2 Nofoaiga a Tupu 14:1-15
14 Mulimuli ane, ua taoto Avia faatasi ma ona augātamā,+ ua latou tanu foʻi o ia i le Aai a Tavita;+ ona pule lea o lona atalii o Asa+ e sui iā te ia. I ona aso, na filemu+ ai le nuu mo tausaga e sefulu.
2 Ua faia e Asa le mea lelei ma tonu i le silafaga a Ieova lona Atua.
3 Ona ia aveesea lea o fata faitaulaga ese+ ma mea maualuluga,+ ua talepe i lalo poutū paia+ ma tuu i lalo pou paia.+
4 Ua ia fai atu foʻi iā Iuta e saʻili+ iā Ieova le Atua o o latou augātamā, ma ia faia le tulafono+ ma le poloaʻiga.+
5 Ua ia aveesea mai i aai uma o Iuta o mea maualuluga ma fata faitaulaga e mū ai mea manogi;+ ma o lana nofoaiga na filemu+ ai pea le malo.
6 Ua ia fausia foʻi aai malupuipuia i Iuta,+ auā na filemu le nuu; e leai foʻi se taua na sii atu iā te ia i na tausaga, auā na foaʻi mai e Ieova le mapusaga iā te ia.+
7 Ua ia fai atu foʻi iā Iuta: “Seʻi o tatou fausia nei aai ma faia pā+ e faataamilo ai ma ʻolo,+ o faitotoʻa e taʻilua itu ma faamau.+ Auā ua avanoa le laueleele mo i tatou, talu ai ua tatou saʻili iā Ieova lo tatou Atua.+ Na tatou saʻili, ona ia foaʻi mai lea iā i tatou o le mapusaga i itu uma.”+ Ua latou fausia pea ma ua taulau manuia.+
8 Ua iā Asa o le ʻautau mai i Iuta e toʻatolu selau afe,+ e aveina le talipupuni tele+ ma le tao.+ E mai iā Peniamina foʻi o i latou e aveina le talita ma loloʻu le ʻaufana,+ e toʻalua selau valu sefulu afe.+ O i latou uma nei o tagata totoa ma malolosi.
9 Mulimuli ane, ona alu atu lea o Sera le Aitiope+ e siitaua atu iā i latou, ma le ʻautau e tasi le miliona o tane+ ma kariota e tolu selau, ua alu atu o ia e oo atu i Maresa.+
10 Ona alu atu lea o Asa e tau ma ia, ma ua faapotopoto faatasi i latou e tau i le vanu o Sefata i Maresa.
11 Ona valaau lea o Asa iā Ieova lona Atua,+ ua faapea atu: “Ieova e, e lē o se mea faigatā iā te oe ona fesoasoani mai, e tusa lava pe toʻatele po o ē e leai so latou malosi.+ Ieova e, lo matou Atua, ia e fesoasoani mai iā i matou, auā e matou te faalagolago atu iā te oe,+ o lou suafa+ foʻi ua matou ō mai ai e tau ma lenei motu o tagata. Ieova e, o oe o lo matou Atua.+ Aua neʻi malo mai tagata faatauvaa iā te oe.”+
12 Ona faatoʻilaloina+ lea e Ieova o tagata Aitiope i luma o Asa ma luma o Iuta, ma ua sosola ai tagata Aitiope.
13 Ua tuliloa e Asa ma le nuu sa faatasi ma ia i latou e oo atu lava i Kira,+ ma ua paʻuʻū ai pea tagata Aitiope ua leai se tasi o i latou e ola; auā ua nutililiia i latou i luma o Ieova+ ma luma o lana ʻautau.+ Mulimuli ane, ona latou ave lea o le vete e matuā tele.+
14 Ua latou lepeti foʻi aai uma na faataamilo ai i Kira, auā ua oo iā i latou le mataʻu+ mai iā Ieova; na latou faoa mea mai i aai uma auā e tele mea na latou faoa mai ai.+
15 Na latou lepeti foʻi e oo lava i faleʻie+ o i latou e iai lafumanu, ma faoa+ lafumanu e matuā tele lava ma kamela,+ ona latou toe foʻi mai lea i Ierusalema.
