Le Mea na Tupu e Sili Ona Tāua i le Talafaasolopito

O LE maliu lea o Iesu Keriso. Aiseā ua tāua tele ai? Ona e iai ni māfuaaga.

O le faamaoni o Iesu seʻia oo i lona maliu na faamaonia ai e mafai e le tagata ona tumau i le faamaoni i le Atua.

O le maliu o Keriso na saunia ai se avanoa mo nisi e avea ma pule faatasi ma ia i le lagi. Ua tatalaina ai foʻi le avanoa mo le toʻatele o isi e mauaina ai le ola e faavavau i le parataiso i le lalolagi.

I le afiafi a o leʻi maliu o ia, na faaaogā ai e Iesu se areto e lē faafefeteina ma se uaina mūmū, e fai ma faailoga o lana taulaga agaalofa faaletagata. Ma na ia fetalai atu i ona soo: “Tou te faia le mea nei e fai ma faamanatuga ia te au.” (Luka 22:19) Po o le a e manatua ea lenei sauniga tāua?

Ua valaaulia ma le māfana oe e Molimau a Ieova ina ia e auai ma i latou i le faamanatuina o le Faamanatuga o le maliu o Iesu. O le aso mo lenei faamanatuga i lenei tausaga o le Aso Tofi, Mati 28, pe a mavae le goto o le lā. E mafai ona e auai atu i se Maota o le Malo e latalata ane i lou aiga. Faamolemole fesili atu i Molimau a Ieova o loo i lou vaipanoa mo le taimi ma le nofoaga tonu e faia ai.