Na Foaʻi e Iesu Lona Ola mo le Toʻatele

Na taʻu atu e Iesu i ona soo, ‘⁠e leʻi sau ina ia auauna mai tagata iā te ia, ae ia auauna atu, ma foaʻi atu lona ola e fai ma togiola e sui aʻi tagata e toʻatele.’ (Mataio 20:28) Na lotomalie o ia e foaʻi lona ola mo le lelei o isi.

Na faapefea ona avea le maliu o Iesu ma auala e togiola ai tagata? Aiseā na tatau ai ona maliu Iesu? O ai e aogā i ai le maliu o Iesu? Ma o le ā le uiga o lona maliu mo oe?

Ua valaaulia ma le māfana oe e Molimau a Ieova ina ia auai faatasi ma i latou e iloilo tali o nei fesili mai le Tusi Paia. I lenei tausaga, o le a faamanatuina le maliu o Iesu i le Aso Lua, Mati 30, pe a mavae le goto o le lā. I lenā faatasiga, o le a tali ai mai le Tusi Paia fesili ua lāgā i luga.

E valaaulia oe e auai atu i le Faamanatuga i le Maota mo Sauniga o lata ane i lou fale. Faamolemole faafesootaʻi Molimau a Ieova i lou vaipanoa i le taimi ma le nofoaga e fai ai.