Le Aso Tāua ia Manatua

I LE pō a o leʻi maliu o ia, na tufa atu ai e Iesu se areto e lē faafefeteina ma se ipu uaina mūmū i ona aposetolo ma faatonuina i latou ina ia aai ma feinu ai. Na ia taʻu atu foʻi iā te i latou e faapea: “Tou te faia [“pea,” NW] le mea nei e fai ma faamanatuga iā te aʻu.”—Luka 22:19

I le tausaga lenei, e paʻū le Faamanatuga i le Aso Sa, o Aperila 4, pe a goto le lā. I le lalolagi aoao, o le a faapotopoto ai Molimau a Ieova i lenei pō e faamanatuina lenei sauniga o le Faamanatuga i le auala lea na poloaʻiina e Iesu ina ia faia ai. E valaaulia ai ma le māfana oe ina ia e auai faatasi ma i latou. Faamolemole ia fesili atu i Molimau a Ieova i lo outou vaipanoa mo le taimi tonu ma le nofoaga saʻo e faia ai lea sauniga faapitoa.