2 Nofoaiga a Tupu 32:1-33
32 Ua mavae ia mea ma le ala faamaoni+ o Esekia, ona sau ai lea o Sanerivi+ le tupu o Asuria,+ ua osofaʻia Iuta ma siitaua i aai malupuipuia,+ ua ia mafaufau pea lava e lepeti na aai e fai mo ia.
2 Ina ua iloa e Esekia ua sau Sanerivi e fuafua+ e siitaua iā Ierusalema,
3 ona ia filifili lea faatasi ma ona alii sili+ ma ona tagata malolosi, e punitia vai o vaipuna sa i fafo o le aai;+ ona latou fesoasoani lea iā te ia.
4 Ua faapotopoto faatasi tagata e toʻatele, ma ua latou punitia vaipuna uma ma ālia+ ua tafe atu i le ogatotonu o le nuu, ua latou faapea ane: “Aiseā o le a ō mai ai tupu o Asuria ma maua vai e tele?”
5 Ua ia lototele foʻi ma toe atiaʻe pā+ uma na soloia ma faia ai ʻolo,+ ma le tasi pā+ i fafo, ua toe faaleleia le Mea Maupuʻepuʻe+ o le Aai a Tavita, ma faia le tele o auupega+ ma talipupuni.+
6 Ona ia tofia lea o taʻitaʻi o ʻautau+ e vaavaaia le nuu ma faapotopotoina i latou iā te ia i le nofoaga faitele+ o le faitotoʻa o le aai, ma ua ia tautala atu i o latou loto+ e faapea:
7 “Ia outou lototetele ma faamalolosi.+ Aua tou te fefefe+ pe matataʻu+ ona o le tupu o Asuria,+ ma le motu o tagata o loo faatasi ma ia;+ auā e sili atu ona toʻatele o loo faatasi ma i tatou nai lo o ē o loo iā te ia.
8 O loo iā te ia le lima o le tagata,+ ae o loo iā i tatou Ieova lo tatou Atua e fesoasoani+ mai ma tauina a tatou taua.”+ Ona faalagolago lea o le nuu i upu a Esekia le tupu o Iuta.+
9 Ua mavae lenei mea, ona aauina atu lea e Sanerivi+ le tupu o Asuria o ana auauna i Ierusalema iā Esekia le tupu o Iuta, ma tagata Iutaia uma sa i Ierusalema, a o iai Sanerivi i Lakisa+ ma o loo faatasi foʻi ma ia+ ana fitafita uma, ua faapea atu:
10 “O le mea lenei na fai mai ai Sanerivi le tupu o Asuria,+ ‘O le ā ea le mea ua outou faatuatua i ai, ina ua outou nonofo filemu a o osofaʻia Ierusalema?+
11 Pe e lē o faaoso+ ea outou e Esekia+ ina ia outou feoti i le oge ma le fia feinu, o loo faapea atu: “E laveaʻia e Ieova lo tatou Atua i tatou mai i lima o le tupu o Asuria”?+
12 Pe e lē o Esekia ea na aveesea ana mea maualuluga+ ma ona fata faitaulaga,+ ma ia faapea atu iā Iuta ma Ierusalema: “Ia outou ifo+ atu i luma o le fata faitaulaga+ e tasi, ma ia outou faamū ai foʻi taulaga”?+
13 Pe e tou te lē iloa ea mea na ou faia ma mea na faia e oʻu augātamā i tagata uma o nuu?+ Pe na mafai e atua+ o nuu ona laveaʻia o latou nuu mai i loʻu lima?
14 Pe e iai ea se tasi o atua uma o ia nuu na faaumatia e oʻu augātamā, na mafai ona ia laveaʻiina lona nuu mai i loʻu lima, ina ia mafai ai e lo outou Atua ona laveaʻia outou mai i loʻu lima?+
15 O lenei, aua neʻi ʻolegia outou e Esekia pe faaoso+ outou+ faapenei, aua foʻi neʻi faatuatua atu iā te ia, auā e leai se atua o se nuu po o se malo na mafai ona laveaʻia lona nuu mai i loʻu lima ma lima o oʻu augātamā. E matuā lē mafai lava la e lo outou Atua ona laveaʻia outou mai i loʻu lima!’”+
16 Ona faaauau lea ona upuleaga o ana auauna iā Ieova le Atua moni,+ ma lana auauna o Esekia.
17 Na ia tusia foʻi ni tusi+ e faifai ai iā Ieova le Atua o Isaraelu+ ma upuleaga ai iā te ia, e faapea: “E pei o atua+ o nuu na lē mafai ona laveaʻia o latou tagata mai i oʻu lima,+ e faapea foʻi ona lē mafai e le Atua o Esekia ona ia laveaʻia lona nuu mai i oʻu lima.”
18 Ua latou+ valaau atu pea ma le leotele+ i le gagana a tagata Iutaia+ i tagata o Ierusalema na i luga o le pā, e faafefe+ i latou ma faaatuatuvale i latou, ina ia latou faatoʻilaloina le aai.
19 Ua latou upuleaga+ pea i le Atua o Ierusalema,+ e pei ona upuleaga foʻi i atua o nuu o le lalolagi, na faia e lima o tagata.+
20 A ua tatalo atu pea le tupu o Esekia+ ma le perofeta+ o Isaia+ le atalii o Amota+ e faatatau i lenei mea,+ ma ua la alalaga i le lagi mo se fesoasoani.+
21 Ona auina mai lea e Ieova o se agelu+ ma faaumatia tagata totoa+ uma, o taʻitaʻi, ma alii sili o le ʻautau a le tupu o Asuria,+ ma ia toe foʻi atu ai ma le māsiasi i lona nuu. Mulimuli ane, ua ia ulu atu i le fale o lona atua, ona fasia ai lea o ia e nisi o lana fanau i le pelu.+
22 Ua laveaʻi e Ieova o Esekia ma tagata e nonofo i Ierusalema mai i lima o Sanerivi le tupu o Asuria,+ ma lima o isi tagata uma, ma ua ia foaʻi mai iā i latou le mapusaga i itu uma.+
23 Na aumaia e le toʻatele meaalofa+ iā Ieova i Ierusalema, ma mea mananaia iā Esekia le tupu o Iuta,+ mulimuli ane ona faaeaina+ ai lea o ia i luma o nuu uma.
24 I na aso, na maʻi ai Esekia ma ua toetoe lava a oti,+ ona tatalo+ atu lea o ia iā Ieova. Ua fetalai mai o Ia iā te ia,+ ma ua Ia tuuina mai iā te ia se faailoga.+
25 A ua lē toe taui atu+ e Esekia e tusa ai ma mea lelei uma na faia iā te ia, auā ua faamaualuga+ lona loto, ona oo mai ai lea o le toʻasā+ o le Atua iā te ia, atoa ai ma Iuta ma Ierusalema.
26 Ae peitaʻi, ua toe faamaulalo+ Esekia mai i lona lotofaamaualuga, o ia ma tagata o nonofo i Ierusalema, ma ua lē oo mai ai le toʻasā o Ieova iā i latou i aso o Esekia.+
27 Sa iā Esekia o ʻoa, ma le mamalu ua matuā tele lava;+ na ia faia foʻi mo ia o fale teuoloa mo siliva, o auro,+ o maa tautele,+ o suāuu pasama,+ o talipupuni,+ ma mea matagofie uma;+
28 atoa foʻi ma fale+ e tuu ai fua o saito, o uaina fou+ ma suāuu, o fale+ mo ituaiga o manu eseese uma, ma fale mo lafumanu.
29 Na ia maua foʻi aai mo ia, ma lafu mamoe+ ma lafu povi+ e tele; auā na foaʻiina mai e le Atua iā te ia o mea e matuā tele lava.+
30 Na punitia+ e Esekia le mea pito i luga e puna mai ai le vai+ o Kiona,+ ma taʻi saʻo ifo i le itu i sisifo i le Aai a Tavita,+ ua faaauau pea ona taulau manuia Esekia i ana galuega uma.+
31 A o fofoga fetalai a alii sili o Papelonia,+ na latou aauina atu iā te ia+ ina ia fesili atu e uiga i le faailoga+ lea na iai i le nuu, na tuu e le Atua moni iā te ia+ ina ia tofotofo+ ai o ia, ma iloa ai mea uma o loo i lona loto.+
32 A o le olaga uma+ o Esekia ma lona alofa faamaoni,+ ua tusia ia i le faaaliga a le perofeta o Isaia le atalii o Amota,+ i le Tusi+ o Tupu o Iuta ma Isaraelu.
33 Mulimuli ane, ua taoto Esekia faatasi ma ona augātamā,+ ua latou tanu o ia i le aʻega o fanuatanu o atalii o Tavita;+ ma na faamamaluina foʻi o ia e Iuta uma ma ē na nonofo i Ierusalema i lona maliu.+ Ona pule ai lea o Manase+ lona atalii e sui iā te ia.
