2 Korinito 5:1-21
5 Auā ua tatou iloa, pe a lepetia+ lo tatou fale i le lalolagi,+ o le faleʻie+ lea, ua iā i tatou le fale i le lagi e faavavau+ lea e mai le Atua, o le fale e leʻi fausiaina e lima.+
2 Auā o le mea moni, ua tatou ōi+ i lenei fale o loo tatou nonofo ai, ma matuā naunau atu e oofu i lo tatou fale e mai i le lagi,+
3 o lea la, pe a faaofuina ai i tatou, e lē maua ai i tatou ua lē lavalavā.+
4 O i tatou o loo i lenei faleʻie, ua feoi ma mafatia; auā tatou te lē fia toesea lenei ofu ae oofu i le isi,+ ina ia suia ai le tino e mafai ona oti i le ola.+
5 O lē ua saunia i tatou mo lenei mea o le Atua lea,+ o lē ua foaʻi mai iā i tatou le faailoga+ o le mea o le a oo mai, o le agaga lea.+
6 O le mea lea ua tatou lototetele ai ma iloa, a o tatou nonofo i le tino,* tatou te lē o faatasi ma le Alii,+
7 auā ua tatou savavali ona o le faatuatua, ae e lē o mea e vaaia.+
8 O le mea lea ua tatou lototetele ma fiafia ai, e lē ina ia nonofo i lenei tino, ae ia nonofo faatasi ma le Alii.+
9 O lea la, tusa lava po o fea tatou te nonofo ai, pe tatou te faatasi ma ia pe leai,+ ae tatou te tausinio ina ia finagalo malie mai pea o ia iā i tatou.+
10 Auā e faailoa atu lava i tatou uma i luma o le nofoa faamasino o le Keriso,+ ina ia taʻitoʻatasi le tagata ma maua lona taui i mea na faia i le tino, e tusa ai ma lana amio pe e lelei pe e leaga.+
11 O lea la, o le iloa o le mataʻu+ i le Alii, ua matou pulunaunau+ ai pea tagata, a ua silafia i matou e le Atua. Peitaʻi, ou te faamoemoe ua iloa i matou i o outou lotofuatiaifo.+
12 Matou te lē o toe taʻuleleia+ i matou lava iā te outou, ae ua matou tuuina atu se mea tou te mitamita ai iā i matou,+ ina ia mafai ona outou tali atu i ē e mitamita ona o foliga vaaia o mea,+ ae e lē o le loto.+
13 Auā afai ua matou vālea,+ ua faia faapea ona o le Atua; ae afai ua matou faautauta,+ ua faia faapea ona o outou.
14 Auā ua faamalosia i matou ona o le alofa o le Keriso, ma o lo matou manatu lenei, e toʻatasi lē na maliu mo tagata uma;+ ma ua feoti uma ai;
15 ma na maliu o ia mo tagata uma, ina ia lē toe ola i latou mo i latou lava,+ ae ia ola mo ia+ o lē na maliu mo i latou ma toe faatūina mai.+
16 E amata atu nei ona matou lē toe iloaina se tagata i la le tino.+ E tusa foʻi pe na matou iloaina Keriso i la le tino,+ ae o le mea moni matou te lē toe iloa o ia faapena.+
17 Afai e autasi se tasi ma Keriso, o ia o le foafoaga fou;+ ua mavae atu mea tuai,+ ae faauta! ua oo mai mea fou.+
18 Ae e mai le Atua mea uma lava, o lē na faia i matou ina ia toe lelei+ ma ia e ala iā Keriso, ma ua ia tuuina mai iā i matou le faiva+ o le leleiga,
19 o lona uiga, ua toe faaleleia e le Atua lalolagi+ iā te ia+ e ala iā Keriso,+ ua lē taʻua iā i latou a latou agasala,+ a ua tuuina mai le upu+ o le leleiga iā i matou.+
20 O lea la, o i matou+ o sāvali+ o sui o Keriso,+ e peiseaʻī o loo ʻaiʻoi mai le Atua e ala iā i matou.+ O i matou o ē ua fai ma sui o Keriso, ua matou ōle atu:+ “Ia outou toe lelei ma le Atua.”
21 O lē na lē iloa le agasala,+ na fai o ia ma agasala+ mo i tatou, ina ia avea ai i tatou ma amiotonu a le Atua+ e ala iā te ia.
Faamatalaga Pito i Lalo
^ I le gagana Eleni, “a o tatou nonofo i le fale i o tatou tino.”
