Lauga Lautele Faapitoa

O Ai e Agavaa e Pulea Tagata?

O ai se pule e mafai ona ia

• foʻia faafitauli tau tamaoaiga, ma faamautinoa o le a tele taumafa ma lelei fale e nonofo ai tagata uma?

• taofia mala faalenatura, ma lē oo ai i tagata auga leaga ona o galulolo, afā, po o mafuiʻe?

• aveesea uma faamaʻi, e oo foʻi i le toe faafoʻisia i le tulaga talavou o ē ua matutua?

• faaiʻuina taua uma, ma mafai ai ona ola ona tagatānuu i le filemu ma le saogalemu?

• toe faafoʻisia le tulaga paleni o le siʻosiʻomaga i ona vala uma, ma suia le lalolagi e avea ma parataiso?

E na o le toʻatasi lava le Pule e mafai ona aumaia uma nei faamanuiaga. O ai lenei Pule? O le a taliina lenā fesili i le lauga lautele “O Ai e Agavaa e Pulea Tagata?” O le a tauaaoina lenei lauga faale-Tusi Paia i le sili atu i le 230 atunuu i le lalolagi aoao. O le tele o nei lauga, o le a faia i se Maota mo Sauniga a Molimau a Ieova i la outou vaipanoa, i le Aso Sa, Aperila 6, 2008. O le a fiafia Molimau i la outou vaipanoa e taʻu atu le taimi ma le nofoaga e faia ai. E valaaulia ma le māfana oe e te auai.