Mo le ʻAutalavou

Leoleo Mai i le Uiga Faasausili!

Faatonuga: Ia faia lenei iloiloga i se siʻomaga toʻafilemu. A o e faitauina mau, ia pei lava o e iloa atu ma lagonaina leo o tagata. Ia logo i ou tino o latou lagona. Ia pei lava o loo e iai moni i le mea o tupu.

Tagata autū: Tavita, Apisaloma, Ioapo

Aotelega: Na taumafai Apisaloma e faoa le tulaga tautupu o lona tamā.

1 IA ILOILO LE VAAIGA.—FAITAU LE 2 SAMUELU 14:25-33; 15:1-17; 18:9-17, 30-33.

Ia faamatala foliga o Apisaloma lenā e te mafaufau i ai. (Toe faitau le 2 Samuelu 14:25, 26.)

E faapeʻī uiga ma le leo o Apisaloma o loo e mafaufau i ai, a o ia taumafai e faaliliu mai iā te ia loto o tagata o loo ō atu i le tupu mo le faamasinogatonu? (Toe faitau le 2 Samuelu 15:2-6.)

O le ā sou manatu i uiga o Apisaloma e tusa ai o le tala o loo taʻua i le 2 Samuelu 14:28-30?

2 IA FAI NI SAʻILIʻILIGA ATILI.

O ā gaoioiga na faia e Apisaloma ina ia faoa ai le tulaga tautupu? (Fesoasoani: Faitau le 2 Samuelu 13:28, 29. O Amanono o le atalii matua o Tavita ma o ia sa tatau ona sosoo atu i le tulaga tupu.)

E ese mai i lona uiga faasausili ma fia viiviia, o le ā e tatou te iloa mai i le auala na tanu ai Apisaloma, e tusa ai o manatu o tagata iā te ia? (Toe faitau le 2 Samuelu 18:17.)

O le ā sou manatu, o le ā na uunaʻia ai Apisaloma e faaalia le uiga faasausili? (I se faatusatusaga, faitau le tala iā Tioterifi o loo i le 3 Ioane 9, 10.)

 Na faapefea ona aafia Tavita i gaoioiga a Apisaloma? (Fesoasoani: Faitau le Salamo 3, lea na tusia e Tavita i le taimi o le fouvalega a Apisaloma.)

3 IA FAATATAU LESONA UA E AʻOAʻOINA. TUSI I LALO MEA UA E AʻOAʻOINA E UIGA I . . .

Le mataʻutia o le uiga faasausili.

Le tigā e faapogaia e gaoioiga a se tasi i isi, e aofia ai ona mātua.

FAIA NI FAATATAUGA ATILI.

E faapefea ona maileia oe i le uiga faasausili?

E faapefea ona e ʻalofia le iai o le uiga faasausili?

4 O Ā NI VALA O LENEI TALA E SILI ONA TĀUA IĀ TE OE, MA AISEĀ?

Fautuaga: Seʻi manatu i se isi taunuuga o lenei tala. O le ā sa ono tupu iā Apisaloma pe ana faapea sa ia faaalia le lotomaulalo, ae e lē o le faasausili?—Faataoto 18:12.

Faaaogā le www.pr418.com

Faitau le Tusi Paia i le faa-Peretania i le initaneti

Puʻe pe lomia lenei mataupu