1 Nofoaiga a Tupu 5:1-26
5 O atalii o Reupena+ le ulumatua a Isaraelu, auā o ia o le ulumatua;+ a ua ia faaleagaina le moega o lona tamā,+ ona avatu ai lea o lona tofi o le ulumatua i atalii o Iosefa+ le atalii o Isaraelu, o lea, ua lē tusia ai lona igoa i le gafa mo le tofi o le ulumatua.
2 Auā ua sili Iuta+ i ona uso, na tupu mai foʻi iā te ia lē e taʻitaʻi;+ ae o le tofi o le ulumatua o Iosefa+ lea—
3 o atalii o Reupena le ulumatua a Isaraelu, o Hanoka,+ o Falu,+ o Esarona, ma Karame.+
4 O atalii o Ioelu o Semaia lona atalii, o Koku lona atalii, o Semi lona atalii,
5 o Mika lona atalii, o Reaia lona atalii, o Paala lona atalii,
6 o Peera lona atalii o lē na ave faapagota e Tilika-pilesa+ le tupu o Asuria, o ia o le taʻitaʻi o le ituaiga o Reupena.
7 O ona uso foʻi i o latou aiga, ua tusia i le tusi o gafa+ e tusa ma o latou tupuaga, o le alii sili o Ieielu, o Sakaria,
8 o Pela le atalii o Asasa le atalii o Sema le atalii o Ioelu+—na nofo o ia i Aroeru+ e oo atu lava i Nepo+ ma Paalameona.+
9 Na nofo o ia i le itu i sasaʻe e oo atu lava i le mea e ui atu ai se tasi i le toafa, i le vaitafe o Eufirate,+ auā ua tele a latou lafumanu i le nuu o Kiliata.+
10 I aso o Saulo, na latou tau ai ma tagata Hakara,+ o ē na latou fasia; ona nonofo ai lea i o latou faleʻie i le nuu atoa i le itu i sasaʻe o Kiliata.
11 A o atalii o Kato+ e pito mai iā i latou, ua latou nonofo i le nuu o Vasana+ e oo atu lava i Saleka.+
12 O Ioelu o le alii sili, o Sefama e lona lua, ma Iaanai ma Safata i Vasana.
13 O o latou uso i aiga o o latou augātamā, o Mikaele, o Mesulama, o Seepa, o Iorai, o Iakana, o Sea, ma Eperu, e toʻafitu.
14 O atalii nei o Aviaila le atalii o Huri, o le atalii lea o Iaroa, o le atalii lea o Kiliata, o le atalii lea o Mikaele, o le atalii lea o Iesesai, o le atalii lea o Iato, o le atalii lea o Pusa;
15 o Aki le atalii o Apitielu, o le atalii lea o Kuni, o le alii sili o le aiga o o latou augātamā.
16 Na latou nonofo pea i Kiliata,+ i Vasana+ ma ona tamaʻi aai,+ ma i fanua lafulemu uma o Sarona e oo atu lava i le mea e gata mai ai.
17 O i latou uma nei na tusia o latou igoa i le tusi o gafa i aso o Iotama+ le tupu o Iuta, ma i aso o Ierepoamo+ le tupu o Isaraelu.
18 A o le fanauga a Reupena, o tagata Kato, ma le ʻafa o le ituaiga o Manase; o tagata totoa,+ o tagata e aveina talipupuni, o le pelu, ma ē e loloʻu le ʻaufana ua aʻoaʻoina i taua, e toʻafā sefulu fā afe, fitu selau ono sefulu na ō atu i le ʻautau.+
19 Na latou tau foʻi ma tagata Hakara,+ o Ietura,+ o Nafiso,+ ma Notapa.
20 Na latou maua le fesoasoani i le taua faasaga iā i latou, o lea, na tuuina atu ai tagata Hakara ma i latou uma o ē na faatasi ma i latou i o latou lima, auā na latou alalaga atu i le Atua mo se fesoasoani+ i le taua, ua ia faafofoga foʻi i la latou ʻaiʻoi, auā ua latou faatuatua iā te ia.+
21 Na latou ave faamalosi foʻi a latou lafumanu,+ o a latou kamela e lima sefulu afe, o mamoe e lua selau lima sefulu afe, o asini e lua afe, ma tagata e toʻaselau afe.+
22 Auā e toʻatele na paʻuʻū ina ua fasiotia, auā o le taua a le Atua moni.+ Ua latou nonofo ai pea i lo latou nofoaga e oo mai i le taimi na ave faapagota ai.+
23 A o le fanauga o le ʻafa o le ituaiga o Manase,+ na latou nonofo i le nuu e amata mai i Vasana+ e oo atu i Paala-heremone,+ ma Senira,+ ma le Mauga o Heremoni.+ Ua faatoʻateleina foʻi i latou.
24 O alii sili nei o aiga o o latou augātamā: o Efara, o Isai, o Elielu, o Aserielu, o Ieremia, o Hotavia, ma Iatielu, o tagata totoa ma malolosi ma le taʻutaʻua i latou, o ulu o aiga o o latou augātamā.
25 Ua latou lē faamaoni i le Atua o o latou augātamā, ua latou faia feusuaʻiga lē mamā+ ma atua+ o tagata o le nuu, o ē na faaumatia e le Atua i o latou luma.
26 Mulimuli ane, ona faatupu lea e le Atua o Isaraelu le manatu+ iā Pula+ le tupu o Asuria,+ na faatupu foʻi se manatu iā Tilika-pilesa+ le tupu o Asuria, o lea na ia ave faapagota+ ai i latou o le ituaiga o Reupena, o le ituaiga o Kato, ma le ʻafa o le ituaiga o Manase, ua avatu i latou i Hala,+ i Havoli, ma Hara, ma le vaitafe o Kosane, ua nonofo ai pea seʻia oo mai i aso nei.
