Taliina Fesili Faale-Tusi Paia
O ai le suafa o le Atua?
E iai uma igoa o sui taʻitasi o le aiga, e oo lava foʻi i fagafao. Pe e lē tatau la ona iai se suafa o le Atua? I le Tusi Paia, e tele taʻu e faasino atu i le Atua, e pei o le Atua o Lē e ona le malosi uma lava, Alii Pule Silisili Ese, ma Lē na foafoaina mea uma. Ae e iai foʻi sona suafa patino.—Faitau le Isaia 42:8.
E finagalo le Atua ia iloa e tagata uma lona suafa patino. O loo taʻua i le Salamo 83:18: “O oe e ou le suafa o Ieova, e na o oe lava o Lē e Silisili Ese i le lalolagi uma.”
Aiseā e tatau ai ona tatou faaaogā le suafa o le Atua?
E finagalo le Atua ia tatou faaaogāina lona suafa patino. E tatou te faaaogāina suafa o i latou e tatou te alolofa i ai e pei o uō mamae pe a tatou talanoa atu iā i latou. Pe e lē o le mea foʻi lenā e tatau ona fai pe a talanoa atu i le Atua? E lē gata i lea, na faalaeiauina i tatou e Iesu Keriso e faaaogā le suafa o le Atua.—Faitau le Mataio 6:9; Ioane 17:26.
Peitaʻi, i le avea ai ma uō a le Atua, e sili atu mea e manaʻomia ona tatou iloa e faatatau iā te ia, nai lo o le tau ina iloa lona suafa. O se faataʻitaʻiga, e faapeʻī uiga o le Atua? Pe e mafai moni ona mafuta vavalalata atu i le Atua? E mafai ona e maua tali o na fesili i le Tusi Paia.
E te Ono Fiafia Foʻi
A'OA'OGA FAALE-TUSI PAIA
Pe e Iai se Suafa o le Atua?
E tele faalupega e ave i le Atua, e pei o le Silisili Ese, Alii, ma le Tupu o le vavau. Peitaʻi, e pe ā ma le 7,000 taimi o loo faaaogā ai le suafa patino o le Atua i le Tusi Paia.
TALIINA O FESILI FAALE-TUSI PAIA
E Fia Suafa o le Atua?
Atonu e manatu tagata o suafa o le Atua e aofia ai ʻAllah,’ ʻEl Shaddai,’ ʻIeova-irae,’ ma le ʻAlefa ma le Omeka.’ Pe e tāua le igoa e tatou te taʻuina ai le Atua?
TALIINA O FESILI FAALE-TUSI PAIA
Po o Iesu o le Suafa Lea o le Atua?
E leʻi taʻua lava e Iesu o ia o le Atua e ona le malosi uma lava. Aiseā?
