2 Nofoaiga a Tupu 31:1-21
31 Ina ua latou faamāeʻaina nei mea uma, ona ō atu ai lea o Isaraelu+ uma sa iai i inā i aai o Iuta,+ ma ua latou tuʻininii poutū paia+ ma talepe i lalo pou paia,+ ma lepeti i lalo mea maualuluga+ ma fata faitaulaga+ i Iuta+ uma, o Peniamina, o Efaraima,+ ma Manase,+ seʻia oo ina latou faaumaina; ona toe foʻi atu lea o le fanauga uma a Isaraelu i o latou aai, e taʻitoʻatasi i lona lava tofi.
2 Ona vaevaeina+ lea e Esekia o ositaulaga ma sa Levī+ i o latou vaega, e taʻitasi le tagata e tusa ma lana auaunaga mo ositaulaga+ ma sa Levī,+ e tusa ai ma taulaga mū+ ma taulaga faifaatasi,+ ina ia auauna,+ ma faafetai,+ ma vivii+ atu i faitotoʻa o togālauapi a Ieova.
3 Sa iai se vaega a le tupu mai i ana lava oloa+ mo taulaga mū,+ o taulaga mū o le taeao+ ma le afiafi, o taulaga mū mo sapati,+ ma masina faatoʻā vaaia,+ ma tausamiga,+ e tusa ai ma mea ua tusia i le tulafono a Ieova.+
4 Ua ia fai atu foʻi i le nuu o ē ua nonofo i Ierusalema, ina ia aumai vaega o mea e tatau mo ositaulaga+ ma sa Levī,+ ina ia latou pipiimau+ atu ai pea i le tulafono a Ieova.+
5 Ina ua oo atu le tala, ona faateleina lea ona aumaia e le fanauga a Isaraelu+ o uluaʻi fua o saito,+ o uaina fou,+ o suāuu,+ o meli,+ o fua uma o le laueleele,+ ma le sefuluaʻi o mea uma, ua matuā tele lava.+
6 Na aumaia foʻi e le fanauga a Isaraelu ma Iuta o ē o loo nonofo i aai o Iuta,+ le sefuluaʻi o povi, o mamoe, ma le sefuluaʻi o mea paia,+ o mea ua faapaiaina mo Ieova lo latou Atua. Ua latou aumaia o lea faaputuga ma lea faaputuga.
7 O le masina lona tolu,+ na amata ai ona latou faia faaputuga e ala i le faia o le faaputuga pito i lalo, ma na māeʻa i le masina lona fitu.+
8 Ina ua ō mai Esekia ma alii sili+ ma vāai i faaputuga, ona latou vivii atu lea iā Ieova ma faamanuia+ i lona nuu o Isaraelu.+
9 Ona fesili atu lea o Esekia i ositaulaga ma sa Levī e faatatau i faaputuga.+
10 Ona faapea mai lea o Asaraia+ le faitaulaga sili o le aiga o Satoka,+ ua faapea mai iā te ia: “O le taimi na amata ai ona latou aumaia foaʻi tauofo+ i le fale o Ieova, ua aai, ua maoona,+ ma ua tele foʻi mea na totoe;+ auā ua faamanuia e Ieova lona nuu,+ ma ua totoe nei mea e tele.”
11 Ua fai atu foʻi Esekia e sauniuni potu ʻai+ i le fale o Ieova. Ona latou saunia ai lea.
12 Ua latou aumaia pea ma le faamaoni+ foaʻi tauofo,+ o mea e sefuluaʻi,+ ma mea paia; ua avea foʻi Konania le sa Levī ma pule iā i latou e fai ma taʻitaʻi, na pito atu i ai lona uso o Semi.
13 O Ikielu, o Asesau, o Nakata, o Asaelu, o Ierimota, o Ieosapa, o Elielu, o Isemakia, o Makata, ma Penaia, o i latou o taʻimua e fesoasoani i le itu a Konania ma lona uso o Semi, e tusa ai ma le faatonuga a le tupu o Esekia, a o Asaraia+ na fai ma taʻitaʻi o le fale o le Atua moni.
14 Na fai Kori le atalii o Iemina le sa Levī ma leoleo faitotoʻa+ i le itu i sasaʻe,+ e vaavaaia taulaga tauofo+ a le Atua moni, e tufatufa atu foaʻi+ a Ieova ma mea e sili ona paia.+
15 Na ia vaavaaia foʻi Etena, o Meneamina, o Iesua, o Semaia, o Amaria, ma Sekania, i aai o ositaulaga,+ i tofiga maufaatuatuaina,+ ina ia avatu i o latou uso i vaega+ ia tutusa ē e sili ma ē e iti;+
16 e ese mai i tusi o o latou gafa+ o tane e amata mai i le tolu tausaga ma ē e matutua atu,+ o i latou uma e ō mai i le fale o Ieova i aso taʻitasi e pei ona masani ai, mo la latou auaunaga i o latou matafaioi e tusa ma le vaevaeina o i latou.
17 O le tusi lenei o gafa o ositaulaga i le aiga o o latou tamā+ ma le ʻau sa Levī+ foʻi, e amata mai i le lua sefulu+ tausaga ma ē e matutua atu, i o latou matafaioi i le vaevaeina+ o i latou;
18 o tusi o gafa mo a latou fanau iti, o a latou avā, o o latou atalii, ma o latou afafine, mo le faapotopotoga uma, auā ua latou faapaiaina+ i latou e i latou mo le mea paia i o latou tofiga maufaatuatuaina;+
19 ma le fanauga foʻi a Arona+ le ʻauositaulaga, i fanua+ e aai ai lafumanu i o latou aai. Na iai tane na tofia o latou igoa i aai eseese uma, ina ia tufatufa atu meaʻai i tane uma o i le ʻauositaulaga, ma i latou uma ua iai i le tusi o gafa o le ʻau sa Levī.
20 Sa faapea lava ona faia e Esekia i Iuta uma, ma ua ia faia pea le mea ua lelei,+ ua tonu,+ ma faamaoni+ i luma o Ieova lona Atua.
21 O galuega uma foʻi na ia amataina i le auaunaga+ i le fale o le Atua moni, ma le tulafono,+ ma le poloaʻiga ina ia saʻili+ i lona Atua, na ia faia ma lona lotoatoa+ ma na taulau manuia+ o ia.
