2 Samuelu 10:1-19
10 Mulimuli ane, ina ua oti le tupu o le fanauga a Amoni,+ ona pule ai lea o Anuni lona atalii e sui iā te ia.+
2 Ua faapea ane Tavita: “Ou te alofa faamaoni iā Anuni le atalii o Naasa, e pei ona alofa faamaoni o lona tamā iā te aʻu.”+ Ona auina atu lea e Tavita o le feʻau e ala i ana auauna,+ e faamāfanafana iā te ia ona o lona tamā, ua oo atu foʻi auauna a Tavita i le nuu o le fanauga a Amoni.
3 A ua fai atu perenise o le fanauga a Amoni iā Anuni lo latou alii: “E te manatu ea ua faaaloalo Tavita i lou tamā, ua ia aauina mai ai o ē e faamāfanafana iā te oe? Pe e lē ina ia vaavaai solo ma mataʻi+ le aai, ina ia faatoʻilaloina ai, ua māfua ai ona aauina mai e Tavita ana auauna iā te oe?”+
4 Ona ave lea e Anuni o auauna a Tavita ma tafi itutasi a latou ʻava,+ ma selei o latou ofu e gata ifo i o latou nofoaga, ona aauina ese atu lea o i latou.+
5 Mulimuli ane, ua taʻu atu e tagata lenei mea iā Tavita, ona ia auina atu lea o se tasi e faafetaiaʻi iā i latou, auā ua matuā māsiasi tamāloloa; ua faapea atu le tupu: “Ia outou nonofo i Ieriko+ seʻia toe tutupu a outou ʻava. Ona outou foʻi mai ai lea.”
6 Ua iloa e le fanauga a Amoni ua inosia+ e Tavita i latou, ona totogi lea e le fanauga a Amoni o tagata Suria o Petereopa+ ma tagata Suria o Sopa+ ina ia tau ma i latou, e toʻalua sefulu afe i latou e savavali, o le tupu o Maaka,+ e toʻaafe tagata, o Isetopa, e toʻasefulu lua afe tagata.
7 Ina ua faalogo i ai Tavita, ona ia aauina atu lea o Ioapo, ma le ʻautau uma ma o latou tagata malolosi.+
8 Ua ō ane le fanauga a Amoni ma faapotopoto faatasi e tau i le faitotoʻa o le pā, a o tagata Suria o Sopa, o tagata Reopa,+ o Isetopa, ma Maaka, ua na o i latou i le fanua.+
9 Ina ua iloa atu e Ioapo ua faasaga mai muaʻau o le taua i ona luma ma ona tua, ona ia tofia loa lea o nisi o tane ua filifilia+ o Isaraelu, ma faapotopoto faatasi i latou e tau ma tagata Suria.
10 A o isi na totoe o le nuu, ua ia tuuina atu i le lima o Apisai+ lona uso, ina ia faapotopoto faatasi e ia o i latou e faafetaiaʻi le fanauga a Amoni.+
11 Ona ia fai atu lea: “Afai e malolosi tele tagata Suria iā te aʻu, ona e sau lea e laveaʻi aʻu; ae afai e malolosi tele le fanauga a Amoni iā te oe, ona ou alu atu lea e laveaʻi iā te oe.+
12 Ia faamalolosi, ina ia tatou lototetele+ ai mo lo tatou nuu, ma aai a lo tatou Atua;+ e faia lava e Ieova le mea e lelei i lana silafaga.”+
13 Ua ō atu Ioapo ma tagata sa iā te ia e tau ma Suria, ona latou sosola ese ai lea mai i ona luma.+
14 Ua vāai atu le fanauga a Amoni ua sosola ese tagata Suria, ona latou sosola ai foʻi lea mai i luma o Apisai, ma ō atu i le aai.+ Mulimuli ane, ua toe foʻi mai Ioapo mai i le fanauga a Amoni, ua sau i Ierusalema.+
15 Ina ua vāai atu tagata Suria ua faatoʻilaloina i latou i luma o Isaraelu, ona latou faapotopoto faatasi lea.
16 Ona aauina atu lea e Atatesa+ ma aumai tagata Suria na i le itu o le Vaitafe;+ ma ua latou ō mai i Ailama, faatasi ma Sopaka+ le taʻitaʻiʻau a Atatesa, na muamua atu iā i latou.
17 Ina ua taʻu mai iā Tavita le tala, ona ia vave faapotopoto lea o Isaraelu uma ma sopoʻia atu Ioritana, ua oo atu i Ailama. Ua faapotopoto faatasi foʻi nei tagata Suria e faafetaiaʻi iā Tavita, ona latou tau loa lea ma ia.+
18 Ona sosola+ lea o Suria mai i luma o Isaraelu; ua fasiotia foʻi e Tavita o tagata Suria e tau i kariota+ e toʻafitu selau, ma ē e tiʻetiʻe i solofanua e toʻafā sefulu afe, na ia fasia foʻi Sopaka lo latou taʻitaʻiʻau, ma ua oti ai o ia i inā.+
19 Ina ua iloa e tupu+ uma o ē e auauna iā Atatesa, ua faatoʻilaloina i latou i luma o Isaraelu,+ ona latou faia loa lea o se leleiga ma Isaraelu ma auauna iā i latou;+ na fefefe foʻi tagata Suria e toe taumafai atili e faasao le fanauga a Amoni.+
