Mo le ʻAutalavou

O se Faufauga e Fasioti se Tasi e Toe Oti ai Lava!

Faatonuga: Ia fai lenei lesona i se nofoaga toʻafilemu. A o e faitauina mau, ia pei lava o loo e iai i inā a o tutupu na mea. Ia faaāta i lou mafaufau lenā vaaiga ma lagona atu leo o tagata. Ia oo iā te oe lagona o tagata autū o le tala. Ia iā te oe le faalogona e pei lava o loo tupu.

IA ILOILO LE VAAIGA.—FAITAU LE TANIELU 6:1-28.

O le ā sou manatu? O le ā le ituaiga tagata e iai Tariu? Faamatala mai ona foliga vaaia a o e faaāta o ia i lou mafaufau. E faapeʻī le leo o Tariu na e “lagonaina”? (Toe faitau fuaiupu e 14, 16, 18-20.)

․․․․․

E faapeʻī le lua, ma e faapefea ona e faamatalaina ia leona?

․․․․․

Faamatala le mea e te manatu na tupu a o faagasolo nai uluaʻi minute ina ua uma ona tapuni le lua o leona, a o iai i totonu Tanielu.

․․․․․

IA FAI NI SAʻILIʻILIGA ATILI.

Aiseā na lotoleaga ai alii sili a Tariu iā Tanielu? (Toe faitau le fuaiupu e 3.)

․․․․․

Aiseā na filifili ai Tanielu e tatalo i le mea e mafai ona iloa atu ai o ia e tagata uma, a o lea sa mafai lava ona ia faia faapea i se mea e lē iloa atu e nisi? (Toe faitau le fuaiupu e 10, 11.)

․․․․․

Aiseā atonu na fiafia ai Tariu i le tulafono e faatatau i le tatalo, lea na faatū atu? (Toe faitau le fuaiupu e 7.)

․․․․․

IA FAATATAU LESONA UA E AʻOAʻOINA. TUSI I LALO MEA UA E AʻOAʻOINA . . .

Lototele a o feagai ma teteega.

․․․․․

Le tāua o le tatalo.

․․․․․

Le tausiga a Ieova mo ana auauna faamaoni.

․․․․․

O Ā NI MEA TĀUA MAI LENEI TALA E SILI ONA UIGĀ IĀ TE OE, MA AISEĀ?

․․․․․