Pe Tou te Talanoa ma Ē Pele iā te Oe?
Pe Tou te Talanoa ma Ē Pele iā te Oe?
UA LIPOTIA mai e le mekasini a Polani, le Polityka e faapea: “Ua faasolo ina tatou tau lē toe talanoa ma ē pele iā i tatou.” I le Iunaite Setete, ua fuafuaina e faapea, e na o le ono lava minute i le aso e faia ai e ulugalii faaipoipo ni talanoaga aogā. Ua manatu nisi tagata popoto, o le ʻafa o talaga faaipoipoga ma teteʻaga e māfua i le lē lava o ni talanoaga a ulugalii.
Ae ā talanoaga i le va o mātua ma fanau? Ua faapea mai le lipoti, “e masani lava e lē faia ni talanoaga a o le fia suʻesuʻe vale: Na ā mai le aʻoga? Ae faapefea au uō?” E tusa ai ma lea tulaga, na fesili ai le mekasini: “E faapefea ona iloa e a tatou fanau ona atiina aʻe ni faiā tumau?”
Talu ai e manaʻomia ni taumafaiga ina ia fai talanoaga lelei, e mafai faapefea ona faaleleia le auala tatou te talanoa ai? Ua aumaia e le soo Kerisiano o Iakopo se fautuaga tāua: “Ia taʻitasi le tagata ma faataalise ona faalogologo, ia faagesegese ona tautala atu, ia faagesegese ona ita.” (Iakopo 1:19) Ina ia faia se talanoaga e atiina aʻe ai, e manaʻomia ona tatou faalogologo lelei, ae aua le faasalavei atu pe oso vave e faia se faaiʻuga. ʻAlofia le faitio, auā e vave ai ona taofia se talanoaga. E lē gata i lea, na faia e Iesu fesili faatupu manatu, ae lē o ni fesili suʻesuʻe vale ae ia tatala mai ai le loto o lē o loo faalogologo ma ia faamalosia ai la laʻua faiā.—Faataoto 20:5; Mataio 16:13-17; 17:24-27.
I le faatatauina o taʻiala i le Tusi Paia, ia tausolomua oe ona faamaʻite ni talanoaga ma ē pele iā te oe. E ono iʻu i se faiā māfana lea o le a pele iā te oe mo le tele o tausaga; e oo lava i le faavavau.