2 Nofoaiga a Tupu 36:1-23
36 Ona ave lea e tagata o le nuu o Ioasasa+ le atalii o Iosia, ma fai o ia ma tupu i Ierusalema e sui ai lona tamā.+
2 E lua sefulu tolu tausaga o Ioasasa ina ua fai o ia ma tupu, ma e tolu masina na ia pule ai i Ierusalema.+
3 Ae peitaʻi, na aveesea o ia e le tupu o Aikupito mai i Ierusalema,+ ma faasalaina le nuu i taleni siliva+ e selau ma le taleni auro.
4 E lē gata i lea, ua tofia e le tupu+ o Aikupito o Eliakimo+ lona uso e fai ma tupu o Iuta ma Ierusalema, ma suia lona igoa iā Ioakima; a ua ave e Neko+ lona uso o Ioasasa ma avatu i Aikupito.+
5 E lua sefulu lima tausaga o Ioakima+ ina ua fai o ia ma tupu, ma e sefulu tasi tausaga na ia pule ai i Ierusalema;+ ua faia pea e ia o mea leaga i le silafaga a Ieova lona Atua.+
6 Ua alu aʻe+ Nepukanesa+ le tupu o Papelonia e faasagatau iā te ia, ina ia saisai o ia i faamau ʻapamemea e lua ma avatu o ia i Papelonia.+
7 Ua ave e Nepukanesa+ nisi o ipu+ o le fale o Ieova i Papelonia, ma tuu ai i lona maota i Papelonia.+
8 A o le olaga uma+ o Ioakima ma mea inosia+ na ia faia, ma mea leaga na iloa iā te ia, ua tusia ia i Tusi+ o Tupu o Isaraelu ma Iuta; ona pule lea o Ioakina+ lona atalii e sui iā te ia.
9 E sefulu valu tausaga o Ioakina+ ina ua fai o ia ma tupu, ma e tolu masina+ ma aso e sefulu na pule ai o ia i Ierusalema; na ia faia pea mea leaga i le silafaga a Ieova.+
10 I le amataga+ o le tausaga na sosoo ai, na alu atu ai le feʻau+ a le Tupu o Nepukanesa, ma ave o ia i Papelonia+ faatasi ma mea matagofie o le fale o Ieova.+ Ua ia faia foʻi Setekaia+ le uso o lona tamā ma tupu o Iuta ma Ierusalema.+
11 E lua sefulu tasi tausaga o Setekaia+ ina ua fai o ia ma tupu, ma e sefulu tasi tausaga na pule ai o ia i Ierusalema.+
12 Ua ia faia pea mea leaga+ i le silafaga a Ieova lona Atua. E leʻi faamaulalo+ o ia i luma o le perofeta+ o Ieremia+ i le faatonuga a Ieova.
13 Na fouvale+ foʻi o ia i le Tupu o Nepukanesa, o lē na ia faatautō o ia i le Atua;+ ua faauamaaa+ pea o ia, ma faamaaa+ lona loto e lē toe liliu mai iā Ieova le Atua o Isaraelu.
14 E oo lava i alii sili uma o le ʻauositaulaga+ ma le nuu, ua matuā lē faamaoni i latou e tusa ai ma mea inosia+ uma a nuu ese, ua latou faaleagaina ai le fale o Ieova lea na ia faapaiaina i Ierusalema.+
15 Ua auina mai pea lava pea e Ieova le Atua o o latou augātamā, o lapataʻiga iā i latou e ala i ana avefeʻau,+ auā ua alofa mutimutivale o ia i lona nuu,+ atoa foʻi ma lona afioaga.+
16 A ua faaauau pea ona latou ula+ i avefeʻau a le Atua moni, ma ʻinoʻino i ana afioga,+ ua tauemu+ foʻi i ana perofeta seʻia oo mai le toʻasā+ o Ieova i lona nuu, ua oo ina lē mafai ona faamālōlōina.+
17 Ona ia auina mai lea o le tupu o tagata Kaletaia+ e tau ma i latou, o lē na fasiotia o latou tauleleʻa i le pelu+ i le fale o lo latou malumalu,+ e leʻi alofa mutimutivale o ia i le tauleʻaleʻa po o le taupou, o le tagata matua po o lē e ulusinā.+ Ua Ia tuuina atu mea uma lava i lona lima.
18 O ipu+ uma e lapopoʻa+ ma lāiti o le fale o le Atua moni, o ʻoa+ o le fale o Ieova, ma ʻoa a le tupu+ ma ona alii sili, ua ia aumaia mea uma lava i Papelonia.
19 Ua ia susunuina le fale o le Atua+ moni, ma lepeti le pā+ o Ierusalema; ua latou susunuina foʻi i le afi o ʻolo uma e nonofo ai ma mea matagofie uma,+ ina ia faatamaʻia+ ai mea uma lava.
20 E lē gata i lea, ua ia ave faapagota foʻi i Papelonia+ i latou uma na sao mai i le pelu, ua fai foʻi i latou ma auauna mo ia+ ma ona atalii seʻia oo ina pule le malo o Peresia;+
21 ina ia faataunuu ai le afioga a Ieova lea na fai mai ai Ieremia,+ seʻia faaatoaina ona totogi e le nuu ona sapati.+ O aso uma lava na tuufua ai na fai ai sapati, ina ia atoa le fitu sefulu tausaga.+
22 O le tausaga muamua o Kuresa+ le tupu o Peresia,+ na faatupu ai e Ieova le agaga+ o Kuresa le tupu o Peresia, ina ia faataunuu ai le afioga+ a Ieova na fai mai ai Ieremia,+ ona ia faaoo atu lea o le feʻau i lona malo uma, ma na tusia i le tusi+ e faapea:
23 “O le mea lenei ua fai mai ai Kuresa le tupu o Peresia,+ ‘Ua foaʻi mai e Ieova le Atua o le lagi o malo uma o le lalolagi iā te aʻu,+ ua ia tofia foʻi aʻu e fauina se fale i Ierusalema o loo i Iuta.+ O so o se tasi o outou mai i lona nuu+ uma, ia faatasi Ieova lona Atua iā te ia.+ Inā alu aʻe ia o ia.’”+
