1. Matou te peseina ou viiga,

Ieova e, le Pule agaalofa.

O oe le Faafofoga tatalo;

Matou ifo atu i ou luma.

Mo a matou agasala, Ieova,

Ia e faamagalo mai pea.

Sa togiola matou e lou Alo.

Ou ala ia matou aʻoaʻo.

2. Amuia ē ua e valaaulia

E ulufale i ou lotoā.

Lau Afioga o le taʻiala.

Matou te fia mau i lou maota.

E maoaʻe lou aao mamana;

Faamalosia ai au auauna.

O oe lo matou faaolataga.

Lou Malo matou te talaʻia.

3. E te foaʻi mai le olioli;

Tapuaʻia oe i le lalolagi.

Ona o lou lava agalelei,

Lē toe iai maʻi ma le oti.

Aveesea e Iesu mea leaga;

Alalaga fiafia mea uma.

Ia tatou valaau atu ma usu:

“Viia Ieova, le Tupu mamalu!”