Se Mea na Tupu e Ao Ona Manatua

O LE ā lenei mea na tupu? O le maliu o se tagata pe a ma le 2,000 tausaga ua mavae. Na ia fetalai e faapea: “Ou te tuuina atu loʻu ola, ina ia ou toe au mai ai. E leai se tasi na te aveeseina iā te aʻu, a e peitaʻi aʻu, ou te tuuina atu e aʻu lava.” (Ioane 10:17, 18) O lenā tagata, o Iesu Keriso lea.

Na faatonu e Iesu ona soo ina ia faamanatu le Faamanatuga o lona maliu faataulagaina. E taʻua foʻi lea sauniga o le “talisuaga a le Alii.” (1 Korinito 11:20) O le Faamanatuga na faavae e Iesu e faamanatuina ai lona maliu, o le a faia e Molimau a Ieova ma a latou aumea i le pō o le Aso Tofi, Mati 24, 2005, pe a goto le lā.

O le a faamatalaina i se lauga e faavae mai i le Tusi Paia le uiga o le areto e lē faafefeteina, ma le uaina mūmū o le a faaaogāina i le sauniga. (Mataio 26:26-28) O le a taliina foʻi i le lauga ia fesili e pei o nei: E faafia ona faamanatuina e Kerisiano lenei aso? O ai tonu i latou e tatau ona tagofia le areto ma le uaina? O ai e maua aogā e ala i le maliu o Iesu? O le a fesoasoani lenei faamanatuga tāua i tagata uma, ina ia malamalama ai i le fuafuaga o le soifuaga ma le maliu o Iesu.

E valaaulia ma le māfana oe i le Faamanatuga o le maliu o Iesu. Faamolemole fesili i Molimau a Ieova i lou nuu i le nofoaga tonu ma le taimi e faia ai.