2 Nofoaiga a Tupu 27:1-9
27 E lua sefulu lima tausaga o Iotama+ ina ua fai o ia ma tupu, ma e sefulu ono tausaga na pule ai o ia i Ierusalema. O le igoa o lona tinā o Ierusa+ le afafine o Satoka.
2 Na ia faia pea mea ua tonu i le silafaga a Ieova,+ e tusa ai ma mea uma na faia e Usia lona tamā.+ Ae e na o le malumalu o Ieova e na te leʻi osofaʻia.+ Peitaʻi, ua amioleaga+ pea le nuu.
3 O ia na fausia le faitotoʻa pito i luga+ o le fale o Ieova, ma na ia faia foʻi le tele o galuega i le pā o Ofele.+
4 Na ia fausia aai+ i vaega maugā o Iuta,+ ma na ia fausia nofoaga malupuipuia+ ma ʻolo+ i vaomatua.+
5 Na tau foʻi o ia ma le tupu o le fanauga a Amoni,+ ma ua oo ina sili atu lona malosi nai lo o i latou, ona aumai lea e le fanauga a Amoni iā te ia i le tausaga lenā, o taleni siliva e selau, o kori+ o saito+ e sefulu afe, ma kori o karite+ e sefulu afe. O mea na na totogi mai e le fanauga a Amoni iā te ia, e faapena foʻi i le tausaga lona lua ma lona tolu.+
6 Ua faamalosia pea e Iotama o ia lava, auā na saunia e ia ona ala i luma o Ieova lona Atua.+
7 A o le olaga uma o Iotama,+ o ana taua uma ma ona ala uma, o loo tusia ia i le Tusi+ o Tupu o Isaraelu ma Iuta.
8 E lua sefulu lima ona tausaga ina ua fai o ia ma tupu, ma e sefulu ono tausaga na pule ai o ia i Ierusalema.+
9 Mulimuli ane, ona taoto lea o Iotama faatasi ma ona augātamā,+ ma ua latou tanu o ia i le Aai a Tavita.+ Ona pule lea o Aasa+ lona atalii e sui iā te ia.
