Lauga Lautele Faapitoa

Filemu Moni ma le Saogalemu—O Afea?

Ua faitau afe tausaga o saʻilia e tagata le filemu ma le saogalemu. Ae ua lē maua e tagata le filemu moni. Aiseā? E lua māfuaaga autū o loo aumaia i le Tusi Paia, ua matuā faigatā ai ona maua le filemu. O loo iai foʻi i le Tusi Paia le faamautinoaga faamāfanafanaloto lenei: Ua folafola mai e le Atua i tagata le filemu ma le saogalemu moni e tumau, i le lalolagi aoao.

E faapefea, ma o afea o le a oo mai ai lenei filemu ma le saogalemu? O le ā e tatau ona e fai ina ia olioli ai i nei tulaga faamanuiaina? O le a taliina nei fesili i le lauga lautele o le matua, “Filemu Moni ma le Saogalemu—O Afea?” O lenei lauga e faavae i le Tusi Paia, o le a fofogaina i le lalolagi aoao i atunuu e sili atu i le 230. I le tele o nofoaga, o le a faia ai i Maota mo Sauniga a Molimau a Ieova, i le Aso Sa, Aperila 18, 2010. O le a fiafia Molimau i lo outou vaipanoa e faailoa atu iā te oe le taimi ma le nofoaga e faia ai. E valaaulia ma le māfana oe ina ia e auai.