“Lau Meaalofa Aogā Lea”

O LE auala lenā na faamatalaina ai e se palemia muamua o Peleseuma le tusi o Le Tagata Silisili o Ē Uma na Soifua Mai. * Na asiasi atu se tuaoi iā te ia ma tuu le tusi e na te faitau i ai. Mulimuli ane na ia tusia se tusi faafetai e faapea: “O lau asiasiga faaleuō na matuā pāʻia ai loʻu loto, ma na ou fiafia foʻi i lau meaalofa aogā lea na tuu: o le tusi e faatatau i ‘Le Tagata Silisili.’”

Na suʻesuʻeina e le palemia le tusi ma faapea mai: “Pe ana faapea e fiafia uma tagata i le feʻau o le tala lelei ma gaoioi e tusa ai ma taʻiala a Iesu Keriso, o le a suia le lalolagi. Ma o le a lē toe iai se Fono tau Puipuiga a Malo Aufaatasi; ma lē toe iai ni faiga faatupu faalavelave, ma faasā ai faiga sauā i le lalolagi.” E ui o na faamatalaga e foliga mai o ni moomooga faivavale o le palemia, ae o loo ia faaalia ai lona faaaloalo i le mea lelei na faia e lona tuaoi.

Na faaauau mai le tusi: “O loo aofia oe i se vaega o tagata o ē loto lelei e naunau ia faaleleia tulaga o tagata faapea ma isi mea uma.”

E talitonu Molimau a Ieova, o le a faaleleia mea uma i le lalolagi, e lē mai taumafaiga a tagata, ae e ala mai i le Atua. O loo latou taumafai e faaaʻoaʻo i le tagata silisili o Iesu Keriso. Po ua asiasi atu Molimau a Ieova iā te oe? O le a e fiafia e talatalanoa ma i latou e faatatau i le tagata silisili o ē uma na soifua mai. Ma o le a latou fiafia e avatu iā te oe le tusi na naunau fiafia i ai le palemia muamua o Peleseuma.

[Faaopoopoga i lalo]