O le ā Lou Manatu e Uiga iā Iesu?

Pe e te manatu iā Iesu o se pepe fou faatoʻā fanau, o se tagata ua toeitiiti maliu, po o se Tupu faamamaluina?

O loo faaalia i le Tusi Paia, o Iesu o se Tupu malosi. Ae o le ā le uiga o lenā mea iā te oe?

E toʻatele e talitonu na maliu Iesu mo i latou. Peitaʻi, e faapefea i le maliu o se tagata ua toetoe 2,000 tausaga ua mavae, ona maua ai e isi i aso nei le ola?

E valaaulia ma le māfana oe ina ia faalogologo i tali mai i le Tusi Paia mo nei fesili. O le a maua na tali pe a faatasitasi Molimau a Ieova e faamanatu le maliu o Iesu, pe a goto le lā i le Aso Tofi, Aperila 5, i le tausaga lenei.

Faamolemole, faafesootaʻi Molimau a Ieova i lou vaipanoa mo le taimi tonu ma le nofoaga e faia ai.

I le faaiʻuga o le vaiaso e sosoo ai ma le faamanatuina o le maliu o Iesu, o le a faia ai foʻi e Molimau a Ieova se lauga faapitoa faale-Tusi Paia, o lona matua, “Po ua Tatou Latalata i le Iʻuga?” O lenei lauga o se vala tāua lea o taumafaiga o loo faia i le lalolagi aoao, ina ia faaoo atu le upu moni i tagata uma e naunau i ai, ma mananaʻo e aʻoaʻo atili e uiga iā Iesu. E valaaulia oe ina ia e auai.