Laau O Le Tausaga Fou—O se Aganuu Faa-Rusia po o le Faa-Kerisiano?

“PE Ā i le 1832/1833, sa faaauau pea ona manatu i le laau e lē toʻulu ona lau o se ‘manatu manaia faa-Siamani.’ Ina ua mavae le sefulu tausaga, na ‘avea ma se aganuu’ i le tele o fale o aiga taualoa i St. Petersburg. . . . E na o faifeʻau ma tagata matitiva sa lē mulimuli atu i lenei aganuu, o le faatū lea ma le teuina o se laau i o latou fale i le senituri 19. . .

“A o lumanaʻi le senituri 19, . . . sa lē fiafia tagata i le laau. Sa manatu i ai o se faailoga o le oti lea e fesootaʻi atu i le nofoaga o agaga e tusa ai ma le aganuu a Rusia, e faapena foʻi i le faatūina o le laau i le taualuga o se fale pia, ae na suia manatu ma amioga a tagata i le ogatotonu o le senituri 19 . . . E manino mai, o le taliaina o le aganuu o le teuina o se laau i le fale, o le a tutusa uiga o lea laau ma le laau o le Kerisimasi i atunuu tamaoaiga, ma lona fesootaʻiga i le tala o le Kerisimasi . . .

“Sa lē sologa lelei le faagasologa o le laau ina ia avea o se faailoga faa-Kerisiano i Rusia. Sa teena e le lotu Rusia lea fuafuaga. Na manatu taʻitaʻi lotu o se ‘gaoioiga faatemoni,’ o se aganuu faapaupau, lea e leai se fesootaʻiga ma le fanau mai o le Faaola, aemaise o se aganuu mai atunuu o Europa ma Amerika.”—Yelena V. Dushechkina, o se polofesa i le Iunivesite o St. Petersburg.

[Faamatalaga i Ata i le itulau 32]

Ata: Nikolai Rakhmanov