1 Nofoaiga a Tupu 27:1-34
27 A o le fanauga a Isaraelu e tusa ma lo latou faitau aofaʻi, o matai o aiga o o latou tamā,+ o alii+ o le taʻitoʻaafe ma le taʻitoʻaselau,+ ma o latou leoleo o loo auauna+ i le tupu, e tusa ma mataupu uma o vaega a i latou na ō mai ma ō atu, i lea masina ma lea masina i masina uma o le tausaga, o vaega taʻitasi e taʻilua sefulu fā afe.
2 Sa pule Iasapama+ le atalii o Sapetielu i le vaega muamua o le uluaʻi masina, ma e toʻalua sefulu fā afe sa i lana vaega.
3 O nisi o le fanauga a Faresa+ o matai o ē na taʻitaʻia le ʻautau. Na auauna foʻi i latou i le uluaʻi masina.
4 O le vaega o le masina lona lua na pule ai Totai+ le Aokia+ ma lana vaega, o le taʻitaʻi o Mekelota, ma e toʻalua sefulu fā afe sa i lana vaega.
5 O le alii o le vaega o le auaunaga lona tolu o le masina lona tolu, o Penaia+ le atalii o Ioiata+ le faitaulaga sili, ma e toʻalua sefulu fā afe sa i lana vaega.
6 O Penaia+ lenei o se tagata malosi o le toʻatolu sefulu,+ ma e pule i le toʻatolu sefulu; ma sa pule foʻi lona atalii o Amesapata i lana vaega.
7 O le alii lona fā i le masina lona fā, o Asaelu+ le uso o Ioapo,+ na soloaʻi ane foʻi Sepataia lona atalii e sui iā te ia, ma e toʻalua sefulu fā afe sa i lana vaega.
8 O le alii lona lima i le masina lona lima, o Samuta+ le Isaraia, ma e toʻalua sefulu fā afe sa i lana vaega.
9 O le alii lona ono i le masina lona ono, o Ira+ le atalii o Ikesa+ le Tikoa,+ ma e toʻalua sefulu fā afe sa i lana vaega.
10 O le alii lona fitu i le masina lona fitu, o Helesa+ le Pelone+ mai i atalii o Efaraima, ma e toʻalua sefulu fā afe sa i lana vaega.
11 O le alii lona valu i le masina lona valu, o Sepekai+ le Usa mai i le aiga o Sera,+ ma e toʻalua sefulu fā afe sa i lana vaega.
12 O le alii lona iva i le masina lona iva, o Apieseru+ le Anatota+ mai i le ituaiga o Peniamina, ma e toʻalua sefulu fā afe sa i lana vaega.
13 O le alii lona sefulu i le masina lona sefulu, o Maarai+ le Netopa mai i le ituaiga o Sera,+ ma e toʻalua sefulu fā afe sa i lana vaega.
14 O le alii lona sefulu tasi i le masina lona sefulu tasi, o Penaia+ le Piratonu mai i le fanauga a Efaraima,+ ma e toʻalua sefulu fā afe sa i lana vaega.
15 O le alii lona sefulu lua i le masina lona sefulu lua, o Heletai+ le Netopa mai i Otinielu, ma e toʻalua sefulu fā afe sa i lana vaega.
16 O pule nei o ituaiga o Isaraelu,+ o le ituaiga o Reupena, o Elisara le atalii o Sekari sa avea ma taʻitaʻi; o le ituaiga o Simeona o Sefatia le atalii o Maaka;
17 o le ituaiga o Levi o Hasapea le atalii o Kimueli; o le ituaiga o Arona o Satoka;+
18 o le ituaiga o Iuta o Eliu,+ o se tasi o uso+ o Tavita; o le ituaiga o Isakara o Omeri le atalii o Mikaele;
19 o le ituaiga o Sepulona o Isemaia le atalii o Opetaia; o le ituaiga o Nafatali o Ierimota le atalii o Aserielu;
20 o le fanauga a Efaraima o Hosea le atalii o Asesau; o le ʻafa o le ituaiga o Manase o Ioelu le atalii o Petaia;
21 o le ʻafa o le ituaiga o Manase i Kiliata o Ito le atalii o Sakaria; o le ituaiga o Peniamina o Iasielu le atalii o Apineru;+
22 o le ituaiga o Tanu o Asareelu le atalii o Ieroama. O alii sili+ ia o ituaiga o Isaraelu.
23 Ae e leʻi faitauina e Tavita le aofaʻi o i latou e amata mai i le lua sefulu tausaga le matutua ma lalo ifo, auā na folafola i ai e Ieova e faatoʻateleina Isaraelu e pei o fetu o le lagi.+
24 Na amata le faitauga e Ioapo+ le tama a Seruia, ae na te leʻi faaiʻuina;+ ona oo mai ai lea o le toʻasā+ o le Atua iā Isaraelu, e leʻi tusia foʻi le faitau aofaʻi i le tusi o mea na tutupu i le olaga o le Tupu o Tavita.
25 Na vaavaaia e Asemau le atalii o Atielu oloa a le tupu.+ Ae na vaavaaia e Ionatana le atalii o Usia oloa sa i le fanua,+ ma aai,+ o nuu ma ʻolo.
26 A o Eserei le atalii o Kalupo na vaavaaia tagata na faia galuega i le fanua+ e faatoʻaina le laueleele.
27 Na vaavaaia e Semi le Rama o togāvine;+ ae na vaavaaia e Sapati le Sefama fua o togāvine i mea e teu ai le uaina.
28 Na vaavaaia e Paalaanana le Kete o laau o olive ma laau o le sukamoru+ sa i vaipanoa o le Sefila;+ ae na vaavaaia e Ioasa mea e teu ai le suāuu.+
29 O Setari le Sarona na vaavaaia lafu povi na aai i Sarona;+ a o Safata le atalii o Atalai na vaavaaia lafu povi i fanua laugatasi.
30 Na vaavaaia e Opili le Isamaeli+ kamela;+ ae na vaavaaia e Ietaia le Marono asini fafine.
31 Na vaavaaia e Iasesa le Hakara lafu mamoe. O alii uma nei na vaavaaia mea a le Tupu o Tavita.
32 O Ionatana+ le atalii o le uso o Tavita, o se faufautua, o se tagata malamalama+ o ia, o ia foʻi o le failautusi; a o Ikielu le atalii o Hakemoni+ sa faatasi ma atalii o le tupu.+
33 O Aitofele+ le faufautua+ a le tupu; a o Usai+ le Araki+ o le aumea+ a le tupu.
34 Na sosoo ane iā Aitofele o Ioiata le atalii o Penaia+ ma Aviata;+ ma na avea Ioapo+ ma taʻitaʻiʻau a le tupu.
