2 Nofoaiga a Tupu 17:1-19
17 Ona pule lea o Iosefatu+ lona atalii e sui iā te ia, ma ua ia faamalosia lona tulaga iā Isaraelu.
2 Ua ia tuuina ʻautau i aai malupuipuia uma o Iuta, ma tuuina atu foʻi leoleoga i le nuu o Iuta ma aai o Efaraima na faatoʻilaloina e lona tamā o Asa.+
3 Sa faatasi pea Ieova ma Iosefatu+ auā na savali o ia i uluaʻi ala o Tavita lona augātamā,+ ae e leʻi saʻili atu iā Paala.+
4 Auā na ia saʻili atu i le Atua+ o lona tamā ma savali foʻi i lana poloaʻiga,+ ae e leʻi pei o mea na faia e Isaraelu.+
5 Ua matuā faatumauina pea e Ieova le malo i ona lima;+ ua avatu pea e Iuta uma o meaalofa+ iā Iosefatu, ma ua tele ana oloa ma lona mamalu.+
6 Ua lototele o ia i ala+ o Ieova, ma na ia aveesea foʻi mea maualuluga+ ma pou paia+ mai i Iuta.
7 I le tausaga lona tolu o lana nofoaiga, na ia talosaga atu ai ina ia ō mai ona alii sili o Peniaila, o Opetaia, o Sakaria, o Netanielu, ma Mekaio, e aʻoaʻo i aai o Iuta,
8 ua faatasi foʻi ma i latou le ʻau sa Levī, o Semaia, o Netanaia, o Sepatia, o Asaelu, o Semiramota, o Ionatana, o Atonia, o Topia, ma Topa-atonia o le ʻau sa Levī, ua faatasi foʻi ma i latou Elisama ma Ioramo, o ositaulaga ia.+
9 Ona amata lea ona latou aʻoaʻo+ atu i Iuta, ma sa iā i latou le tusi o le tulafono+ a Ieova, ua latou ō faataamilo i aai uma o Iuta ma aʻoaʻo atu i le nuu.
10 O malo uma o nuu sa nonofo faataamilo i Iuta, ua latou matataʻu+ ona o Ieova, e latou te leʻi siitaua foʻi iā Iosefatu.+
11 Ua latou aumaia mai i Filisitia o meaalofa+ iā Iosefatu ma tupe e fai ma meaalofa.+ Na aumai foʻi e tagata Arapi+ a latou lafu, e fitu afe fitu selau mamoe poʻa ma ʻoti poʻa e fitu afe fitu selau.+
12 Ua agaʻigaʻi pea i luma Iosefatu ma ua matuā faatuputeleina+ ma faasilisilia lona tulaga; ua ia fausia pea aai malupuipuia+ ma aai e teu ai oloa+ i Iuta.
13 E matuā tele foʻi galuega na faia e ia i aai o Iuta; ma sa iai fitafita,+ o toa, ma tagata malolosi+ i Ierusalema.
14 O o latou tofiga nei i aiga o o latou augātamā: E mai iā Iuta o taʻitaʻi o le taʻitoʻaafe, o Atana le taʻitaʻi, sa iā te ia foʻi o tagata totoa ma malolosi e toʻatolu selau afe.+
15 Na pule o ia iā Iokana le taʻitaʻi, sa iā te ia foʻi o tagata e toʻalua selau valu sefulu afe.
16 Na pule o ia iā Amasea le atalii o Sekari, o lē na galue tauofo+ mo Ieova, sa iā te ia foʻi o tagata totoa ma malolosi e toʻalua selau afe.
17 E mai iā Peniamina,+ sa iai le tagata toa ma malosi o Eliata, sa iā te ia tagata ua faaauupegaina e toʻalua selau afe, e iai ʻaufana ma talita.+
18 Na pule o ia iā Iosapa, sa iā te ia foʻi o tagata e toʻaselau valu sefulu afe o ē ua faaauupegaina mo le ʻautau.
19 O i latou nei na auauna atu i le tupu, e ese mai iā i latou o ē na tuu e le tupu i aai malupuipuia+ i Iuta atoa.
