Fesili Mai le ‘Aufaitau
Fesili Mai le ʻAufaitau
Ua faapea mai le Teuteronome 14:21: “Aua tou te aai i se mea ua mate fua.” Pe feteenaʻi lenā mau ma le Levitiko 11:40: “O se ʻai i lona tino ua mate na te taia ona ofu, e leaga foʻi o ia seʻia oo i le afiafi”?
E lē o feteenaʻi nei fuaiupu e lua. O le mau muamua, ua toe taʻua ai le faasāina ona ʻai o se manu na maua ua mate, atonu pe na fasimatea e se isi manu. (Esoto 22:31; Levitiko 22:8) O le mau lona lua, o loo faamatala mai ai le mea sa tatau ona fai e se tagata Isaraelu, pe afai sa ia solia lea tulafono, atonu i se tulaga e leʻi mafaufauina.
E ui lava ua faasāina e le Tulafono lenei mea, ae na silafia foʻi e Ieova e iai taimi o le a lē amanaʻia ai e isi. O se faaaʻoaʻoga, sa iai tulafono na faasāina ai le gaoi, fasioti tagata, molimau pepelo, ma isi mea faapena. I le taimi e tasi, sa iai faasalaga mai le Atua mo ē na solia na tulafono. O na faasalaga, sa faamalosia ai tulafono ma faaalia ai le tulaga matuiā o na tulafono.
O sē na te solia le tulafono faasaga i le ʻaina o tino o manu na maua ua mamate, e taʻua i latou e lē mamā i le silafaga a Ieova, ma e tatau ona uia le faatulagaga saʻo o le faamamāina. Afai e na te lē faamamāina lelei o ia, e tatau ona ‘nofo sala lava o ia.’—Levitiko 17:15, 16.