Ia Nofo Sauni mo le Aso o Ieova
Ia Nofo Sauni mo le Aso o Ieova
‘Ia outou nofo sauni; auā o le itu aso tou te lē manatunatu ai, e sau ai le Atalii o le tagata.’—MATAIO 24:44.
1. Aiseā e ao ai ona tatou manatu mamafa e tusa ai ma le aso o Ieova?
O LE a avea o se aso o le taua ma le toʻatamaʻi, mafatiaga ma puapuaga, o le pogisa ma le faatafunaina. E mautinoa o le a oo mai le “aso tele ma le silisili” o Ieova i lenei faiga amioleaga o mea, e pei lava ona sa faaumatia le lalolagi amioleaga i le Lolo i ona pō o Noa. E mautinoa le oo mai o lenā aso. Peitaʻi, e “faaolaina o i latou uma lava o ē valaau atu i le suafa o Ieova.” (Ioelu 2:30-32; Amosa 5:18-20) O le a faaumatia e le Atua ona fili ae faasaoina ona tagata. Ona o le faanatinati o le taimi, ua faalauiloa mai ai e le perofeta o Sefanaia e faapea: “O loo latalata mai le aso tele o Ieova, e lata mai lava, o loo matuā tele vave mai lava.” (Sefanaia 1:14) O lea la, o afea o le a faaoo mai ai e le Atua lenei sala faafaamasinoga?
2, 3. Aiseā e tāua ai le sauniunia o i tatou lava mo le aso o Ieova?
2 Na fetalai Iesu e faapea: “A o lea aso ma lea Mataio 24:36) Talu ai tatou te lē iloa le taimi tonu, e tāua ai la mo i tatou ona utagia upu o la tatou mau o le tausaga mo le 2004: “Ia outou mataala ai; . . . O le mea lea ia outou nofo sauni ai.”—Mataio 24:42, 44.
itu aso e lē iloa e se tasi, e lē iloa lava e agelu i le lagi, e lē iloa foʻi e le Atalii, ua na o le Tamā lava.” (3 Na fetalai Iesu o le a faafuaseʻi ona aoaoina i latou o loo nofo sauni mo lo latou saogalemu, ae o le a tuulafoaʻiina isi i lona faapea mai: “O ia ona pō e i ai i le vao o tagata e toʻalua, e avea le tasi, a e tuua le tasi. E olo faatasi fafine e toʻalua i le mea e olo aʻi saito, e avea le tasi, a e tuua le tasi.” (Mataio 24:40, 41) I lenā taimi mataʻutia, o le a faapefea lo tatou lava tulaga? Pe o le a tatou sauni ea, po o le a faateʻia i tatou i le oo mai o lenā aso? E faalagolago i le tele o gaoioiga o loo tatou faia nei. Ina ia faamaonia ua tatou nofo sauni mo le aso o Ieova, e manaʻomia ai ona tatou ʻalofia se uiga o loo taatele i aso nei, ia teena le oo atu i se tulaga lē lelei faaleagaga ma ʻalofia le tuliloaina o nisi ala o le olaga.
ʻAlofia le Uiga o le Manatu Māmā
4. O ā uiga o tagata i aso o Noa?
4 Seʻi manatunatu i aso o Noa. Ua faapea mai le Tusi Paia: “O le faatuatua na fausia ai e Noa le vaa ina ua mataʻu, e ola ai lona aiga, ina ua aʻoaʻoina e le Atua i mea e leʻi vaaia.” (Eperu 11:7) Sa fou le iai o se vaa ma na faigofie ai ona iloa atu. E lē gata i lenā, o Noa o ia o “lē talaʻi le amiotonu.” (2 Peteru 2:5) E leʻi mafai e le galuega a Noa o le fausiaina o le vaa po o lana talaʻiga ona uunaʻia ai tagata i ona aso e suia o latou uiga. Aiseā? Talu ai sa latou “aai ma inu, ua latou fai avā foʻi ma fai faaavaga.” O i latou sa talaʻi i ai Noa na pupū tele i a latou lava mea ma faafiafiaga, o lea na “lē iloa foʻi e i latou ina seʻia oo le lolo, ma aveesea i latou uma.”—Mataio 24:38, 39.
5. O ā uiga o tagata o Sotoma i aso o Lota?
5 E faapena foʻi i aso o Lota. Ua faapea mai le Tusi Paia: “Ua latou aai, ua inu, ua faatau, ua avane e faatau, ua totō mea, ma fai fale; a o lea lava aso na alu ese ai Lota i Sotoma, ua tō faaua mai le afi ma le teio mai le lagi, ua fano ai i latou uma.” (Luka 17:28, 29) Ina ua uma ona lapataʻia e agelu ia Lota e faatatau i le faaumatiaga o le a oo mai, na ia talanoa atu loa i tane a ona afafine e uiga i le mea o le a tupu. A o ia ua “pei se tagata faianaga” i le manatu o nei tane.—Kenese 19:14.
6. O le ā le manatu e ao ona tatou ʻalofia?
6 Na fetalai Iesu e faapea, e pei o aso o Noa ma Lota, “e faapea foʻi pe a sau le Atalii o le tagata.” (Mataio 24:39; Luka 17:30) O le mea moni, o le manatu taatele o le toʻatele i aso nei o le lē manatu mamafa. E ao ona tatou faaeteete ina neʻi aafia i tatou i na mafaufauga. E leai se mea e sesē ai le ʻai ma le inu i se auala pulea lelei ina ia faafiafia ai. E faapena foʻi i le faaipoipo auā o se faatulagaga a le Atua. Peitaʻi, pe afai e faasilisilia na mea i o tatou olaga ma ua tuulafoaʻia ai manaʻoga faaleagaga, pe o tatou nofo sauni ea la mo le aso tele o Ieova?
7. O le ā le fesili tāua e tatau ona tatou fesili ai a o leʻi faia so o se gaoioiga, ma aiseā?
7 Na faapea mai Paulo: “Ua itiiti ona aso ua totoe; o lenei, o ē ua fai avā, ia peiseaī ua lē fai avā.” (1 Korinito 7:29-31) E itiiti lava se taimi o loo totoe mo i tatou e faamāeʻa ai la tatou galuega mai le Atua, o le talaʻia o le Malo. (Mataio 24:14) Ua fautua mai Paulo e faapea, e oo lava iā i latou ua uma ona faaipoipo e lē tatau ona matuā uaʻi atu i a latou paaga ma avea ai manaʻoga o le Malo o se mea e faatulaga lua i o la olaga. E manino mai, o faanaunauga na fautuaina mai e Paulo, e tuufaafeagai ma le lē manatu mamafa po o le faifailemū. Na fetalai Iesu e faapea: “Ia outou muaʻi saʻili lona malo ma lana amiotonu.” (Mataio 6:33) Pe a faia so o se filifiliga pe a o leʻi faia so o se gaoioiga, o le fesili tāua e ao ona fesili ai, ‘E faapefea e lenei mea ona aafia ai loʻu faamuamuaina o manaʻoga o le Malo i loʻu olaga?’
8. Pe afai e avea mea fai i aso fai soo ma mea e alu uma ai lo tatou taimi, o le ā e ao ona tatou fai?
8 E faapefea pe afai ua tatou iloa ua alu uma lo tatou taimi i mea fai i aso fai soo o le olaga ma ua lē maua ai se taimi mo mea faaleagaga? E faapefea pe a leai se eseesega o tatou olaga ma olaga o tatou tuaoi, o ē ua leai se poto saʻo o le Tusi Paia ma e lē o ni tagata talaʻi o le Malo? Afai o le tulaga lenā, e manaʻomia la ona tatou tatalo mo lea mataupu. E mafai ona fesoasoani Ieova iā i tatou ia maua mafaufauga saʻo. (Roma 15:5; Filipi 3:15) E mafai ona ia fesoasoani iā i tatou e faamuamua manaʻoga o le Malo, faia le mea saʻo, ma faataunuu la tatou tiutefai iā te ia.—Roma 12:2; 2 Korinito 13:7.
Teena le Tautulemoe Faaleagaga
9. E tusa ai ma le Faaaliga 16:14-16, aiseā e tāua ai le teena o le tautulemoe faaleagaga?
9 O loo lapataʻia e le valoaga lava lea o loo talanoaina ai le “taua i le aso tele o le Atua e ona le malosi uma lava,” po o Amaketo e faapea, atonu o le a iai nisi o le a lē mataala pea. Ua fetalai mai le Alii o Iesu Keriso: “Faauta, ou te alu atu pei o se gaoi! Amuia lē mataala, ma tausi i ona ofu, ina neʻi savali o ia e lē lavalavā, neʻi latou iloa atu foʻi lona mā.” (Faaaliga 16:14-16) O ofu o loo taʻua i inei e faasino atu i ni mea e iloa ai tatou o ni Molimau Kerisiano a Ieova. E aofia ai la tatou galuega o ni tagata talaʻi o le Malo ma a tatou amioga faa-Kerisiano. Pe a tatou oo atu i se tulaga ua momoe faaleagaga, e mafai ona aveesea ai lo tatou faailoga o i tatou o ni Kerisiano. E lē gata e matagā ae mataʻutia foʻi. E ao ona tatou teena le oo atu i se tulaga tautulemoe po o le paiē faaleagaga. E mafai faapefea ona tatou teena se faanaunauga faapena?
10. Aiseā ua fesoasoani ai le faitauina e lē aunoa o le Tusi Paia iā i tatou e mataala ai pea faaleagaga?
10 E tele ina faamamafa mai e le Tusi Paia le manaʻomia ona mataala ma ia faautauta. O se faaaʻoaʻoga, ua faamanatu mai e tusi o le Evagelia iā i tatou e faapea: “Ia outou mataala” (Mataio 24:42; 25:13; Mareko 13:35, 37); “ia outou nofo sauni” (Mataio 24:44); “inā mataala ia” (Mareko 13:33); “ia nofo sauni” (Luka 12:40). Ina ua uma ona faailoa mai e faapea o le aso o Ieova e faafuaseʻi ona oo mai i lenei lalolagi, na faalaeiau ai Paulo i uso talitonu e faapea: “Aua neʻi tatou momoe ai faapei o isi, a ia tatou mataala, ma ia faautauta.” (1 Tesalonia 5:6) I le tusi mulimuli o le Tusi Paia, o loo faamamafa ai e Iesu Keriso le faafuaseʻi o lona afio mai, e faapea: “Faauta, ou te vave alu atu.” (Faaaliga 3:11; 22:7, 12, 20) Na faamatalaina foʻi e le toʻatele o perofeta Eperu ma lapataʻia le aso tele o le faamasinoga a Ieova. (Isaia 2:12, 17; Ieremia 30:7; Ioelu 2:11; Sefanaia 3:8) O le faitauina e lē aunoa o le Afioga a le Atua le Tusi Paia, ma manatunatu i ai o se fesoasoani sili lea e tumau ai i le mataala faaleagaga.
11. Aiseā e tāua ai suʻesuʻega totino i le mataala faaleagaga?
11 Ioe, o le suʻesuʻe totino o le Tusi Paia ma faaaogā lomiga faale-Tusi Paia ua saunia e le “auauna faamaoni ma le mafaufau” o se mea e faaala ai i tatou i le itu faaleagaga! (Mataio 24:45-47) Peitaʻi, ina ia mauaina aogā mai i suʻesuʻega totino, e ao ona agaʻigaʻi i luma ma ia faifai pea. (Eperu 5:14–6:3) E ao ona tatou taumafaina meaʻai aano faaleagaga e lē aunoa. Atonu o se luʻi i aso nei le mauaina o se taimi e fai ai suʻesuʻega totino. (Efeso 5:15, 16) Peitaʻi, e lē lava le na o le faitauina o le Tusi Paia ma lomiga faale-Tusi Paia pe a maua se taimi e fai ai. E tāua le faia e lē aunoa o suʻesuʻega totino pe afai tatou te mananaʻo e “faamaoni i le faatuatua” ma ia mataala.—Tito 1:13.
12. E faapefea ona fesoasoani sauniga faa-Kerisiano, fonotaga ma tauaofiaga iā i tatou ina ia tauivi ma le tautulemoe faaleagaga?
12 E fesoasoani foʻi iā i tatou sauniga faa-Kerisiano, fonotaga ma tauaofiaga ina ia tatou tauivi ai ma le tautulemoe faaleagaga. E faapefea? E ala i faatonuga o loo tatou mauaina. I nei faatasitasiga, pe lē o faamanatu mai ai ea e lē aunoa iā i tatou le latalata tele mai o le aso o Ieova? Ua saunia foʻi i sauniga faa-Kerisiano faalevaiaso avanoa e manatunatu le tasi i le isi “ina ia taufaatupu ai le alofa ma galuega lelei.” O le faia faapea, e fesoasoani tele iā i tatou ina ia mataala ai faaleagaga. E lē o se mea e faateʻia ai, ua faatonuina i tatou ina ia faapotopoto e lē aunoa ina ia o tatou iloa “o le Aso o loo tāulata mai.”—Eperu 10:24, 25.
13. E faapefea e le faiva faa-Kerisiano ona fesoasoani iā i tatou e mataala ai faaleagaga?
13 Pe afai e faia so tatou sao ma le lotoatoa i le faiva faa-Kerisiano, e fesoasoani foʻi lea iā i tatou ina ia mataala ai. O le ā le auala sili tatou te mataalia ai i faailoga ma o latou uiga na i lo le talanoa i isi e faatatau i ai? Pe afai tatou te iloa ua agaʻigaʻi i luma i latou o loo tatou suʻesuʻe ma amata ona gaoioi e tusa ma mea ua latou aʻoaʻoina, e atili ai ona tatou lagona le faanatinati o le taimi. Na faapea mai Peteru: “Ia outou fusi aʻe i sulugātiti o outou mafaufau, ia faautauta.” (1 Peteru 1:13) O le ‘alualu o lo outou faamalosi i le galuega a le Alii ma le lē aunoa’ o le vaifofō sili lea mo le paiē faaleagaga.—1 Korinito 15:58.
ʻAlofia Ituaiga o Olaga e Faaleagaina ai Faaleagaga
14. E pei ona faamatalaina i le Luka 21:34-36, o ā ituaiga o olaga na lapataʻia e Iesu?
14 I lana valoaga sili e faatatau i faailoga o lona faatasi mai, na avatu ai e Iesu se isi lapataʻiga. Na ia fetalai e faapea: “Ia outou, neʻi mafatia o outou loto i le soona ulavale, ma le onā, ma le popole i mea a le olaga nei, neʻi faafuaseʻi mai lea aso iā te outou e pei o se mailei; auā e oo mai ai i ē nonofo uma lava i le fogāeleele uma. O lea ia outou mataala e lē aunoa ma tatalo ina ia outou maua le malosi e sao mai ia mea uma ua tali oo mai, ma ia tutū i luma o le Atalii o le tagata.” (Luka 21:34-36) Sa faamatalaina ma le saʻo e Iesu le ituaiga o olaga o loo saʻilia e le toʻatele: o le soona aai tetele, onā, ma olaga e aumaia ai popolega.
15. Aiseā e ao ai ona tatou ʻalofia le ʻai tele ma le inu tele?
15 O le ʻai tele ma le inu tele e lē talafeagai ma mataupu silisili o le Tusi Paia ma e ao ona Faataoto 23:20) Peitaʻi, e lē faapea e tatau ona oo se tasi i le tulaga o le ʻai tele ma le inu tele ona faatoʻā faaleagaina ai lea o lona itu faaleagaga. E mafai ona avea ai se tasi ma sē matamoe ma paiē a o leʻi taʻusalaina i le inu tele ma le ʻai tele. Ua faapea mai le Tusi Paia: “Ua tuʻinanau le loto o le paiē, a e leai se mea e maua.” (Faataoto 13:4) Atonu e manaʻo lenā tagata e faia le finagalo o le Atua, peitaʻi e lē o faataunuuina ona faanaunauga ona o lona lava faatamala.
ʻalofia. Ua faapea mai le Tusi Paia: “Aua neʻi fai oe ma so latou o ē inu tele i uaina; ma ē ua aai tetele i manu.” (16. E faapefea ona tatou ʻalofia le popole i o tatou aiga e fai ma avega mamafa iā i tatou?
16 O ā popolega o le olaga na lapataʻia e Iesu? E aofia ai popolega o le tagata lava ia, saunia o mea taumafa mo le aiga ma isi mea faapena. Pagā le valea pe a faatagaina nei mea e fai ma avega mamafa iā i tatou! Na fesili Iesu e faapea: “O ai ea so outou na te mafaia i lona popole ona faasiliina lona umi i se aga e tasi?” Na ia lapataʻia i latou o ē na ia talanoa atu i ai e faapea: “Aua neʻi outou popole, ma faapea ane. Ni ā mea tatou te aai ai, ni ā foʻi mea tatou te inu ai, ni ā foʻi mea tatou te oofu ai? Auā o mea uma ia ua saʻilia e nuu ese. Auā ua silafia e lo outou Tamā o i le lagi e aogā ia mea uma iā te outou.” O le faamuamuaina o manaʻoga o le Malo i o tatou olaga ma mautinoa e faapea o le a tausia e Ieova o tatou manaʻoga, o le a faatoʻafilemuina ai o tatou popolega ma fesoasoani iā i tatou e mataala ai.—Mataio 6:25-34.
17. E faapefea i le saʻilia o meafaitino ona aumaia ai popolega?
17 E ono māfua foʻi le popole e ala i le saʻilia o meafaitino. O se faaaʻoaʻoga, o nisi ua faafaigatā o latou olaga i le taumafai e ola i mea latou te lē gafatia. O isi ua iʻu i le auai i fuafuaga mo le vave maua o le ʻoa ma teuga tupe e lē mautū lelei. Ua avea aʻoaʻoga ma mailei i nisi, ona o le fia maua o se galuega lelei ina ia tamaoaiga ai. E mautinoa, atonu e 1 Timoteo 6:9.
aogā le lelei o aʻoaʻoga ina ia maua ai se galuega. Peitaʻi, o le mea moni o le faaaluina o le tele o le taimi e saʻilia ai aʻoaʻoga maualuga, ua faaleagaina faaleagaga ai nisi. Pagā se tulaga mataʻutia a o latalata mai le aso o Ieova! Ua lapataʻi mai le Tusi Paia e faapea: “O ē manaʻo i le fia mauʻoa, e maua i latou i le faaosoosoga, ma le mailei, ma tuʻinanau e tele e valea ai ma leaga ai, o mea ia e goto ai tagata i le fanoga ma le malaia.”—18. Ina ia ʻalofia le tosina atu i se olaga o le saʻilia o meafaitino, o le ā le tomai e ao ona tatou ati aʻe?
18 E tāua le ati aʻe o le tomai e faavasega ai le saʻo ma le sesē pe a faia filifiliga, ina ia aua neʻi tosina atu i le olaga o le saʻilia o meafaitino. O lenei tomai, e ati aʻe e ala i le taumafaina i se uiga faaleagaga ‘o mea aano, mo ē matutua’ ma e ala i le “aʻoaʻosooina e iloa ai le lelei ma le leaga.” (Eperu 5:13, 14) Pe a faatulaga mea e faamuamua, ia “masino iā te outou mea uiga eseese” po o mea e sili ona tāua, ma o le faia faapea o le a puipuia ai i tatou mai le faia o ni filifiliga sesē.—Filipi 1:10.
19. Pe afai ua tatou iloa ua itiiti le taimi mo le saʻilia o mea faaleagaga, o le ā e ao ona tatou fai?
19 E mafai ona faatauasoina i tatou i se olaga manaʻo i meafaitino, ma itiiti ai le taimi po o le leai ai foʻi o se taimi e saʻili ai mea faaleagaga. E faapefea ona tatou suʻesuʻeina i tatou lava ma ʻalofia le maileia i lenā ituaiga olaga? E manaʻomia ona tatou iloilo faatasi ma le tatalo le auala ma le tele e mafai ona tatou faafaigofie ai o tatou olaga. Na faapea mai le tupu o Isaraelu anamua o Solomona: “E lelei le moe o lē faigaluega, pe itiiti, pe tele ana mea e ʻai; a o le maʻona o le mauʻoa e lē mafai ai ona moe o ia.” (Failauga 5:12) Po o alu le tele o o tatou taimi i le tausia o meafaitino e lē manaʻomia? O le tele o mea tatou te maua, o le tele foʻi na o mea e ao ona tausia, fai le inisiua ma faaalu le tele o le taimi e puipuia ai. Pe o se mea lelei ea le faafaigofie o o tatou olaga e ala i le aveesea o nisi mea?
Ia Mautinoa, ua E Nofo Sauni
20, 21. (a) O le ā le faamautinoaga na aumaia e Peteru e tusa ai ma le aso o Ieova? (e) O ā gaoioiga ma amioga e ao ona tatou faatinoina e faamaonia ai ua tatou nofo sauni mo le aso o Ieova?
20 Na muta le taimi mo le lalolagi i aso o Noa, o le a faapena foʻi mo lenei faiga o mea. Ua faamautinoa mai e Peteru e faapea: “E sau le aso o le Alii pei o se gaoi, e mavaeeseina ai le lagi ma le gogolo tele, e teʻa eseese ai foʻi o mea na fai aʻi ina ua mū; o le lalolagi foʻi ma galuega o i ai e susunuina lava.” O le a lē faasaoina mai i le toʻatamaʻi o le Atua le lagi faafaatusa, po o malo amioleaga, atoa foʻi ma le lalolagi faafaatusa, po o tagata ua faaesea mai le Atua. Ina ia faaalia le auala e faamaonia ai lo tatou nofo sauni mo lenā aso, ua faapea mai Peteru: “O lenei, o le a teʻa eseese nei mea uma, pe faapefea la outou amio e tatau ai i le amio lelei ma le amio Atua; o loo faatalitali ma naunau atu ia aulia mai le aso o le Atua.”—2 Peteru 3:10-12.
21 O lo tatou auai e lē aunoa i sauniga faa-Kerisiano ma le faia o se sao i le talaʻiga o le tala lelei o le malo, e aofia ai i le amio lelei ma le amio Atua. Seʻi o tatou faatinoina na gaoioiga ma le tuutoina ma le lotoatoa i le Atua a o tatou faatalitali atu ma le onosai i le aso tele o Ieova. Seʻi o tatou “finafinau ai lava ina ia maua [tatou] e [le Atua] ma le manuia, ua lē ponā, ma le lē mataʻuleagaina.”—2 Peteru 3:14.
Pe E te Manatua?
• Aiseā e ao ai ona tatou nofo sauni mo le aso o Ieova?
• Pe afai ua avea le saʻilia o mea masani o le olaga ma gaoioiga e alu uma ai lo tatou taimi, o le ā e ao ona tatou fai?
• O le ā o le a fesoasoani iā i tatou e teena ai le tautulemoe faaleagaga?
• O ā ituaiga o olaga leaga e ao ona tatou ʻalofia, ma e faapefea?
[Fesili mo le Suʻesuʻega]
[Ata i le itulau 20, 21]
Sa manatu māmā tagata i aso o Noa i le faamasinoga na faaloloʻi ane—ae faapefea oe?
[Ata i le itulau 23]
Pe mafai ona e faafaigofie lou olaga ina ia tele ai le taimi mo le saʻilia o mea faaleagaga?