1 Nofoaiga a Tupu 11:1-47
11 Ona ō mai lea o le nuu uma o Isaraelu+ iā Tavita i Heperona,+ ua faapea mai: “Faauta! O i matou nei o ou ivi ma ou aano.+
2 A o fai Saulo ma o matou tupu i aso ua mavae, o oe lava na fetaʻitaʻiina+ Isaraelu i mea na ō i ai; ma na fetalai mai foʻi Ieova lou Atua iā te oe, ‘O oe lava e te leoleoina+ loʻu nuu o Isaraelu, e avea foʻi oe ma taʻitaʻi+ i loʻu nuu o Isaraelu.’”
3 Ona ō mai lea o toeaina uma o Isaraelu i le tupu i Heperona, ma ua osia ai e Tavita se feagaiga ma i latou i luma o Ieova i Heperona; ona latou faauuina+ lea o Tavita e fai ma tupu iā Isaraelu, e tusa ma le afioga+ a Ieova na oo mai iā Samuelu.+
4 Mulimuli ane, ona ō atu lea o Tavita ma Isaraelu uma i Ierusalema,+ o Iepuse+ lea, o i inā lea na nonofo ai tagata Iepusē+ i le nuu.
5 Ua fai mai tagata Iepusē o ē sa nonofo i le nuu iā Tavita: “E te lē sao mai i inei.”+ Ua faapea foʻi ona faoa e Tavita le aai malosi o Siona,+ o le Aai lea a Tavita.+
6 Ona faapea atu lea o Tavita: “O se tasi e na te fasia+ muamua tagata Iepusē, e avea o ia ma taʻitaʻi ma alii.” Ona alu aʻe muamua lea o Ioapo+ le tama a Seruia, ma ua avea ai o ia ma taʻitaʻi.
7 Ua nofo foʻi Tavita i le nofoaga e faigatā ona sao+ i ai se tasi. O le mea lea na latou faaigoa ai o le Aai a Tavita.+
8 Na ati e ia pā ma faia isi fale e faataamilo i le aai, e amata mai i le Mea Maupuʻepuʻe e oo atu i itu e soo ai, ae na toe faia+ e Ioapo mea na totoe o le aai.
9 Ua faateleina pea le mamalu+ o Tavita, auā sa faatasi Ieova o ʻau ma ia.+
10 O taʻitaʻi nei o tagata totoa+ na iā Tavita, sa pipiimau atu pea iā te ia i lona tofiga o se tupu faatasi ma Isaraelu uma, ina ia faia o ia ma tupu e tusa ma le afioga a Ieova+ e faatatau iā Isaraelu.
11 O le lisi lenei o igoa o toa sa iā Tavita: o Iasapama+ le atalii o le tagata Hakemoni, o le taʻitaʻi o le toʻatolu. Na sii lona tao i tagata e toʻatolu selau, ma fasiotia ai i latou i le taimi e tasi.+
12 E sosoo atu iā te ia o Eleasaro+ le atalii o Toto le tagata Aokia.+ Sa iai o ia i toa e toʻatolu.+
13 O ia na faatasi ma Tavita i Fesetame,+ o i inā na faapotopoto faatasi ai Filisitia mo le taua. Na iai se fasi fanua ua lilo i karite, a ua sosola le nuu ona o Filisitia.+
14 A ua tū o ia i le ogatotonu o le fanua ma faasao le fanua ma fasia Filisitia, ona faia+ ai lea e Ieova o le faaolataga tele.+
15 Ua ō ifo toa e toʻatolu mai i taʻitaʻi e toʻatolu sefulu,+ i le papa iā Tavita i le ana o Atulame,+ a o tolauapi le ʻautau a Filisitia i le fanua laugatasi o Rafaimi.+
16 Sa iai Tavita i lenā taimi i le nofoaga e faigatā ona sao+ i ai se tasi; sa iai foʻi le leoleoga a Filisitia+ i Peteleema.
17 Mulimuli ane, ona faailoa lea e Tavita o lona manaʻo ma faapea ane: “Ta fia inu+ lava i se vai mai i le vaieli o Peteleema+ o loo i le faitotoʻa!”
18 Ona ō atu faamalosi lea o le toʻatolu i le togālauapi a Filisitia, ma asu mai vai mai i le vaieli i Peteleema o loo i le faitotoʻa, ua ō mai ma aumai iā Tavita. Ae e leʻi inu ai Tavita,+ a ua ia sasaa atu iā Ieova.+
19 Ua ia faapea ane: “Loʻu Atua e, ia mamao mai iā te aʻu ona faia o lenei mea! Po ou te inu ea i le toto+ o nei tagata na lamatia o latou ola? Auā na lamatia o latou ola e aumai ai.” E leʻi inu ai o ia.+ O mea nei na faia e toa e toʻatolu.
20 A o Apisai+ le uso o Ioapo,+ o le taʻitaʻi o ia o le toʻatolu; na sii lana tao i ē na fasiotia e toʻatolu selau, na tutusa foʻi lona talaaga ma toa e toʻatolu.
21 E mai i le toʻatolu, e sili atu o ia nai lo o le isi toʻalua, na fai o ia ma o latou taʻitaʻi; ae e na te leʻi ausia+ le tulaga o uluaʻi toa e toʻatolu.
22 A o Penaia+ le atalii o Ioiata,+ o le atalii o le toa o lē na faia mea tetele i Kapeseelu,+ na ia fasia atalii e toʻalua o Arielu o Moapi; na ia alu ifo foʻi ma fasimate se leona+ i le lua, i le aso na toʻulu ai le kiona.
23 O ia foʻi na fasia le tagata Aikupito e matuā tino ese, e lima kupita*+ lona maualuga. Sa iai se tao+ i le lima o le Aikupito, e pei o le laau faalava a tagata e lalaga ʻie; ae na alu ifo o ia ma le tootoo ma seʻi ese le tao mai i le lima o le Aikupito, ma fasiotia ai o ia i lana lava tao.+
24 O mea nei na faia e Penaia le atalii o Ioiata, ua taʻua ai foʻi lona igoa faatasi ma toa e toʻatolu.
25 E ui lava ina sili atu o ia i lo o le isi toʻatolu sefulu, ae e na te leʻi ausia foʻi le tulaga o uluaʻi toa e toʻatolu.+ A ua tofia o ia e Tavita e avea ma tagata e puipuia lona saogalemu.+
26 A o tagata totoa o ʻautau, sa iai Asaelu+ le uso o Ioapo, o Eleana+ le atalii o Toto le Peteleema,
27 o Samota+ le Alari, o Helesa le Pelone,+
28 o Ira+ le atalii o Ikesa le Tikoa, o Apieseru le Anatota,+
29 o Sepekai+ le Usa, o Ilai le Aokia,+
30 o Maarai+ le Netopa,+ o Heleta+ le atalii o Panaa le Netopa,
31 o Itai le atalii o Ripai+ le Kipea+ o le fanauga a Peniamina,+ o Penaia le Piratonu,+
32 o Hurai mai i ālia o Kaasa,+ o Apielu le Arapa,
33 o Asemau le Paarumi,+ o Eliepa le Salapima,
34 o le fanauga a Aseme le Kisoni, o Ionatana+ le atalii o Sage le Arari,
35 o Aiamu le atalii o Sakaru+ le Arari, o Elefala+ le atalii o Uro,
36 o Eferu le Metira, o Akia le Pelone,
37 o Heserai le Karamelu,+ o Narai le atalii o Esepai,
38 o Ioelu le uso o Natano,+ o Mepekara le atalii o Akari,
39 o Seleka le Amoni, o Naarai le Perota, o lē e aveina meatau a Ioapo le tama a Seruia,
40 o Ira le Ietero, o Karepa+ le Ietero,
41 o Uria+ le Heti,+ o Sapata le atalii o Akalai,
42 o Atina le atalii o Sisa le Reupena, o le matai o le ituaiga o Reupena, sa iā te ia tagata e toʻatolu sefulu;
43 o Hanana le atalii o Maaka, o Iosafata le Metini,
44 o Usia le Aserota, o Sama ma Ieielu, o atalii ia o Hotama le Aroeru,
45 o Ietiaelu le atalii o Semiri, o Ioka lona uso o le Tise,
46 o Elielu le Makavi, o Ieripa ma Iosavia, o atalii ia o Elenaama, ma Itema le Moapi.
47 O Elielu, o Opeta ma Iasielu le Mesopaia.
Faamatalaga Pito i Lalo
^ E tusa le kupita e tasi ma le 44.5 senitimita (17.5 inisi).
