Ia Foaʻi ma le Lotofiafia

NA FAAPEA mai Paulo, pe a tatou foaʻi: “Ia taʻitoʻatasi ma faia e tusa ma le mea ua filifili i lona loto, aua le faia ma le tigā, aua foʻi le faia faamalosi, auā e alofa le Atua i lē e foaʻi ma le lotofiafia.” (2 Kori. 9:7) E lē faamalosia e Ieova i tatou e lagolago lana tapuaʻiga. Ua ia tuu mai i ana auauna e foaʻi ma le lotofiafia ona o lo latou tuutoina atu. A o faagasolo tausaga ua naunau ona tagata e faia faapea. Mātau mai ni faaaʻoaʻoga se tolu.

Ina ua laveaʻi e Ieova Isaraelu mai Aikupito, na ia faatonuina le fauina o le fale fetafaʻi. Na manaʻomia mea mo le galuega, ma na valaaulia tagata Isaraelu e foaʻi. “O i latou uma o ē ua uaʻi i ai o latou loto,” na latou aumai auro ma ario, o mea tāua, ma isi mea. O le lotofoaʻi tele o tagata na manaʻomia ai ona faasilasila, ua lava mea na manaʻomia.—Eso. 35:5, 21; 36:6, 7.

I senituri mulimuli ane ina ua sauni e fau le malumalu, o le isi foʻi lea avanoa na  maua e tagata o le Atua e lagolagoina ai le tapuaʻiga mamā. Na fai se foaʻi telē a le tupu o Tavita ma valaaulia isi ia foaʻi. Na latou faia ma le fiafia. O le mea moni, pe a faatupe i aso nei le auro ma le siliva na foaʻi e tagata, e sili atu ma le 100 piliona talā Amerika! Na matuā olioli tagata ona o lo latou foaʻi ma le lotomalie iā Ieova.—1 No. 29:3-9; 2 No. 5:1.

E faapena foʻi le fiafia e foaʻi sa iai i soo o Iesu Keriso. I le Penetekoso 33 T.A., e tusa ma le 3,000 ē na papatisoina, ma o le toʻatele o i latou e lē o ni tagata e mau i Ierusalema. Ina ia mafai e i latou e fou e lē tagolima ona nonofo pea i le aai ma aʻoaʻo atili le upu moni, na fai meaalofa a le ʻauuso mo i latou. Na faatau atu e le ʻauuso a latou mea ma ave tupe i aposetolo mo ē e manaʻomia. E mautinoa lava le olioli o Ieova ona o lo latou faatuatua ma lo latou alofa!—Galu. 2:41-47.

I aso nei, o loo lagolagoina pea e Kerisiano le tapuaʻiga mamā e ala i le fiafia e foaʻi o o latou taimi, malosi, ma tupe. O loo faamatala i le pusa auala e mafai ai ona e faia faapea.

[Pusa i le itulau 18]

AUALA UA FILIFILIA E NISI E FOAʻI AI

MEAALOFA MO LE GALUEGA I LE LALOLAGI AOAO

E toʻatele i latou ua faaagaga se vaega tupe e lafo i pusa o loo faailogaina, “Galuega i le Lalolagi Aoao.”

I masina taʻitasi, e avatu ai e faapotopotoga nei tupe i le ofisa o le lālā o Molimau a Ieova o loo vaavaaia o latou atunuu. E mafai foʻi ona auina atu foaʻi tauofo o tupe i le Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, po o le ofisa o le lālā o Molimau a Ieova o loo vaavaaia lou atunuu. (O foaʻi tauofo o loo taʻua i lalo, e mafai foʻi ona auina atu i le lālā o Molimau a Ieova o loo vaavaaia lou atunuu.) E ao ona tusia le igoa “Watchtower” i se siaki pe a fia faia se foaʻi i lenā auala. E mafai foʻi ona foaʻi atu mea tāua e iai filifili auro, tautaliga, taulima, ma mea faapena, po o isi mea tāua. O na foaʻi e tatau ona auina atu faatasi ma se tusi puupuu e faamanino atu ai o lenā foaʻi e leai ni tuutuuga.

FUAFUAGA O FOAʻI E IAI TUUTUUGA

E mafai ona foaʻi atu se tupe e teuina i lalo o se āiāiga faapitoa ma le Watchtower Bible and Tract Society of Pennsylvania, mo le galuega i le lalolagi aoao. Ae e mafai ona toe faafoʻi atu lenā foaʻi i lē e ana le tupe pe a ia talosagaina. Mo nisi faamatalaga, faamolemole faafesootaʻi le Treasurer’s Office e ala i le tusi atu i le tuatusi o loo taʻua i luga, pe telefoni atu foʻi i ai i le (718) 560-7500.

FUAFUAGA O FOAʻI FAAMEAALOFA

E lē gata i foaʻi tuusaʻo tautupe, ae e iai isi auala e faia ai foaʻi ina ia fesoasoani i le galuega o le Malo i le lalolagi aoao. E aofia ai mea nei:

Inisiua: E mafai ona tusia le Watch Tower and Tract Society of Pennsylvania, e uili i ai taui po o lē e mauaina le inisiua o le ola o se tasi, po o tupe e maua pe a litaea pe maua le penisione.

Teugā Tupe i le Faletupe: O teugātupe i le faletupe, pepa o teugātupe, po o teugātupe e maua e le tagata pe a litaea, e mafai ona tuu faamavaega mo le Watch Tower and Tract Society of Pennsylvania e tusa ai ma faatulagaga manaʻomia a le faletupe o le atunuu.

Tupe Faafaigaluega (Stocks) ma Pepa Faamaonia mo Tupe (Bonds): O nei mea e mafai ona foaʻi faameaalofa tuusaʻo atu i le Watch Tower Bible and Tract Society of Pennsylvania, pe tusia i lalo le Watch Tower Bible and Tract Society of Pennsylvania, o lē e maua mea pe a maliu se tasi (Transfer on Death).

Fanua ma Fale: E mafai ona foaʻi atu au meatotino e pei o fanua po o fale, e ala i le foaʻi saʻo atu, po o le tuu foʻi o le fale po o le fanua e nofo ai pea lē e ana, seʻia oo ina maliu. Ia faafesootaʻi le ofisa o le lālā i lou atunuu a o leʻi faapepaina faaletulafono so o se fanua o le a foaʻi atu.

Tupe Faameaalofa e Iai Tuutuuga (Gift Annuity): O tupe faameaalofa, o se tuutuuga lea ua faatulaga e se tasi e avatu i se faalapotopotoga faaletulafono o loo faaaogāina e Molimau a Ieova. Ae e maua e lē e ana le foaʻi faameaalofa, po o se tasi ua tofia, se aofaʻiga patino o se tupe e avatu i ai i tausaga taʻitasi a o soifua pea o ia. O le a faaitiitia le lafoga e totogi e le tagata na faia le foaʻi, i le tausaga tonu na faamautūina ai lea fuafuaga.

Uili ma Mavaega: E mafai ona faaui atu meatotino po o se vaega tupe i le Watch Tower and Tract Society of Pennsylvania, e ala i se uili ua faia e tusa ai ma le tulafono, pe avea foʻi le Watch Tower Bible and Tract Society of Pennsylvania ma lē e mauaina le taui, o se feagaiga o se teugātupe ua tuu mavaega. O se teugātupe ua tuu faamavaega e faia mo le manuia o se faalapotopotoga faalelotu, e ono maua mai ai nisi fesoasoani tau lafoga.

E pei ona faailoa mai i le faaupuga “foaʻi faameaalofa,” o nei ituaiga o foaʻi, e manaʻomia ai ona fuafua lelei e lē a ana le foaʻi. Ina ia fesoasoani i ē o loo naunau e fesoasoani i le galuega a Molimau a Ieova i le lalolagi aoao, e ala i nisi o foaʻi faameaalofa, ua saunia ai se polosiua i le faa-Peretania ma le faa-Sepania e taʻua o le Charitable Planning to Benefit Kingdom Service Worldwide. Na tusia le polosiua ina ia saunia ai faamatalaga i auala eseese, e mafai ona fai ai meaalofa i le taimi nei po o le taimi foʻi e maliu ai. Pe a uma ona faitauina le polosiua ma talanoa faatasi ma a latou lōia po o tagata faufautua tau i lafoga, ua mafai ai e le toʻatele ona lagolagoina galuega fesoasoani faalelotu a Molimau a Ieova i le lalolagi aoao, ma maua ai foʻi aogā tau lafoga. E mafai ona maua lenei polosiua mai le Charitable Planning Office.

Mo nisi faamatalaga atili, e mafai ona e faafesootaʻi atu le Charitable Planning Office, e ala i lou tusi atu i le tuatusi pe telefoni atu foʻi i le numera, lea o loo taʻua i lalo, ia pe faafesootaʻi le ofisa o le lālā o Molimau a Ieova i lou atunuu.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telephone: (845) 306-0707