“Pe E te Iloa le Suafa o le Atua?”

O LE fesili lenā na faaosofia ai le fiafia o se tamaʻitaʻi e nofo i le itu i saute sisifo o Asia Tutotonu. O se fesili na lomia i le itulau pito i luma o la tatou lomiga o le Awake! o Ianuari 22, 2004, (Ala Mai! o Aperila-Iuni, 2004). Na tusi mai le tamaʻitaʻi i ē na lomiaina le Ala Mai! e faapea: “E masani ona ou fiafia e faitau le tou lomiga. E telē se fesoasoani mai iā te aʻu ina ia ou tausia ai uiga ma amioga lelei. Ua atili ai ona lelei ma mautinoa laʻu vaai i le olaga. O loo oʻu talanoa i tagata uma e uiga i lo tatou Atua, ma le filemu e maua ona o lenei malamalamaga.”

I le tele o vaipanoa, “e oo lava i le tuluʻiga o le lalolagi,” ua amata ona masani tagata i le suafa o le Atua, o Ieova. (Galuega 1:8) Mo se faaaʻoaʻoga, o lenei igoa i le gagana a Take, o Yehowa, ma e maua i la latou Tusi Paia. E faitauina faapea le Salamo 8:1: “Ieova e, lo matou Alii, e silisili lava lou suafa i le lalolagi uma lava.”

Ina ia e aʻoaʻoina atili nisi mea e uiga iā Ieova le Atua, e mafai ona e talosagaina le tusi, O ā Aʻoaʻoga Moni a le Tusi Paia? mai se tasi o Molimau a Ieova.