O Ai o le a Sao i le Aso o Ieova
O Ai o le a Sao i le Aso o Ieova
“O le a oo mai le aso e mu ai pei se umu.”—MALAKI 4:1.
1. Ua faapefea ona faamatalaina e Malaki le iʻuga o lenei faiga o mea amioleaga?
SA FAAGAEEINA e Ieova le perofeta o Malaki e faamauina valoaga e uiga i mea mataʻutia o le a tutupu i le lumanaʻi lata mai. O nei mea o le a aafia ai tagata uma lava i le lalolagi. Ua valoia mai i le Malaki 4:1, e faapea: “Faauta, o le a oo mai le aso e mu ai pei se umu; ona fai ai lea ma tagutugutu o saito o e faamaualuluga uma; atoa ma ē fai amio leaga uma; e susunuina foi i latou i le aso o le a oo mai, ua fetalai mai ai Ieova o ʻau; e le faatoeina ai mo i latou se aa po o se la laau.” O le a faapeʻī le atoatoa o le faaumatiaga o lenei faiga amioleaga? O le a pei o se laau ua matuā faaleagaina ona aa ma ua lē mafai ai ona toe ola.
2. Ua faapefea ona faamatalaina mai e nisi mau le aso o Ieova?
2 E te ono fesili mai, ‘O le ā le “aso” lea e valoia mai e le perofeta o Malaki?’ O le aso lava e tasi lea o loo valoia mai i le Isaia 13:9 e faapea: “Faauta, o loo sau le aso o Ieova, e ogoogo i le toatamai ma le toasa tele; e fai ai le nuu ma faatafunaga; na te faaumatia foi tagata agasala o i ai.” O le faamatalaga a le Sefanaia 1:15, e faapea: “E fai lea aso ma aso o le toasa, o le aso o le puapuaga ma le tiga, o le aso o le faatafunaina ma le faagaogaoina, o le aso o le pouliuli ma le pogisa, o le aso o ao ma le faamalumalu.”
“Le Puapuaga Tele”
3. O le ā “le aso o Ieova”?
3 I le faataunuuga sili o le valoaga a Malaki o le “aso o Ieova” o se vaitaimi o le a iloga ona o le “puapuaga tele.” Na valoia e Iesu: “O ia ona po e oo ai le puapuaga tele, e leai sona tusa talu le amataga o le lalolagi, ua oo lava i ona po nei; Mataio 24:21) Seʻi manatu i le anoanoaʻi o puapuaga ua oo i le lalolagi aemaise lava talu mai le 1914. (Mataio 24:7-12) I le Taua Lona Lua a le Lalolagi lava ia e sili atu i le 50 miliona tagata na maliliu ai! Peitaʻi ane, o le a sili mamao atu mala o le a oo mai i “le puapuaga tele.” O lenā mea o le a tupu, e tutusa lava ma le aso o Ieova, e muta iā Amaketo, ma faauma ai aso mulimuli o lenei faiga amioleaga o mea.—2 Timoteo 3:1-5, 13; Faaaliga 7:14; 16:14, 16.
e le toe faapea foi amuli.” (4. E oo ane i le faaiʻuga o le aso o Ieova, o le ā ua uma ona tupu?
4 E oo ane i le faaiʻuga o lenā aso o Ieova, ua faaumatiaina le lalolagi a Satani ma i latou e lagolagoina. E muamua lava le faaumatiaga o lotu sesē uma. Ona sosoo ai lea ma le faamasinoga a Ieova i le faiga o mea faapolotiki ma tau tamaoaiga a Satani. (Faaaliga 17:12-14; 19:17, 18) Ua faapea mai le valoaga a Esekielu: “E lafoai e i latou a latou ario i fafo, ma a latou auro e fai ma mea leaga ia; o a latou ario ma a latou auro e le mafai ai ona laveaiina o i latou i le aso o le ita o Ieova.” (Esekielu 7:19) E tusa ai o lenā aso ua faapea mai le Sefanaia 1:14: “O loo latalata mai le aso tele o Ieova, e lata mai lava, o loo matuā tele vave mai lava.” E tusa ai ma le mea o loo taʻua e le Tusi Paia e faatatau i le aso o Ieova, e ao ona tatou maumauaʻi ia faia e tusa ma tulaga manaʻomia amiotonu a le Atua.
5. O le ā e oo iā i latou e matataʻu iā Ieova?
5 Ina ua uma ona valoia mai le mea o le a faia i le lalolagi a Satani e le aso o Ieova, ua faamauina i le Malaki 4:2 fetalaiga a Ieova e faapea: “A o outou o e matatau i loʻu igoa, e alu ae ia te outou le La o le amiotonu; e i ai foi le mea e malolo ai i ona apaau; e o atu foi outou ma osooso, pei o tamai povi mai le fale povi.” O “le La o le amiotonu” o Iesu Keriso lea. O ia o le ‘malamalama faaleagaga o le lalolagi.’ (Ioane 8:12) O loo susulu atu Iesu faatasi ma le faamālōlōga, e amata i le faamālōlōga faaleagaga, lea ua oo iā i tatou i le taimi nei, ona sosoo ai lea ma le faamālōlōga atoatoa faaletino, i le lalolagi fou. E pei lava ona fetalai mai Ieova, o ē ua faamālōlōina o le a ‘o atu foi ma osooso, pei o tamai povi’ pepeti ua matuā fiafia ma olioli ina ua tatala mai i le lotoā.
6. O le samiina o le ā le manumalo o le a olioli ai auauna a Ieova?
6 Ae e faapefea tagata e lē amanaʻiaina mea o loo manaʻomia e Ieova? Ua faapea mai le Malaki 4:3: “Ona outou [o auauna a le Atua ia] solia lea o e amio leaga; auā e fai i latou ma efuefu i lalo o outou alofivae i le aso ua ou tofia, ua fetalai mai ai Ieova o ʻau.” E leai se vaega a tagata tapuaʻi a le Atua i le faaumatiaina o le lalolagi a Satani. Nai lo lenā, e latou te ‘solia o e amio leaga’ i se tulaga faafaatusa, e ala i le auai i le samiina o le manumalo lea o le a sosoo ai pe a mavae le aso o Ieova. Sa faia se fiafia tele e sami ai ina ua mavae le faaumatiaina o ʻau a Farao i le Sami Ulaula. (Esoto 15:1-21) O le a faapena foʻi ona sosoo ai ma le samiina o le manumalo pe a aveesea Satani ma lana lalolagi i le puapuaga tele. O ē faatuatua ua sao mai le aso o Ieova o le a alalaga e faapea: ‘Ia tatou fiafia ma olioli i lana faaolataga.’ (Isaia 25:9) Maʻeu se fiafia o le a iai pe a faaeaina le pule silisili ese a Ieova ma ua faamamāina le lalolagi mo le nonofo filemu ai o tagata!
Ua Faataʻitaʻi Kerisinetoma iā Isaraelu
7, 8. Faamatala mai le tulaga faaleagaga o Isaraelu i aso o Malaki.
7 O i latou e maua se faiā lelei ma Ieova o i latou ia e auauna iā te ia, e ese mai i ē e lē o faia faapea. O le tulaga foʻi lenā na iai ina ua tusiaina e Malaki lana tusi. I le 537 T.L.M., sa toe faafoʻisia le nuu o Isaraelu ina ua mavae le 70 tausaga o faaaunuua i Papelonia. Peitaʻi, i le isi selau tausaga na sosoo mai ai, sa toe liliu atu ai Isaraelu i le faiga faaaposetasi ma le amioleaga. Sa leʻi faaalia e le toʻatele o tagata le ava i le suafa o Ieova; lē amanaʻiaina o ana tulafono amiotonu; ma faaleagaina foʻi lona malumalu e ala i le aumaia o manu tauaso, pipili, ma mamaʻi, e fai ai taulaga. Sa latou faateʻa foʻi i a latou avā na fai a o talavou.
8 O lea la, na fetalai atu Ieova iā i latou e faapea: Malaki 3:5, 6) Peitaʻi ane, o le valaaulia a Ieova sa faasalafa atu mo so o se tagata e liliu ese mai i lona ala leaga: “Foi mai ia ia te au, ona ou foi atu lea ia te outou.”—Malaki 3:7.
“Ou te faalatalata foi ia te outou i le faamasinoga; e vave foi ona fai o aʻu ma molimau i e fai togafiti faataulāitu, ma ē mulilulua, ma ē tauto pepelo, ma ē faasaua i le taui o le auauna tauia, o le fafine ua oti lana tane, ma le ua mātuaoti, atoa ma ē faapioina le faamasinoga o le tagata ese; ua latou le matatau foi ia te au, . . . auā o aʻu o Ieova, ou te le liliu.” (9. Pe na faapefea ona muaʻi faataunuuina valoaga a Malaki?
9 Sa iai foʻi se faataunuuga o na upu i le uluaʻi senituri T.A. Sa auauna se vaega totoe o Iutaia iā Ieova ma avea ai ma vaega o le “nuu” fou o Kerisiano faauuagagaina, lea na mulimuli ane aofia ai ma Nuu Ese. Peitaʻi ane, o le toʻatele o Isaraelu faaletino sa latou teena Iesu. O lea, na fetalai atu ai Iesu i lenā nuu o Isaraelu: “Faauta, ua tuua lo outou fale, e faatafunaina.” (Mataio 23:38; 1 Korinito 16:22) I le 70 T.A., e pei lava ona valoia mai i le Malaki 4:1, na oo mai ai iā Isaraelu faaletino se ‘aso e mu ai pei o se umu.’ Na faaumatia ai Ierusalema ma lona malumalu, ma na taʻua e silia i le miliona tagata na maliliu ona o le oge, o fetauaʻiga po o ai e pule, atoa ai ma osofaʻiga a ʻautau a Roma. E ui i lea, na sao i latou na auauna iā Ieova mai lenā puapuaga.—Mareko 13:14-20.
10. O le ā le auala ua faataʻitaʻi ai tagata lautele ma taʻitaʻi lotu iā Isaraelu o le uluaʻi senituri?
10 O le fanau a tagata, aemaise lava Kerisinetoma, ua latou faataʻitaʻi iā Isaraelu o le uluaʻi senituri. O taʻitaʻi atoa ai ma tagata lautele i Kerisinetoma, ua sili iā i latou talitonuga sesē a lotu na i lo upu moni a le Atua ia sa aʻoaʻo e Iesu. E pito i tuuaʻia ai lava taʻitaʻi lotu i lenei mea. Ua latou lē fia taʻua le suafa o Ieova, ma ua iʻu lava ina aveesea mai i a latou faaliliuga o le Tusi Paia. O a latou aʻoaʻoga e lē lagolagoina e le Tusi Paia, e pei o talitonuga faapaupau o le faapuapuagatia e faavavau i le afi i seoli, le Tolutasi, le ola pea o le agaga, atoa ai ma le talitonuga o le evolusione, ua latou lē faamamaluina ai Ieova. Ua latou lē avatua ai iā Ieova le faaneeneega e tatau iā te ia, e pei lava ona sa faia e faitaulaga i aso o Malaki.
11. Ua faapefea ona faaalia manino mai e lotu o le lalolagi po o ai moni o loo latou auauna i ai?
11 Ina ua amata aso e gata ai i le 1914, sa faaalia manino mai ai e lotu o lenei lalolagi lē o loo latou auauna moni lava i ai, ma sa taʻimua ai ē ua faapea mai o Kerisiano. A o faagasolo taua e lua a le lalolagi, sa latou faalaeiauina o 1 Ioane 3:10-12, LF.
latou tagata e ō atu e tau ona o feteenaʻiga i va o atunuu, e tusa lava pe fefasiotiaʻi ma tagata o a latou lava lotu. Ua faamanino e le Afioga a le Atua i latou e usiusitai iā Ieova atoa ma i latou e lē usiusitai iā te ia: “O le mea lea ua iloa ai le fanau a le Atua ma le fanau a le tiapolo. O i latou uma o e le fai le amiotonu, e le mai le Atua i latou, atoa ma ē le alolofa i o latou uso. Auā o le poloaiga lenei ua outou faalogologo i ai talu le amataga, ia tatou fealofani. E le pei o Kaino na i lē o loo leaga, na fasioti foi i lona lava uso.”—Faataunuuina o Valoaga
12, 13. O ā valoaga na faataunuuina e auauna a le Atua i o tatou aso?
12 E oo ane i le iʻuga o le Taua Muamua a le Lalolagi i le 1918, ua manino i auauna a Ieova e faapea ua taʻusalaina e le Atua Kerisinetoma ma isi lotu sesē uma. Mai lenā taimi, na alu atu ai le valaau mo ē e saʻo o latou loto: “Loʻu nuu e, ia outou o ese ia te ia, ina neʻi faatasia outou i ana agasala, ina neʻi tofusia foi outou i ona mala; auā ua paʻi atu ana agasala i le lagi, ua manatua foi e le Atua ana amioleaga.” (Faaaliga 18:4, 5) Na amata loa ona faamamāina i latou sa faanaunau e auauna iā Ieova mai so o se sootaga ma lotu sesē ma sa amata foʻi ona latou talaʻia le tala lelei o le malo i le lalolagi aoao, o se galuega e ao ona faaiʻuina a o leʻi oo i le iʻuga o lenei faiga amioleaga o mea.—Mataio 24:14.
13 Sa tatau ona faia faapea ina ia faataunuuina ai le valoaga a Malaki 4:5, lea na tulei ai Ieova e faapea: “Faauta, ou te auina atu ia te outou o Elia le perofeta, a o lei oo mai le aso o Ieova e sili, ma le matautia.” O lenā valoaga sa faataunuuina muamua i le galuega a Ioane le Papatiso, o lē sa faaata mai e Elia. Sa faia e Ioane se galuega e pei o le galuega a Elia ina ua ia papatisoina tagata Iutaia o ē na salamō ona o a latou agasala i le feagaiga o le Tulafono. O le itu e sili ona tāua, o Ioane sa faataʻimua maia le Mesia. Peitaʻi, o le galuega a Ioane ua na o se faataunuuga muamua o le valoaga a Malaki. Ina ua fetalai Iesu e faatatau iā Ioane o le Elia lona lua, sa ia faaalia ai le faia i le lumanaʻi o se galuega e pei ona sa faia e Elia.—Mataio 17:11, 12.
14. O le ā le galuega e tāua tele e tatau ona faia a o leʻi oo mai le iʻuga o lenei faiga o mea?
14 Na faaalia e le valoaga a Malaki e faapea o le a faia e le vaega ua faaata mai e Elia lenei galuega tele a o lumanaʻi ‘le aso e sili ma le matautia o Ieova.’ O le a faaiʻuina lenā aso iā Amaketo, po o le taua ua lata tele mai o le aso tele o le Atua e Ona le Malosi Uma Lava. O lona uiga la, o le iʻuga o lenei faiga o mea amioleaga ma le amataga o le Pulega faa-Meleniuma a le Malo faalelagi o le Atua, e pulea e Iesu lea ua nofotupu, o le a faataʻimua mai i le faia o se galuega e tutusa ma lea na faia e Elia. E tusa ai ma lea valoaga, a o leʻi faaumatia e Ieova lenei faiga amioleaga o mea, e faia ai ma le tiotio le galuega o le toe faafoʻisia o le tapuaʻiga mamā, le faaeaina o le suafa o le Atua, atoa ma le aʻoaʻoina o ē e pei ni mamoe, e le vaega i ona pō nei ua faaata mai e Elia. O loo lagolagoina i latou e le faitau miliona o uso Kerisiano o ē e iai le faamoemoe i le lalolagi.
E Faamanuiaina e Ieova Ana Auauna
15. Ua faapefea ona manatuaina e Ieova ana auauna?
15 E faamanuiaina e Ieova i latou e auauna iā te ia. Ua faapea mai le Malaki 3:16: “Ona fetautalatalai lea e na matatau ia Ieova; ua liliu mai foi e Ieova ona fofoga, ma ua faafofoga mai; ona tusia lea o le tusi e faamanatu i ona luma, mo e matatau ia Ieova, ma mafaufau i lona suafa.” E amata mai lava i le taimi o Apelu ma faasolo mai ai, e peiseaʻī o loo faamauina e le Atua i se tusi ia igoa o i latou o le a ia manatuaina e maua le ola e faavavau. Ua fetalai atu Ieova iā i latou ia: “Ina aumaia mea e sefulu aʻi a outou mea uma lava i le fale e tuu ai mea; ina ia i ai mea e ʻai i loʻu fale; ma ia outou tofotofo mai ai ia te au i lenei mea, . . . pe ou te le toina pupuni o le lagi mo outou, ma sasaa atu le manuia mo outou, ina seia silisili ona tele.”—Malaki 3:10.
16, 17. O faapefea ona faamanuiaina e Ieova ona tagata ma la latou galuega?
Faataoto 4:18; Tanielu 12:10) O se isi auala, e ala lea i lona foaʻi iā i latou o iʻuga mataʻina i la latou galuega talaʻi. Ua tele tagata e saʻo o latou loto ua faatasi ma i latou i le tapuaʻiga moni ma o i latou uma ua faia aʻe ai le “motu o tagata e toatele mai atu nuu uma, ma aiga, ma nuu, ma gagana eseese, . . . ua latou alalaga foi ma leo tetele, ua faapea atu, ‘O i ai le faaolataga i lo tatou Atua, o lē tietie i le nofoālii, atoa ma le Tamai Mamoe!’” (Faaaliga 7:9, 10) Ua mataʻina lava le auala ua manino mai ai lenei motu o tagata e toʻatele. Ua silia nei ma le ono miliona tagata o loo auauna iā Ieova ma e auai i faapotopotoga e silia ma le 93,000 i le lalolagi aoao!
16 E mautinoa lava ua faamanuiaina e Ieova ona tagata. E faapefea? O se tasi o auala, e ala lea i le faateleina o le malamalamaga e tusa o ana fuafuaga. (17 Ua manino foʻi le faamanuiaga a Ieova ona o lomiga faale-Tusi Paia a Molimau Ieova, ua sili ona tele le tufatufaina atu i le talafaasolopito atoa. I le taimi nei, e 90 miliona kopi o le mekasini o Le Olomatamata ma le Ala Mai! ua lomia i masina taʻitasi, o Le Olomatamata i gagana e 144, ma le Ala Mai! i gagana e 87. O le tusi e faaaogā i suʻesuʻega o le Tusi Paia, O Le Upu Moni E Taʻitaʻi Ai I Le Ola Faavavau, lea sa amata ona lomia i le 1968, na oo atu i le silia ma le 107 miliona kopi sa faasalalauina i gagana e 117. I le 1982, na tatalaina ai le tusi E Mafai ona E Ola e Faavavau i Parataiso i Le Lalolagi, ma na faasalalauina i le silia ma le 81 miliona kopi i gagana e 131. O le tusi Le Poto e Taʻitaʻia ai i le Ola e Faavavau, lea na tatalaina i le 1995, ua silia ma le 85 miliona kopi ua faasalalauina i gagana e 154. E oo mai i le taimi nei, e 150 miliona kopi ua tufatufaina atu i gagana e 244, o le polosiua na lolomia i le 1996, O le ā e Manaomia e le Atua Mai ia i Tatou?
18. E ui lava i teteega ae aiseā ua tatou maua ai pea le manuia faaleagaga?
18 E ui i teteega e matuā mamafa lava ma Isaia 54:17: “O auupega uma e faia e tau ma oe e le manuia ia; o laulaufaiva uma e finau atu ia te oe i le faamasinoga e te faasalaina ia; o le tofi lena o auauna a Ieova, o a latou amiotonu foi mai ia te au lea, ua fetalai mai ai Ieova.” Ua matuā faalaeiauina auauna a Ieova i le iloaina e faapea o le Malaki 3:17, o loo iai sona faataunuuga sili iā i latou: “E fai foʻi i latou maʻu oloa tāua, ua fetalai mai ai Ieova o ʻau, i le aso ua ou tofia.”
faaumiumi mai i le lalolagi a Satani, a o loo iai pea lenei manuia faaleagaga. O lenei tulaga ua faaalia ai le moni o upu i leAuauna ma le Fiafia iā Ieova
19. Ua faapefea ona eseese ē e auauna ma ē e lē auauna ia Ieova?
19 A o faagasolo le taimi, o loo faasolo ina matuā manino mai le eseesega i le va o auauna faamaoni a Ieova ma i latou o i le lalolagi amioleaga a Satani. Na valoia mai i le Malaki 3:18 e faapea: “Ona outou toe iloa lea e eseese lē amiotonu ma lē amio leaga; e ese le ua auauna i le Atua, ma le ua le auauna ia te ia.” E tele ni mea e eseese ai. O se tasi o ia eseesega, o i latou e auauna iā Ieova e faia faapea ma le olioli tele. O se māfuaaga ua latou faia ai faapea ona o le faamoemoe matagofie ua iā i latou. Ua latou talitonu atoatoa iā Ieova ina ua ia fetalai mai: “Ou te faia le lagi fou ma le lalolagi fou; e le toe manatua mea na muamua, e le alu ae foi i le loto. A e peitai ia outou olioli ma fiafia e faavavau i le mea ou te faia.”—Isaia 65:17, 18; Salamo 37:10, 11, 29; Faaaliga 21:4, 5.
20. Aiseā ua avea ai i tatou o ni tagata e olioli?
20 Tatou te talitonu i folafolaga a Ieova e faapea o le a sao ona tagata faamaoni mai lona aso tele ma oo atu i le lalolagi fou. (Sefanaia 2:3; Faaaliga 7:13, 14) E ui lava foʻi atonu o nisi e oo i ai le oti a o lumanaʻi le oo mai o le lalolagi fou ona o le soifua matua, maʻi, po o ni faalavelave tutupu faafuaseʻi, ua taʻutino mai e Ieova iā i tatou e faapea, o le a ia faatutūina mai i latou ma le faamoemoe o le ola e faavavau. (Ioane 5:28, 29; Tito 1:2) E ui ina tofu i tatou uma ma faafitauli ma luʻitau, a o tatou lalata atu i le aso o Ieova, ua iā i tatou ni māfuaaga mautū e avea ai ma tagata e aupito i sili ona fiafia i lenei lalolagi.
O le ā Lau Tali?
• O le ā “le aso o Ieova”?
• Ua faapefea ona faataʻitaʻi lotu o le lalolagi iā Isaraelu anamua?
• O ā valoaga ua faataunuuina e auauna a Ieova?
• Ua faapefea ona faamanuiaina e Ieova ona tagata?
[Fesili mo le Suʻesuʻega]
[Ata i le itulau 21]
Na ‘mu e pei o se umu’ Ierusalema i le uluaʻi senituri
[Ata i le itulau 23]
E tausia e Ieova i latou o ē e auauna iā te ia
[Ata i le itulau 24]
E matuā olioli auauna a Ieova ona o lo latou faamoemoe matagofie