Le Aso e Sili Ona Tāua i le Talafaasolopito

O lenā aso e sili ona tāua, o le aso na maliu ai Iesu Keriso. Aiseā e tāua tele ai le maliu o Iesu? E tele māfuaaga e tāua ai.

O le faamaoni o Iesu seʻia oo i lona maliu, na faamaonia ai e mafai ona tumau ma le faamaoni se tagata i le Atua.

O le maliu o Keriso na maua ai le avanoa mo nisi mai le fanau a tagata ina ia pule faatasi ma ia i le lagi. E lē gata i lea, na tatala ai foʻi le avanoa mo le toʻatele o tagata e olioli ai i le ola e faavavau i se parataiso i le lalolagi.

I le afiafi a o leʻi maliu Iesu, na ia faaaogā ai le areto lē faafefeteina ma le uaina mūmū e fai ma faailoga o lana taulaga alofa mo tagata. Na ia faatonuina ona soo: “Ia faia pea lenei mea e fai ma faamanatuga iā te aʻu.” (Luka 22:19) Po o le a e manatua ea lenei aso e sili ona tāua?

E valaaulia ma le māfana oe e Molimau a Ieova ina ia auai faatasi ma i latou i le molimauina o le Faamanatuga o le maliu o Iesu. O le a faia le faamanatuga o lenei tausaga, i le Aso Tofi, Aperila 9, pe a goto le lā. E mafai ona e auai atu i se Maota mo Sauniga e latalata ane i lou fale. Faamolemole, faafesootaʻi Molimau a Ieova o loo i lou vaipanoa pe a e fia silafia le taimi tonu ma le nofoaga e faia ai.