2 Samuelu 22:1-51
22 Ua tautala atu Tavita iā Ieova i upu o lenei pese,+ i le aso na laveaʻiina ai o ia e Ieova mai i lima o ona fili+ uma, atoa ma le lima o Saulo;+
2 ua ia faapea atu:
“O Ieova o loʻu papa,+ o loʻu ʻolo malosi,+ ma o Lē e saunia se mea ou te sao ai.+
3 O loʻu Atua o loʻu papa+ lea. Ou te sulufaʻi atu iā te ia,
O loʻu talita+ ma le nifo+ o loʻu faaolataga, o loʻu ʻolo e saogalemu ai,+
Ou te sola atu iā te ia,+ o loʻu Faaola;+ ua e faaolaina aʻu mai i faiga sauā.+
4 Ou te valaau atu iā Ieova, o Lē e ao ona viia,+
E faaolaina foʻi aʻu mai i oʻu fili.+
5 Auā ua siʻosiʻomia aʻu e galu e oti ai;+
Ua ou atuatuvale foʻi i tafega malolosi a tagata lē aogā.+
6 Ua siʻomia aʻu e maea o le Tuugamau;*+
Ua faafetaiaʻia aʻu e mailei o le oti.+
7 Ona ou valaau atu pea lea iā Ieova i loʻu puapuaga,+
Na ou valaau atu pea i loʻu Atua.+
Na faafofoga mai o ia i loʻu leo mai i lona malumalu,+
Na faafofoga mai foʻi o ia i laʻu alaga atu mo se fesoasoani.+
8 Na lūlūina ma gatete le lalolagi;+
Na maluelue faavae o le lagi,+
Na lūlūina pea ona o lona toʻasā.+
9 Na alu aʻe le asu i ona pogaʻiisu, na faaumatia mea e le afi mai i lona fofoga;+
Na mumū aʻe mai iā te ia o malala ola.+
10 Na ia loloʻu ifo i lalo le lagi ma ua alu ifo;+
Na i lalo foʻi o ona vae le ao mafiafia.+
11 Na tiʻetiʻe mai o ia i luga o le kerupi+ o loo lele mai;
Na vaaia o ia i luga o apaʻau o se agelu.*+
12 Ona ia siʻomia lea o ia i le pōuliuli e pei o ni faleʻie,+
O vai pōuliuli ma ao mafiafia.+
13 O le malamalama foʻi i ona luma, o loo sasao aʻe ai le mumū o malala ola.+
14 Na faapā e Ieova le faititili mai i le lagi,+
Na tulei mai foʻi e le Silisili Ese lona siʻufofoga.+
15 Na ia fana mai pea aū ina ia faataapeape ai i latou;+
Na ia faaemo mai uila ina ia faafenuminumiaʻi ai i latou.+
16 Ua aliali mai foʻi le ilititai,+
Ua faaalia foʻi faavae o le laueleele,+
Ona o le aʻoaʻiga a Ieova mai i le mānava o ona pogaʻiisu.+
17 Na ia faaloaloa lona aao mai i le mea maualuga, na ia ave iā te aʻu,+
Na ia ave aʻe iā te aʻu mai i vai e tele.+
18 Na ia laveaʻiina aʻu mai i loʻu fili malosi,+
Mai i ē e feita iā te aʻu; auā e sili atu lo latou malolosi iā te aʻu.+
19 Na latou faafetaiaʻia pea aʻu i le aso o loʻu malaia,+
A o Ieova na lagolago mai iā te aʻu.+
20 Na ia aumaia aʻu ma tuu i se mea lautele;+
Na ia faasaoina aʻu auā ua ia fiafia iā te aʻu.+
21 Ua tauia aʻu e Ieova e tusa ma laʻu amiotonu;+
E na te taui mai foʻi iā te aʻu e tusa ma oʻu lima mamā.+
22 Auā ua ou tausia ala o Ieova,+
Ou te leʻi faia foʻi se mea leaga i loʻu alu ese mai i loʻu Atua.+
23 Auā ua i oʻu luma iʻuga o ana faamasinoga uma;+
Ou te lē ʻaloese foʻi mai i ana tulafono.+
24 E lē ponā laʻu amio+ iā te ia,
Ou te lē faia foʻi se mea sesē.+
25 Ia taui mai e Ieova iā te aʻu e tusa ma laʻu amiotonu,+
E tusa foʻi ma laʻu amio mamā i lana silafaga.+
26 E te faamaoni i le tagata faamaoni;+
E lē ponā au feutagaʻiga ma le tagata e matuā lē ponā;+
27 E te amio mamā i le tagata ua tausisi i le amio mamā,+
E te faatagā valea foʻi i le tagata faapiʻopiʻo.+
28 E te faaolaina foʻi tagata lotomaulalo;+
A ua e silasila ma le lē fiafia i ē e faamaualuga, ina ia e faamaulaloina i latou.+
29 Auā o oe, Ieova e, o loʻu molī,+
O Ieova foʻi e na te faamalamalamaina loʻu pōuliuli.+
30 O lau fesoasoani ua mafai ai ona ou tetee i le ʻau e faoa mea;+
O loʻu Atua foʻi ua mafai ai ona ou aʻea le pā.+
31 O le Atua moni e atoatoa ona lelei lona ala;+
Ua faamamāina le afioga a Ieova.+
O le talita o ia i ē uma e sulufaʻi atu iā te ia.+
32 Auā o ai se Atua e ese mai iā Ieova,+
O ai foʻi se papa e ese mai i lo tatou Atua?+
33 O le Atua moni o loʻu ʻolo malosi lea,+
E na te faia foʻi loʻu ala ia atoatoa ona lelei,+
34 Ua faia oʻu vae e pei o vae o ʻaila;+
Ua ia faatūina pea aʻu i mea maualuluga ou te lē gafatia.+
35 Ua ia aʻoaʻo oʻu lima mo le taua;+
Ua loloʻu foʻi e oʻu lima se ʻaufana ʻapamemea.+
36 E te tuuina mai foʻi iā te aʻu o lou talita o le faaolataga,+
O lou agamalu* ua faasilisiliina ai aʻu.+
37 E te matuā faalautele le mea ou te savali ai;+
E lē tetete foʻi oʻu tapuvae.+
38 Ou te tuliloa i oʻu fili ina ia ou fasiotia i latou,
Ma ou te lē foʻi mai seʻia faaumatia i latou.+
39 Ou te faaumatia ma nutililii+ i latou ina ia lē mafai ona toe tutū i luga;+
Latou te paʻuʻū foʻi i lalo o oʻu vae.+
40 E te fusia aʻu i le malosi tele mo le taua;+
E te faia foʻi i latou e faasagatau mai iā te aʻu ia paʻuʻū i lalo.+
41 A o oʻu fili, e te tuuina mai iā te aʻu tua o o latou ua;+
Ou te faafilemu foʻi o ē e matuā ita mai iā te aʻu.+
42 Latou te alalaga mo se fesoasoani, ae e leai se faaola;+
E alalaga atu iā Ieova, ae e lē tali mai o ia iā i latou.+
43 Ou te tuʻininiia i latou e pei o le pefu o le eleele;
Ou te tuʻipala i latou e pei o le palapala o le auala;+
Ou te solipala foʻi iā i latou.
44 E te saunia mo aʻu se mea ou te sola i ai mai i loʻu nuu vaavaai masei.+
E te leoleoina aʻu ia avea ma ulu o atunuu;+
E auauna mai foʻi iā te aʻu se nuu ou te leʻi iloaina.+
45 E ō mai foʻi ma le gatete tagata ese iā te aʻu;+
E usiusitaʻi foʻi taliga e faalogo mai iā te aʻu.+
46 E mou atu foʻi tagata ese,
E latou te ō mai ma le gatete mai i mea e puipuia ai i latou.+
47 O loo soifua Ieova;+ ia viia loʻu Papa;+
Ia faaeaina foʻi le Atua o le papa o loʻu faaolataga.+
48 O le Atua moni o Lē e tauimasui mo aʻu+
O Ia foʻi e na te faatoʻilaloina tagata iā te aʻu,+
49 O Lē e na te laveaʻi aʻu mai i oʻu fili.+
Ma faaeaina aʻu iā i latou e faasagatau mai iā te aʻu;+
E te laveaʻiina foʻi aʻu mai i le tagata faasauā.+
50 Ieova e, o le mea lea ou te faafetai atu ai iā te oe i luma o atunuu;+
Ou te faia foʻi pesega i lou suafa:+
51 O Lē e faia galuega tetele o le faaolataga mo lona tupu+
E alofa faamaoni foʻi i lē ua ia faauuina,+
Iā Tavita ma lana fanau e oo i le faavavau.”+
Faamatalaga Pito i Lalo
^ Po o “Seoli,” e mai le upu Eperu sheʼohlʹ. Tagaʻi i le Faaopoopoga 6.
^ Po o “apaʻau o le agaga.”
^ I le gagana Eperu, “o lou faamaulalo.”
