Fesili Mai le ʻAufaitau

I le Kolose 1:16 o loo faapea mai ai e faatatau i le Alo o le Atua, “na faia e ia [“isi,” NW] mea uma lava, na faia foi mo ia.” I le ā le uiga na faia ai mea uma lava “mo” le Alo o le Atua, o Iesu?

Na faaaogā e Ieova lona Alo pele e toʻatasi e avea ma tufuga i le foafoaina o isi mea uma, o lona uiga, o isi mea uma lava e ese mai iā Iesu lava ia. (Faataoto 8:27-30; Ioane 1:3) Ua talafeagai ai la le mauaina e le Alo o le fiafia mai nei galuega, ma i lenei la itu ua uiga atu ai mea uma “mo” ia.

E tatou te iloaina e faapea o mātua faaletagata e faatalitalia, ma e masani lava ona mauaina le fiafia tele mai—i a la fanau. O lea, o loo tautala le faataoto i le Tusi Paia “o lona atalii ua ia [lona tamā] fiafia i ai.” (Faataoto 3:12; 29:17) I se tulaga tutusa, na mauaina e Ieova le Atua le olioli mai iā Isaraelu pe a faamaoni lona nuu. (Salamo 44:3; 119:108; 147:11) E na te mauaina foʻi le olioli mai le faamaoni o ana auauna faamaoni seʻia oo mai i o tatou taimi.—Faataoto 12:22; Eperu 10:38.

O lea, ua talafeagai ai la le mauaina e lē na galulue faatasi ma le Atua, o Iesu, le fiafiaga mai i mea na ia faataunuuina. O le mea moni, ua faapea mai le Faataoto 8:31 o le Alo ‘sa olioli i mea e mau ai tagata i lona lalolagi; o lona fiafia foi, sa i le fanau o tagata lea.’ I le uiga la lea na faapea mai ai le Kolose 1:16: “Na faia e ia [“isi,”NW] mea uma lava, na faia foi mo ia.”