“Ia Leoleoina Lou Loto!”

Tauaofiaga Itumalo a Molimau a Ieova

MATUA O LE ASO FARAILE

“A o Ieova e Vaai i le Loto” —1 SAMUELU 16:7.

MATUA O LE ASO TOONAʻI

“O le Tele o Mea i le Loto e Tautala Mai ai le Gutu” —MATAIO 12:34.

MATUA O LE ASO SA

“Ia Auauna iā Ieova ma le Lotoatoa” —1 NOFOAIGA A TUPU 28:9.

E silia ma le afe taimi o loo taʻua ai le upu loto i le Tusi Paia, ae o le tele o taimi e faasino atu i le loto faafaatusa. O le ā le uiga o le upu loto? E mafai ona faasino atu i le tagata i totonu, o mea e mafaufau iai, o faalogona ma faanaunauga o se tagata.

Aiseā e tatau ai ona leoleomalu o tatou loto? Na faagaee e le Atua le tupu o Solomona ina ia tusi e faapea: “O le mea e sili ona leoleoina o mea uma, ia leoleoina lou loto, auā e tupu mai ai vaipuna o le ola.” (Faataoto 4:23) E faalagolago o tatou ola i le taimi nei ma le mauaina o le ola e faavavau i le lumanaʻi, i le tulaga o loo iai o tatou loto. Aiseā? Talu ai e silasila le Atua i le loto o le tagata. (1 Samuelu 16:7) E faalagolago le auala e silasila mai ai Ieova iā i tatou, i le “tagata lilo i totonu.”—1 Peteru 3:4.

E faapefea ona leoleoina o tatou loto? O le a talanoaina auʻiliʻili le tali o lenā fesili, i tauaofiaga o le a faia e Molimau a Ieova i le lalolagi aoao e amata i le masina lenei. E valaaulia ma le māfana oe ina ia e auai i aso e tolu o lenei tauaofiaga. * O mea o le a e aʻoaʻoina, o le a fesoasoani iā te oe e te gaoioi ai ina ia faafiafia le finagalo o Ieova le Atua.—Faataoto 27:11.

[Faaopoopoga i lalo]

[Ē Ana le Ata i le itulau 32]

Ata i le itu taumatau: Aus dem Fundus der MÜNCHNER OLYMPIAPARK GMBH, München