1 Korinito 2:1-16
2 O aʻu foʻi, ina ua ou alu atu iā te outou le ʻauuso e, ou te leʻi alu atu ma ni upu faigatā+ po o le tele o le atamai, e folafola atu ai le mea lilo paia+ a le Atua iā te outou.
2 A o ou iai iā te outou, na ou manatu ai ia ou lē iloa se mea e uiga iā te outou, ae ia iloa tau lava o Iesu Keriso+ o lē na tutuʻi i luga o le laau.
3 Na ou alu atu foʻi iā te outou i le vaivai, ma le fefe, ma le gatete tele;+
4 ma o aʻu upu ma mea na ou talaʻia, e leʻi faia i ni upu atamai e faatosina ai, ae i le faaalia ai o le agaga ma le mana+ o le Atua,
5 ina ia outou lē faatuatua i le atamai+ o tagata, ae o le mana+ o le Atua.
6 Ua tatou tautatala atu e uiga i le atamai i tagata ua matutua faaleagaga,+ ae e lē o le atamai+ e maua i lenei lalolagi, po o pule o lenei lalolagi+ o ē o le a mavae atu.+
7 A ua tatou tautatala atu i le atamai o le Atua i le mea lilo paia,+ le atamai sa natia, lea na muaʻi tofia e le Atua mo le faamamaluina o i tatou, a o leʻi iai faiga o mea a le lalolagi.+
8 E leai se pule+ o lenei faiga o mea a le lalolagi na iloa+ lenei atamai, auā ana latou iloa, latou te lē tutuʻiina i luga o le laau+ le Alii mamalu.
9 Ae e pei ona tusia: “E leʻi vāai mata, e leʻi faalogo taliga, ma e leʻi lagona foʻi e loto o tagata mea ua saunia e le Atua mo ē e alolofa iā te ia.”+
10 Auā ua faaalia+ mai e le Atua iā i tatou nei mea e ala i lona agaga,+ auā e suʻesuʻe le agaga+ i mea uma, e oo lava i mea loloto+ a le Atua.
11 O ai se tasi ua ia iloa mea o i le loto o le tagata, seʻi vaganā ai le agaga+ o le tagata o loo totonu iā te ia? E leai foʻi se tasi e iloa mea o i le finagalo o le Atua, seʻi vaganā ua faaalia mai e le agaga+ o le Atua.
12 Tatou te leʻi maua le agaga+ o le lalolagi, a o le agaga+ mai i le Atua ina ia tatou iloa ai mea ua foaʻi mai ma le agalelei e le Atua iā i tatou.+
13 O mea foʻi nei ua tatou tautatala atu ai, e lē o ni upu na aʻoaʻo mai i le atamai o tagata+ a o mea na aʻoaʻo mai e le agaga,+ a o tatou faamatala atu mea faaleagaga i upu faaleagaga.+
14 E lē taliaina e le tagata faaletino mea ua faaalia mai e le agaga o le Atua, auā o mea valea ia iā te ia; ma e lē mafai ona ia iloa na mea+ auā o loo suʻesuʻeina faaleagaga.
15 Peitaʻi, e suʻesuʻeina e le tagata faaleagaga+ mea uma lava, ae e leai se tagata na te suʻesuʻeina+ o ia.
16 Auā “po o ai na te iloa le finagalo o Ieova,+ e na te faatonu ai o ia?”+ Ae ua tatou iloa le finagalo+ o Keriso.
