“E Leʻi Lafoaʻia lo Latou Faatuatua”

NA FETALAI Iesu i ona soo: “Amuia outou pe a latou upu leaga, ma faasauā iā te outou, ma latou tuuaʻiina pepelo outou i mea leaga uma ona o aʻu.” (Mataio 5:11) Ua faamanuiaina Molimau a Ieova i aso nei. Auā e tusa ai ma aʻoaʻoga ma faataʻitaʻiga a Keriso, e “lē ni o le lalolagi” i latou. Ua matuā solitū i mataupu fai a le malo ma faamaoni i le Atua e tusa lava po o le ā le tulaga e oo i ai.—Ioane 17:14; Mataio 4:8-10.

E tusa ai ma le lē lafoaʻia e Molimau a Ieova o lo latou faatuatua i le taimi o le pulega a le ʻau Komunisi e aofia ai ma i latou i Estonia, na tusi ai se faifeʻau o le lotu Luteru ma o se faaliliu foʻi o le Tusi Paia e suafa iā Toomas Paul i lana tusi o le Kirik keset küla (The Church in the Middle of the Village): “E toʻaitiiti lava ua iloa le mea na tupu i le vaveao o Aperila 1, 1951. Na faia se fuafuaga e aveese Molimau a Ieova ma ē fiafia iā i latou mai le atunuu—e 279 i latou uma na puʻea ma tipoti atu i Siberia . . . Na tuuina atu muamua iā i latou ni pepa ina ia sainia e faaalia ai lo latou faafitia o lo latou faatuatuaga, ina ia mafai ai ona ʻalofia le tipoti po o le faafalepuipuiina o i latou. . . . O le aofaʻi o i latou faatasi ai ma isi na falepuipui muamua e 353, e aofia ai a itiiti mai e 171 i latou sa na ona auaufaatasi ma le faapotopotoga. E leʻi lafoaʻia lo latou faatuatua—e oo lava ina ua oo i Siberia. . . . E lē toʻatele ni sui o le lotu [Luteru i Estonia] e tutusa lo latou faatuatua ma Molimau a Ieova.”

Ua faatuatua Molimau a Ieova i le lalolagi atoa i le Atua, e fesoasoani iā i latou e tumau i le faamaoni ma usiusitai iā te ia e ui i sauāga. Ua latou olioli i le iloaina e tele lo latou taui ona o le faamaoni.—Mataio 5:12.