O le Manaʻo Tele

“Afai e lē mafai ona faamalieina o tatou manaʻoga, o lona uiga e lē taitai lava mea ua maua.”—Lipotia mai e le Worldwatch Institute.

“O LE ā tatou te mananaʻo ai? O mea uma lava. O le ā le taimi tatou te mananaʻo ai? O le taimi nei.” O se faaupuga ua taatele i tamaiti aʻoga o le kolisi i le vaitau o le 1960. I aso nei, atonu e lē o toe faalogoina upu tonu ia ae o loo tumau pea le uiga. O se mea iloga i o tatou taimi, o le manaʻo tele.

O le mauaina o le tamaoaiga ma meafaitino ua avea o se mea sili ona tāua i le olaga o le toʻatele. Na taʻua e Jimmy Carter o lē na avea muamua ma peresitene o le Iunaite Setete: “E lē iloa se tasi i mea ua ia faia ae e iloa i mea ua ia maua.” Pe iai se isi mea e sili ona tāua na i lo meafaitino? Afai e iai, o ā na mea ma o ā aogā e maua mai ai?