Pe e Mafai Ona Faaata i Lou Mafaufau Mea na E Faitau Ai?

E AOGĀ le faamasani i nofoaga na e faitau ai, ina ia faaata i lou mafaufau mea na tutupu. O se faaaʻoaʻoga, ia manatu i malaga faamisionare a le aposetolo o Paulo e pei ona taʻua i le tusi o Galuega. Na amata lana malaga muamua faamisionare i Anetioka, lea na muaʻi taʻua ai soo o Iesu o Kerisiano. O i inā na malaga atu ai Paulo i Salamina, Anetioka i Pisitia, Ikonio, Lusa, ma Teipe. Pe e mafai ona faaata i lou mafaufau mea na tutū ai nei nofoaga?

Ailoga aemaise pe afai e leai se faafanua. O loo iai se faafanua o nei nofoaga i le polosiua fou e 36 itulau, ‘Matamata i le Nuu Lelei.’ Na faapea mai ma le lotofaafetai se tagata mai Montana i Amerika, o lē na faitau i le polosiua: “E mafai ona ou vaai i malaga a Paulo ma faaata i loʻu mafaufau le auala na malaga ai, ma galuega na latou faia ma isi Kerisiano i le folafolaina o le tala lelei. Faafetai tele lava mo le polosiua matagofie.”

E anoanoaʻi faafanua o i lenei polosiua e ese mai i le faafanua o malaga a Paulo, lea e fesoasoani i le tagata faitau e faaata i lona mafaufau mea o loo taʻua i le Tusi Paia. E mafai ona e faatalosagaina se kopi o le polosiua ‘Matamata i le Nuu Lelei,’ e ala i le faatumu o le kuponi o i lalo ma lafo mai i le tuatusi o i lalo, po o se tuatusi talafeagai i le itulau e 2 o lenei mekasini.

□ Ou te manaʻo i saʻu kopi o le polosiua ‘Matamata i le Nuu Lelei.’

□ Ia faafesootaʻi aʻu faamolemole i se suʻesuʻega faale-Tusi Paia e leai se totogi.

[Faamatalaga i Ata i le itulau 32]

Pictorial Archive (Near Eastern History) Est.