ai e le ʻausoo ona tautatala i gagana latou te leʻi iloa muamua, na faapogai ai ona ofo tagata na vaavaai ma faalogo i ai ma tuufesili: “E faapefea foi ona tatou taitasi ma faalogo atu i lana lava gagana na tupu ma ia?” (Galuega 2:7, 8) O le tomai e tautala ai i gagana sa lē iloa muamua faatasi ai ma ‘vavega ma faailoga e tele ua faia foi e le au aposetolo,’ na iʻu ai ina iloa e tagata e toluafe e faapea o loo galue moni lava le agaga o le Atua.—Galuega 2:41, 43.
E lē gata i lea, o le fuaina mai foʻi “o le fua o le Agaga”—o le alofa, o le olioli, o le filemu, o le onosai, o le mataalofa, o le agalelei, o le faamaoni, o le agamalu, ma le pulea totino—na faailoa manino ai o soo o Keriso o auauna a le Atua. (Kalatia 5:22, 23, LF ) O le mea moni, o le alofa o le faailoga mataʻiina lea e iloa ai le faapotopotoga Kerisiano moni. Na valoia e Iesu: “O le mea lea e iloa ai e tagata uma lava o oʻu soo outou, pe afai ua outou fealofani.”—Ioane 13:34, 35.
Na talia e sui o le uluaʻi faapotopotoga Kerisiano le taʻitaʻiga a le agaga paia o le Atua ma faaaogā le fesoasoani na ia ofoina mai. E ui ina ua iloa e Kerisiano i aso nei e lē o faatutūina mai e le Atua i le taimi nei tagata oti ma faia vavega e pei ona faia i le uluaʻi senituri, ae ua avea fua o le agaga o le Atua e faailogaina ai i latou o ni soo moni o Iesu Keriso.—1 Korinito 13:8.
O se Fesoasoani i le Faia o Filifiliga Totino
O le Tusi Paia o se mea na maua mai ona o le agaga paia. I lea, afai ua tatou faatagaina le Tusi Paia e suia i tatou, e tusa lava lea ua aʻoaʻoina i 2 Timoteo 3:16, 17) E mafai ona fesoasoani ia i tatou e faia ni filifiliga atamai. Ae po o tatou faatagaina ea ina ia faia faapea?
tatou e le agaga paia. (Ae faapefea lo tatou filifilia o galuega? O le a fesoasoani le agaga paia ia i tatou ina ia mafai ona tatou vaai ia tusa ma le silafaga a Ieova i se galuega tatou te ono faigaluega ai. E tatau ona ōgatasi a tatou galuega ma mataupu silisili o le Tusi Paia, e lē gata i lea, e fesoasoani ai foʻi ia i tatou i le tuliloaina o ni sini faatiokarate. O le totogi po o le lauiloa ma se tulaga maualuga i se galuega, e matuā itiiti atu lona tāua. O le mea e sili ona tāua, po o mafai e le galuega ona maua ai mea tatou te manaʻomia o le olaga ma lava ai so tatou taimi ma avanoa e faataunuu ai o tatou tiute faa-Kerisiano.
O se faanaunauga ina ia olioli i le olaga o se mea e masani ai ma e talafeagai. (Failauga 2:24; 11:9) O lea o se Kerisiano e paleni, atonu na te saʻilia faafiafiaga e faafouina ai ma faafiafiaina ai. Ae e tatau ona ia saʻilia faafiafiaga e mafai ona atagia atu ai fua o le agaga, ae lē o faafiafiaga e faaalia atu ai “galuega a le tino.” Ua faamatalaina e Paulo e faapea: “Ua iloa tino foi galuega a le tino, o mea faapenei; o le mulilua, o le faitaaga, o le amio leaga, o le mataitu, o le ifo i tupua, o le fai togafiti faataulaitu, o le feitagai, o le femisai, o le losilosi vale, o le lotoa, o le finau vale, o le fevaevaeaiga, o maseiga, o le mataua, o le fasioti tagata, o le onaga, o le poula, ma mea faapena.” E tatau foʻi ona ʻalofia le ‘mitamita vale, le feluiai ma le felosiai.’—Kalatia 5:16-26.
E faapena foʻi e tusa ai ma le filifilia o uō. O se faiga atamai le filifilia o i latou e tusa ai ma le tulaga faaleagaga, ae lē tusa ma foliga vaaia i fafo po o mea e maua. E manino mai o le tagata o Tavita sa avea o ia ma uō a le Atua, auā na faamatalaina o ia e le Atua e faapea “o le tagata e tusa [pe malie i ai] ma [lona] loto.” (Galuega 13:22) I lona lē amanaʻia o foliga vaaia i fafo, na filifilia ai e le Atua Tavita e avea ma tupu ia Isaraelu, e tusa ai ma le mataupu silisili: “Aua e le vaai Ieova pei o le vaai o tagata, aua e vaai tagata i le tino, a e vaai Ieova i le loto.”—1 Samuelu 16:7.
E faitau afe faigauō ua faavaatuʻia ona sa faavae i foliga vaaia i fafo po o mea na maua. O faigauō e faavae i ʻoa e faalētumau e mafai lava ona motusia faafuaseʻi. (Faataoto 14:20) Ua fautua mai le Afioga a le Atua ua faagaeeina e le agaga ia i tatou e faapea, pe a filifilia uō, e tatau ona tatou filifilia i latou o ē e mafai ona fesoasoani ia i tatou e auauna ia Ieova. Ua taʻu mai e le Afioga a le Atua ia i tatou ina ia tatou uaʻi atu i le foaʻi atu na i lo o le talia mai, auā o le foaʻi atu e maua ai le olioli e sili atu. (Galuega 20:35) O nisi o mea e aupito sili ona tāua e mafai ona tatou foaʻi atu ia tatou uō, o le taimi ma le alofa māfana.
Ua saunia e le Tusi Paia ia fautuaga faagaeeina e le agaga mo se Kerisiano o loo saʻilia se paaga faaipoipo. I se isi faaupuga,ua faapea mai le Tusi Paia: ‘Aua le vaai i foliga po o le fuaitino. Vaai i vae.’ I vae? Ioe, i le uiga lenei: Po o faaaogāina vae e faia ai le galuega a Ieova o le talaʻia o le tala lelei, ma po o matagofie ea i lana silasila mai? Po o faaseevaeina ea i le feʻau o le upu moni ma le tala lelei o le filemu? Ua tatou faitau ai e faapea: “E matuā matagofie i luga o mauga o vae o le ua fai mai le tala lelei, o lē logologo mai le manuia, ua tala mai le tala lelei; ua faailoa mai le olataga; ua fai mai ia Siona, O loo pule lou Atua!”—Isaia 52:7; Efeso 6:15.
O le ola e pei ona tatou iai i “aso faigata,” tatou te manaʻomia ai le fesoasoani i le faia o le finagalo o le Atua. (2 Timoteo 3:1) O le fesoasoani, le agaga paia o le Atua, sa lagolagosua malosi i le galuega a Kerisiano o le uluaʻi senituri, e aofia ai ma le avea ma fesoasoani totino mo i latou. O le suʻesuʻeina ma le filigā o le Afioga a le Atua, o se fua o le agaga paia, o se auala sili lea e mafai ai foʻi e i tatou ona avea le agaga paia ma o tatou fesoasoani totino. Po o tatou faia ea faapea?