Pe e Pei Oe o le Laau o le Lagani Auna?

INA ua māeʻa le talaʻiga, na toe foʻi atu ai ni faifeʻau se toʻalua i se nuu i le taufaasiʻusiʻuga o Port Moresby, i Papua Niu Kini. A o la savavali, na la vaaia ai se laau matagofie lava. Na faapea atu le tamāloa matua, “Oi o le laau o le lagani auna.” Na ia liliu ma toe faapea atu i le isi tamāloa: “O lona uiga, o le ‘laau o le tausaga.’ E lē pei o le tele o isi laau i le teropika, o tausaga uma e toʻulu ai ona lau ma foliga mai ua pē. Peitaʻi, pe a timu e toe ola, fuga ai fugālaau ma toe matagofie ai foʻi.”

E mafai ona tatou iloa se mea mai le laau o le lagani auna po o le poinciana, e pei ona iloa ai e le toʻatele. E tusa ai ma isi tagata suʻesuʻe, ua aofia le laau lenei i laau e lima e fua mai fugālaaau aupito i matagofie i le lalolagi. E ui ina toʻulu ona fugālaau ma ona lau i le mūgalā, ae o loo iai pea i le tino o le laau ni vai. E malolosi ona aa ma e mafai ona ola faataamilomilo i papa i lalo o le palapala. E mauaa o ia i taimi o matagi malolosi. E lauolaola nei laau ma e mafai ona ola i se tulaga faigatā.

E mafai ona tatou iai i se tulaga e tofotofoina ai lo tatou faatuatua. O le ā se mea e fesoasoani iā i tatou e tumau ai? E pei o le laau o le lagani auna, e mafai ona tatou ave i fale ma teuina le vai o le ola o le Afioga a le Atua. E tatau foʻi ona tatou piiama atu i lo tatou ‘papa’ o Ieova, atoa ma lana faalapotopotoga. (2 Samuelu 22:3) O le mea moni, o le laau o le lagani auna, ua fai ma faamanatuga e ui lava i tulaga faigatā, ae mafai ona tatou tumau i le malosi faaleagaga pe afai tatou te faaaogāina sauniuniga ua saunia e Ieova. O le faia faapea, o le a tatou maua ai “mea na folafolaina” e aofia ai le ola e faavavau.—Eperu 6:12; Faaaliga 21:4.