Lauga Lautele Faapitoa

O Fea e Maua ai se Fesoasoani mo Faafitauli i Nei Aso?

O loo maua i tusi ma polokalame o le TV le tele o fautuaga, i le auala e foʻia ai e tagata o latou faafitauli, ae o loo tumau pea le mau faafitauli. O lea, atonu o loo e fia iloa, ʻPe e mafai ona ou maua ni fautuaga e faatuatuaina?’ Ioe, e mafai!

O le Tusi Paia o se tusi ua leva, ae o loo iai taʻiala maufaatuatuaina e tali ai fesili nei:

▪ E faapefea ona faalelei feeseeseaʻiga, ma faaleleia faiā ma isi?

▪ E faapefea ona ou maua le fiafia?

▪ E faapefea ona ou foʻia faafitauli tau tupe?

▪ E faapefea ona foʻia loʻu popole?

O le a talanoaina tali o nei fesili i le lauga e faia mo le lautele: “Mataupu Silisili o le Tusi Paia—Pe Mafai Ona Fesoasoani iā i Tatou e Taulimaina ai ma le Manuia Faafitauli i Nei Aso?” E silia ma le 230 atunuu o le a faia ai lenei lauga e faavae i le Tusi Paia. I le tele o atunuu, o le a faia i le Maota mo Sauniga a Molimau a Ieova i le Aso Sa, Me 1, 2011.

E valaaulia ma le māfana oe ia e auai. O lea, fai i Molimau a Ieova i lou vaipanoa, e taʻu atu le taimi ma le nofoaga e faia ai.