O le Fesoasoani a Ieova, na Matou Sao ai i Pulega Tautalatasi
Talaaga o le Soifuaga
O le Fesoasoani a Ieova, na Matou Sao ai i Pulega Tautalatasi
Faamatalaina e Henryk Dornik
NA OU fanau mai i le 1926 i ni mātua e tuutoina i le lotu Katoliko. Na nonofo i laʻua i Ruda Slaska, o se aai e ʻeli ai le auro ma le koale e latalata i Katowice, i le itu i saute o Polani. Sa la aʻoaʻoina le la fanau—loʻu uso matua o Bernard; o oʻu tuafāfine laiti ifo e toʻalua o Róża ma Edyta ma aʻu—e tatalo, auai i sauniga a le lotu, ma auai i le sakalameta mo le faamagaloina o agasala.
Maua e lo Matou Aiga le Upu Moni
I se tasi aso iā Ianuari 1937, tusa ua sefulu oʻu tausaga, na foʻi mai ai Tamā i le fale ma le fiafia tele. Na ia aumaia se tusi mafiafia telē lava na ia maua mai i Molimau a Ieova. Na ia faapea mai, “Le fanau e, seʻi vaai mai foʻi—o le Tusi Paia le mea lea!” Ou te leʻi vaai muamua lava i se Tusi Paia.
Ua loa ona taaʻina malosi e le Lotu Katoliko tagata i Ruda Slaska, ma oganuu na siʻomia ai. Sa lelei tele le faiā a le ʻaufailotu ma tagata e ana pisinisi o le ʻeliina o le auro, ma na latou faamalosia le usiusitai atoatoa atu o le ʻau ʻeli auro faapea ma o latou aiga. Afai e lē auai se tagata ʻeli auro i le Misasā pe lē alu i le kofesio, e manatu i ai o se tagata e lē talitonu i le lotu, ona faateʻa lea mai lana galuega. Na faaloloʻi ane se tulaga faapea ona ua aufaatasi Tamā ma Molimau a Ieova. Ae peitaʻi, ina ua asiasi atu se patele i lo matou fale, na faaalialia e Tamā le faagutugutulua o le patele i luma o tagata uma. Ona e leʻi manaʻo le patele lea ua masiasi i nisi faafitauli, o lea e na te leʻi tulia ai Tamā.
O le faalogologo atu i lenā feteenaʻiga ma le patele, na faamalosia ai loʻu faanaunauga ina ia ou iloa lelei le Tusi Paia. Na oo ina ou *—2 Tupu 10:15-17.
alofa iā Ieova, ma ati aʻe ai sa ma faiā lelei ma ia. I ni nai masina talu mai le talanoaga a Tamā ma le patele, na matou ō ai i le Faamanatuga o le maliu o Keriso, lea na faafeiloaʻi atu ai Tamā i se vaega o tagata e tolu sefulu i le faaupuga faapea, “O le Ionatapa.” E leʻi umi ae ou iloa o le “Ionatapa” o Kerisiano e iai lo latou faamoemoe i le lalolagi, ma e oo ina faatupulaʻia lo latou faitau aofaʻi.“Atalii, E te Iloa le Uiga o le Papatisoga?”
Ina ua talia e Tamā le upu moni, na te leʻi toe inuina se ʻava malosi ma oo ina avea ma se tane ma se tamā lelei. Ae ui i lea, e leʻi auai Tinā i lona talitonuga, ma e masani ona ia faapea atu iā Tamā e sili atu lona manaʻo ia tumau pea Tamā o se Katoliko. Ae peitaʻi, ina ua gāpā le Taua Lona Lua a le Lalolagi, na ia iloa ai, o patele lava ia na tatalo ina ia manumalo Polani i le taua ma Siamani, lea ua latou toe tatalo faafetai i le taulau manuia o taumafaiga a Hitila! Mulimuli ane i le 1941, na aufaatasi mai ai loa Tinā ma i matou i le auaunaga iā Ieova.
A o leʻi tupu lenā mea, na ou faailoa atu loʻu faanaunauga ia faailoga loʻu tuuina atu i le Atua i le papatisoga, ae na manatu toeaina o le faapotopotoga e fai si oʻu laʻitiiti. Na latou faapea mai ou te faatali. Iā Tesema 10, i le 1940, na talanoa mai ai Konrad Grabowy (o se uso na maliu ma le faamaoni mulimuli ane ai i se nofoaga o faasalaga) iā te aʻu a o na o i maʻua i se tasi aso. Na fesili mai iā te aʻu i ni fesili se lima, ma ina ua faamalieina o ia i aʻu tali, ona ia papatisoina loa lea o aʻu. O se tasi o fesili, “Atalii, e te iloa le uiga o le papatisoga?” O le isi fesili, “Pe e te iloa o loo faia le taua i le taimi nei, ma e lē o toe umi ae e filifili pe e te faamaoni iā Hitila po o Ieova, ma o lau filifiliga e mafai ona e oti ai?” Ou te leʻi faatalatū, ae na ou tali atu, “Ioe.”
Amata Sauāga
Aiseā na fesili ai Konrad Grabowy i na fesili patino? Na osofaʻia e le ʻautau a Siamani ia Polani i le 1939, ma mai i lenā taimi na matuā tofotofoina ai lo matou faatuatua ma lo matou faamaoni. I aso taʻitasi, e faateteleina lava le popole pe a matou maua tala ua puʻea uso ma tuafāfine Kerisiano, toe faafoʻi i atunuu na o mai ai, ma auina atu i falepuipui po o nofoaga o faasalaga mamafa. E lē o toe umi ae tofotofoina foʻi lo matou faamaoni.
Na mananaʻo le ʻau Nasi e avea tupulaga talavou—e aofia ai ma i matou e toʻafā—o ni sui e maelega mo le pulega a Hitila. Ona sa tele taimi na teena ai e Tamā ma Tinā le sainia o le Volkslist (lisi o tagata e mananaʻo e avea ma tagatānuu o Siamani), na aveesea ai lo la aiā tatau faaletulafono e tausia i matou le fanau. Na auina atu Tamā i le nofoaga o faasalaga mamafa i Auschwitz. Iā Fepuari 1944 na tuu ai i maʻua ma loʻu uso i Grodków (Grottkau) e latalata i Nysa, o se nofoaga e faamalosia ai tamaiti e suia o latou talitonuga, ae auina atu o ma tuafāfine i le nofoaga o le Katoliko i Czarnowąsy (Klosterbrück), e lata i Opole. O le sini, ia matou lafoaʻia le mea o loo taʻua e le pulega “o manatu sesē a o matou mātua.” Sa tuua na o lo matou tinā i le fale.
I taeao uma i le lotoā o le nofoaga lenei, e sisi ai se fuʻa, ma na faatonuina i maʻua e sii o ma lima taumatau e faʻalo ai i le fuʻa a o ma faapea atu “Viia Hitila.” O se tofotofoga mataʻutia o le faatuatua, ae na ma tumau lava ma Bernard ma mumusu e lolo atu e fai le mea sesē. O le iʻuga, na fasi faamoʻamoʻa i maʻua ona o le “lē faaaloalo.” Na lē taulau foʻi taumafaiga e gausia o ma loto, o lea na tuu mai ai e fitafita se manatu faatū, “A lē o le sainia o le faalauiloaga o le faamaoni i le Malo o Siamani ma auai i le ami a Siamani, o le a ave oulua i le nofoaga o faasalaga mamafa.”
Iā Aokuso 1944 ina ua fautuaina e le pulega Galuega 5:41) E leai se auala e mafai ai i loʻu lava malosi ona ou onosaia puapuaga ia o le a feagai ma aʻu. Ae i le isi itu, o tatalo e sau mai le loto na ou vavalalata atu ai iā Ieova, ma e mautinoa o ia o se Fesoasoani maufaatuatuaina.—Eperu 13:6.
e ave i maʻua i le nofoaga o faasalaga mamafa, na latou faapea mai: “Ua lē mafai ona tatou toe faatalitonuina i laʻua e faia so o se mea. E olioli i laʻua i o la puapuaga. O lo la maumauaʻi ua avea o se popolega tele mo taumafaiga uma o loo fai e suia tagata.” E ui lava e lē o soʻu faanaunauga le faapuapuagatia o aʻu, ae o loʻu puapuagatia ma le loto tele, ma le toʻafimālie ona o loʻu faamaoni iā Ieova, ua ou maua ai le fiafia. (I le Nofoaga o Faasalaga Mamafa
E leʻi umi ae ave aʻu i le nofoaga o faasalaga mamafa i Gross-Rosen i Silesia. Sa aumai laʻu numera lea e faanumera ai pagota, ma laʻu faailoga tafatolu lanu violē, lea e iloa ai aʻu o se tasi o Molimau a Ieova. Sa ofo mai e le fitafita a le Nasi a Siamani se filifiliga ou te faia. E mafai ona tatala aʻu mai le nofoaga o faasalaga, ma e oo foʻi ina avea aʻu ma tagata ofisa i le ʻautau a Siamani pe a ou faia le mea lea e tasi. “E tatau ona ou lafoaʻi le manatu o Tagata Aʻoga o le Tusi Paia, lea e tetee i le malo o Siamani.” E leai se isi pagota na maua lea ofo. E na o Molimau a Ieova na tuu i ai le avanoa e ʻalofia ai le iai i nofoaga o faasalaga. Ae peitaʻi, e tutusa lava aʻu ma le faitau afe o isi, na latou teena lenā “avanoa.” Na faapea mai fitafita: “Ia tagaʻi totoʻa atu i le alāasu lenā o le fale e susunu ai tagata. Ia mafaufau loloto la i le ofo lea ua avatu. A lē o lenā, e faatoʻā maua la lou saʻolotoga i le alāasu le lā.” Sa ou toe teena ma le maumauaʻi le ofo, ma o le taimi lenā na faatumulia ai aʻu i “le manuia [filemu] . . . mai le Atua, o loo silisili lava i mea uma e manatu i ai.”—Filipi 4:6, 7.
Sa ou tatalo ina ia mafai ona ou feiloaʻi i uso talitonu i le nofoaga o faasalaga, ma sa faia e Ieova lenā mea mo aʻu. O Gustaw Baumert o se tasi o uso Kerisiano faamaoni na iai i inā faatasi ma isi uso, ma sa ia vaaia lelei aʻu ma le alofa. E lē fesiligia le mea moni, o Ieova “o le Tamā e ona le alofa mutimuti vale, o le Atua foʻi e ana le faamāfanafanaga uma” lea na ou maua.—2 Korinito 1:3.
Ina ua mavae ni nai masina, ona osofaʻi mai lea o le ʻautau a Rusia, ma faamalosia ai le ʻautau a Siamani e sosola ese vave mai le nofoaga o faasalaga. A o matou sauniuni e ō ese, na matou ō e ui ina lamatia ai o matou ola e siaki le mea o loo faafalepuipui ai o matou tuafāfine faaleagaga e 20, ma sa iai Elsa Abt ma Gertrud Ott faatasi ma isi. * Ina ua latou vāai mai iā i matou, na latou taufetuli mai, ma ina ua uma la matou feofoofoaʻiga puupuu o faalaeiauga, ona latou usuina lea o le pese o le Malo lea e iai upu: “O le tagata faamaoni e lē mataʻu o ia.” * Na faatumulia i matou uma i loimata!
Le Nofoaga o Faasalaga na Sosoo Ai
Na uta pagota pe tusa o le 100 i le 150 o i matou i taavale laʻu uta, e leai ni meaʻai ma ni vai, ma matou faimalaga atu i le mālūlū o timuga ma le toʻa o le aisa. Sa matou puapuagatia i le fia feinu ma le fiva. A o vaivai atu tagata mamaʻi ma paʻūʻū i lalo ma feoti, na amata gaogao ai le taavale. Na fulafula sooga o oʻu vae na lē mafai ai ona ou tū i luga. Ina ua mavae aso e sefulu o le faigāmalaga, na taunuu atu ai ni nai pagota na feola pea i le nofoaga o faasalaga i Mittelbau-Dora i Nordhausen, lea e latalata i Weimar i Thuringia. O se mea e matuā ofo ai, ona e leai se uso na maliu i lenā faigāmalaga mataʻutia.
Ina ua faatoʻā ou toe malosi mai i la matou faigāmalaga, ae pipisi loa le faamaʻi manavatatā, ma na mamaʻi ai nisi o uso faapena foʻi ma aʻu. Na taʻu mai iā i matou e aua neʻi toe ʻaia se supo o loo aumai i le nofoaga o faasalaga ae ʻai na o falaoa faapaʻu. Sa ou ʻaia ma na ou toe malosi ai. Iā Mati 1945, na matou faalogo ai o le mau o lenā tausaga o le Mataio 28:19: “O lenei, ia outou ō atu e fai nuu uma lava ma soo.” E mautinoa lava o le a matala faitotoʻa o le nofoaga o faasalaga, ma faaauau ai ona talaʻia le tala lelei! Na faatumulia i matou i le olioli ma le faamoemoe, ona na matou manatu o le a taualuga le Taua Lona Lua a le Lalolagi iā Amaketo. Maʻeu le faamalosia o i matou e Ieova i na taimi faigatā!
Saʻoloto Mai Nofoaga o Faasalaga
Iā Aperila 1, 1945, na tuʻi pomu ai e ʻautau Soofaatasi nofoaga a ʻautau a Siamani ma le nofoaga o faasalaga lea na matou iai. E toʻatele na feoti a o isi na manunuʻa. O le aso na sosoo ai, na matou pagatia ai i le tele o pomu, ma a o faia lea osofaʻiga, na pā se pomu ma ou lelea aʻe ai i luga i le ea.
Na fesoasoani mai iā te aʻu se tasi o uso e igoa iā Fritz Ulrich. Na ia ʻeli aʻe le faaputuga o nutigāmea o loo iai, ma faamoemoe o loo oʻu ola pea. Mulimuli ane, na ia mauaina aʻu ma toso aʻe mai le faatafunaga. Ina ua ou toe malamalama, na ou iloa ai e tele manuʻa tugā i oʻu foliga ma loʻu tino ma ua ou lē toe lagonaina ni mea i oʻu taliga. Ua leaga talipalau o oʻu taliga i le pā o le pomu. E tele tausaga o leaga laʻu faalogo seʻia oo ina toe lelei.
Mai le faitau afe o pagota, e toʻaitiiti lava na faasaoina mai i na pomu. Na maliliu ai nisi o tatou uso, ma e aofia ai ma Gustaw Gaumert. O oʻu manuʻa na oo ina papala ma ou fiva tele ai. E leʻi umi, ae maua i matou e le ʻautau Soofaatasi ma faasaʻoloto ai loa. Ae o le taimi la lea, na tupu ai se faamaʻi lea foʻi na ou maua ai, e māfua mai i tino oti ua amata ona pala o pagota. Na avatu i matou i le falemaʻi. E ui lava i taumafaiga a fomaʻi, ae na o le toʻatolu i matou na feola. Maʻeu loʻu loto faafetai iā Ieova i lona faamalosia o aʻu e tumau i le faatuatua i na taimi faigatā! Na ou loto faafetai foʻi, ona na mafai ona faasaoina aʻu e Ieova mai le “ata” o le oti.—Salamo 23:4.
Toe Oo i Loʻu Aiga!
Ina ua siilima le ʻautau a Siamani, na ou manaʻo ou te foʻi vave loa i loʻu aiga, ae sa sili atu le faigatā i lo le mea na ou manatu i ai. Na iloa mai aʻu e nisi o pagota Katoliko na matou falepuipui faatasi. Na feei mai, “Fasioti le tagata lea!” ma latou togi aʻu i lalo ma soli aʻu. Na sau se tamāloa ma laveaʻi aʻu, ae na umi foʻi se taimi faatoʻā ou toe malosi ona o oʻu manuʻa ma le maʻi lea sa ou maua ai. Mulimuli ane, na ou toe oo lava i si oʻu aiga. Maʻeu loʻu fiafia tele ina ua ou toe feiloaʻi i loʻu aiga! Na latou matuā olioli ina ua vaai mai iā te aʻu, auā sa latou manatu ua ou oti.
E leʻi umi ae toe amata le galuega talaʻi, ma na talileleia e le toʻatele o tagata na saʻili moni
lava mo le upu moni. Na tofia aʻu ou te laʻuina lomiga faale-Tusi Paia mo faapotopotoga. Na matou maua se avanoa faapitoa ma nisi o uso, e feiloaʻi ai iā Weimar ma sui o le ofisa o le lālā i Siamani, ma o inā na matou aumaia ai i Polani uluaʻi lomiga o Le Olomatamata ina ua uma le Taua Lona Lua. Na vave lava ona faaliliuina, saunia pepa mo le lomiaina, ma lomia loa kopi o le Olomatamata. Ina ua maua e lo matou ofisa i Lodz le vaavaaiga atoa o le galuega i Polani, na amata loa ona toe maua e lē aunoa e faapotopotoga lomiga faale-Tusi Paia. Na amata i le taimi lenā ona ou auauna o se paeonia faapito, po o se tagata e talaʻi faataimi atoa, ma talaʻia le oganuu telē o Silesia, o le tele lava o ona vaega na avea ma vaega o Polani i lenā taimi.E leʻi umi, ae toe sauāina foʻi Molimau a Ieova, ae o le taimi lea ua sauāina e le pulega faa-Komunisi fou i Polani. Ona o loʻu solitū faa-Kerisiano, na faafalepuipui ai aʻu i le 1948 mo le lua tausaga. A o oʻu iai i inā, sa mafai ona ou fesoasoani atu i le toʻatele o pagota ina ia iai se faiā vavalalata ma le Atua. Na fiafia se tasi o i latou i le upu moni, ma tuuina atu o ia iā Ieova, ma papatisoina.
I le 1952, na toe faafalepuipui foʻi aʻu, o le taimi lea ua tuuaʻia aʻu o se sipai a le Iunaite Setete! A o faatalitali mo loʻu faamasinoga, na tuu na o aʻu i pā e matuā puipuia lelei ma tuʻifesili aʻu i le ao ma le pō. Ae peitaʻi, na toe laveaʻi foʻi aʻu e Ieova, ma o tausaga na sosoo ai e leʻi toe oo se mea faapena iā te aʻu.
Le Fesoasoani na Ou Tumau Ai
Pe a ou toe tepa i tua i na tausaga uma o puapuaga ma faigatā, ou te manatua nisi o puna mataʻina o faalaeiʻauga. Muamua, o le malosi e tumau ai e mai iā Ieova ma lana Afioga le Tusi Paia. O tatalo faatauanau e lē aunoa i ‘le Atua e ana faamāfanafanaga uma’ ma le suʻesuʻeina o lana Afioga na fesoasoani iā te aʻu ma isi, e faatumauina ai lo matou faatuatua. O kopi o Le Olomatamata na tusilimaina, sa maua ai mea e manaʻomia e faamalosia ai lo matou faatuatua. I le nofoaga o faasalaga, sa matuā faamalosia aʻu e uso talitonu sa naunau e fesoasoani mai.
O se isi faamanuiaga mai iā Ieova o si aʻu avā o Maria. Na ma faaipoipo iā Oketopa i le 1950 ma maua ai si a ma tama teine. Na ola aʻe Halina e alofa ma auauna iā Ieova. E 35 tausaga o la ma faaipoipoga ma Maria, ae maliu loa i se maʻi faaumiumi. O lona maliu na ou lagona ai le matuā faanoanoa ma le tigā. E ui lava na ou lagona le “lafotuina i lalo,” ae ou te “lē fano” ai. (2 Korinito 4:9) I na taimi faigatā, na ou maua le lagolagosua mai si oʻu afafine, lana tane, ma lana fanau—fanau a loʻu afafine—o loo auauna uma lava ma le faamaoni iā Ieova.
O loo oʻu auauna nei i le ofisa o le lālā i Polani talu mai le 1990. O le auauna faatasi ma le aiga Peteli o se faamanuiaga tele. I nisi taimi, ona ua fāi atu loʻu malosi, ou te lagona ai ua pei aʻu o se aeto ua vaivai ua na ona faaloloa o apaʻau ma faaseesee mālie ua lē o toe apatā. E ui i lea, ou te vaai pea i le lumanaʻi ma le mautinoa, ma ou te “pese atu iā Ieova, auā ua agalelei mai o ia iā te aʻu.” (Salamo 13:6) Ou te tulimataʻia le taimi o le a toe faaleleia ai e Ieova, o loʻu Fesoasoani mea ua faaleagaina ona o pulega leaga a Satani.
[Faaopoopoga i lalo]
^ pala. 8 Tagaʻi i le lomiga o Le Olomatamata, Ianuari 1, 1998, itulau 13, palakalafa 6.
^ pala. 20 Tagaʻi i le talaaga o le soifuaga o Elsa Abt i Le Olomatamata faa-Peretania, o Aperila 15, 1980, itulau 12-15.
^ pala. 20 Pese numera 101 i le tusi pese faa-Peretania o le 1928 e faaulutala Songs of Praise to Jehovah, lomia e Molimau a Ieova. Ma o le pese i le tusi pese fou faa-Peretania, numera 56 ae o le numera 45 i le tusi pese faa-Samoa lomia i le 2002.
[Ata i le itulau 10]
Sa ou mauaina le numera lenei ma se faailoga o le tafatolu lanu violē i le nofoaga o faasalaga
[Ata i le itulau 12]
Ma laʻu avā o Maria, i le 1980