Pe E te Manatua?

Pe na e fiafia i le faitauina o lomiga fou o Le Olomatamata? Seʻi vaai pe e mafai ona e taliina fesili o loo mulimuli mai:

• O le talitonuga o ai ua mulimuli ai i latou e talitonu i le aʻoaʻoga o le iʻuga tuupōina?

Ua faatāua e i latou e mulimuli i aʻoaʻoga a Kalavini le aʻoaʻoga o le iʻuga tuupōina. O loo olaola aʻoaʻoga a Ioane Kalavini i lotu e pei o le Lotu Toefuataʻiina, Lotu Perepereane, Ekalesia Kerisiano, ma le Lotu Puritani.—9/1, itulau e 18-21.

• O fea na maua mai ai le avā a Kaino?

O le avā a Kaino, o sē na tupuga mai iā Eva, o lē na fanaua “atalii ma afafine.” (Kene. 5:4)—9/1, itulau e 25.

• O ai le agelu na auina atu e le Atua e muamua atu iā Isaraelu ina ua aveesea i latou mai Aikupito? (Eso. 23:20, 21)

E talafeagai ona tatou talitonu o lenei agelu na ‘iā te ia le suafa o Ieova,’ o ia o le Alo ulumatua a le Atua, ma na taʻua mulimuli o Iesu.—9/15, itulau e 21.

• Aiseā ua talanoaina ai i le 1 Korinito aano o manufasi na ofoina atu i tupua?

Sa faaaogā manu e faia ai taulaga i malumalu o tagata Eleni ma Roma, ma o aano o manu e leʻi ʻaina, sa faatau atu i faleoloa. E leʻi auai Kerisiano i tapuaʻiga faapaupau; peitaʻi sa lē tatau ona latou manatu i na aano o manufasi o ni mea e leaga pe a faatau atu i le maketi. Na tusi le aposetolo o Paulo: “Ia outou aai i mea uma ua faatauina atu i faleoloa e faatau ai aano o manu, ae aua le fesili ona o outou lotofuatiaifo; auā o Ieova e ana le lalolagi ma mea ua tumu ai.” (1 Kori. 10:25, 26)—10/1, itulau e 12.

• O ā ni faamolemolega e lē talia e le Atua e tusa ai o la tatou auaunaga iā te ia?

ʻ‘E faigatā tele. Ou te lē fia faia. Ou te pisi tele. Ou te lē agavaa. Ua tigā oʻu faalogona i se isi.” E lē o ni māfuaaga talafeagai ia e lē faataunuuina ai faatonuga a le Atua.—10/15, itulau e 12-15.

• O ā ni auala e atiaʻe ai oe ma isi i sauniga faa-Kerisiano?

Sauniuni muamua. Auai e lē aunoa. Vave taunuu. Ia sau ua lava tapena. ʻAlofia mea e tosina ese ai. Fai se sao. Faapupuu au tali. Faataunuu faaeaga. Faamālō i ē na fai sao. Miomiō faatasi a o leʻi amata, ma pe a uma foʻi sauniga.—10/15, itulau e 22.

• O le ā le tala i le Tusi Paia o loo taʻua ai se teineitiiti ma se tagata e maʻi i le lepela lea e taʻua i aso nei o le, Hansenʻs disease?

O loo taʻua i le 2 Tupu mataupu e 5 le tala i le teineitiiti Isaraelu sa avea ma pologa i le fale o se taʻitaʻiʻau Suria e igoa iā Naamanu. Ona na maua o ia i le lepela, sa fautua atu le teine e alu e vaai le perofeta o Elisaia, ina ia mālōlō ai o ia.—11/1, itulau e 22.

• O le ā e tatou te aʻoaʻoina mai i le lolo atu o Arona i omiga mai isi?

A o toesea Mose, na uunaʻia Arona e tagata Isaraelu e fai se faatusa e tapuaʻi i ai. Na lolo i ai Arona. Ua tatou iloa ai, e lē na o talavou e lolo i omiga mai i isi. E aafia ai foʻi tagata matutua o ē e mananaʻo e fai le meatonu. E tatau ona tatou teena omiga mai isi.—11/15, itulau e 8.

• O fea tala moni, a o fea talafatu?

E iai moni lava Satani: tala moni. (2 Kori. 11:14) E ola pea agaga o tagata uma pe a maliliu: talafatu. (Fai. 9:5) E manatu mai agelu faamaoni iā i tatou: tala moni. (Sala. 34:7) E tutusa Iesu ma le Atua: talafatu. (1 Kori. 11:3)—12/1, itulau e 8-9.