2 Korinito 2:1-17
2 Auā ua ou manatu, ou te lē toe alu atu iā te outou ma le faanoanoa.+
2 Auā afai ua outou faanoanoa ona o aʻu,+ o ai la o totoe na te faafiafiaina aʻu? E na o ē na faanoanoa ona o aʻu.
3 Na ou tusia lenei lava mea, pe a ou alu atu, ou te lē faanoanoa ai lava,+ ona o i latou e tatau ona ou olioli ai;+ auā ua ou mautinoa+ iā te outou, o mea ua ou olioli ai, e tou te olioli ai foʻi.
4 Auā o le tele o puapuaga ma le atuatuvale o le loto, na ou tusi atu ai iā te outou ma le maligi tele o loimata,+ e lē ina ia outou faanoanoa ai ona o aʻu,+ ae ina ia outou iloa ai le tele o loʻu alofa iā te outou.
5 O lenei, afai na faatupuina e se tasi le faanoanoa,+ ua ia faatupuina le faanoanoa o outou uma ae e lē o aʻu. Ou te lē manaʻo e soona lafo atu ni upu ona o lenei mea.
6 Ua lava le aʻoaʻiga+ ua avatu iā te ia e le toʻatele o uso,
7 o lea la, e tatau nei ona outou faamagalo atu ma le agalelei,+ ma faamāfanafana atu iā te ia, ina ia aua neʻi lofitūina lenā tagata i le faanoanoa tele.+
8 O lea ua ou apoapoaʻi atu ai iā te outou, ia faailoa atu lo outou alofa+ mo ia.
9 O le mea lea ua ou tusia ai lenei tusi, ina ia iloa po ua outou usiusitaʻi i mea uma.+
10 Afai tou te faamagalo atu ma le agalelei se mea sesē a se tasi, ou te faia foʻi faapea.+ A o aʻu, o se mea ou te faamagalo atu ma le agalelei, pe afai ou te faamagalo atu ma le agalelei se mea, ua faia faapea mo lo outou lelei i luma o Keriso;
11 ina neʻi faasesēina i tatou e Satani,+ auā tatou te lē vālea i ana togafiti.+
12 Ina ua ou taunuu i Teroa+ e folafola le tala lelei e uiga i le Keriso, ua faaavanoa mai iā te aʻu se faitotoʻa i le Alii,+
13 ua lē toʻafilemu ai loʻu agaga,* ona o le lē maua o Tito+ loʻu uso, ae na ou faamavae atu iā i latou, ona ou alu ai lea i Maketonia.+
14 Ae ia ave le faafetai i le Atua o lē na te taʻitaʻia+ pea i tatou i le solo o le manumalo faatasi+ ai ma Keriso, ma o lē foʻi ua faaalia mai le manogi o le poto iā te ia i mea uma,+ e ala iā i tatou!
15 Auā o i tatou o le manogi lelei+ o Keriso i le Atua, i ē o le a faaolaina ma i latou o le a faaumatia;+
16 o ē o le a faaumatia e oo i ai le manogi o le oti e iʻu ai i le oti,+ a o ē o le a faaolaina e oo i ai le manogi o le ola e iʻu ai i le ola. O ai foʻi ua agavaa mo nei mea?+
17 O i matou, auā matou te lē o suʻe tupe i le afioga a le Atua+ e pei o le toʻatele o isi,+ ae ua matou tautatala atu ma le faamaoni, ioe, e pei o ē ua aauina mai le Atua i le silafaga a le Atua faatasi ai ma Keriso.+
Faamatalaga Pito i Lalo
^ Tagaʻi i le Faaopoopoga e 5.
