2 Samuelu 6:1-23
6 Ua toe faapotopoto e Tavita o tagata filifilia uma i Isaraelu,+ e toʻatolu sefulu afe.
2 Ona tulaʻi lea o Tavita ma tagata uma na iā te ia, ua ō atu i Paala-iuta+ e ave aʻe mai i inā le atolaau+ a le Atua moni, lea ua valaau ai i le suafa, o le suafa+ o Ieova o ʻau,+ o lē e afio i luga o kerupi.+
3 Ua latou faaee le atolaau a le Atua moni i luga o le fata faataavalevale fou,+ ina ia o latou ave aʻe ai mai i le fale o Apinatapa,+ lea e i luga o le aʻega; na taʻitaʻia foʻi le fata faataavalevale fou e Usa ma Aio,+ o atalii o Apinatapa.
4 Ona latou ave lea o le atolaau a le Atua moni mai i le fale o Apinatapa lea e i luga o le aʻega; ua muamua atu foʻi Aio i luma o le Atolaau.
5 Ua sisiva Tavita ma le aiga uma o Isaraelu i luma o Ieova, ua latou tāina foʻi meafaifaaili eseese e fai mai i laau o le perosi, o kitara,*+ o meafaifaaili e iai uaua,+ o topa,+ o mea lūlū tagitagi, ma sumepalo.*+
6 Ua latou oo i le mea e soli ai saito a Nakano, ona aapa atu lea o le lima o Usa+ ma taofi le atolaau+ a le Atua moni, auā na toetoe lava mafuli le fata faataavalevale ona o povi.
7 Ona matuā toʻasā+ ai lea o Ieova iā Usa, ua fasia o ia e le Atua+ moni i inā ona o lana gaoioiga lē faaaloalo, ona oti ai lea o ia i tafatafa o le atolaau a le Atua moni.+
8 Ua ita Tavita auā ua oo faafuaseʻi mai le toʻasā o Ieova iā Usa, ona faaigoa ai lea o lenā nofoaga, o Faresausa e oo mai i le asō.+
9 Ua fefe Tavita iā Ieova+ i lenā aso, ua faapea ane: “Pe e faapefea ona oo mai le atolaau a Ieova i le mea ou te nofo ai?”+
10 E leʻi manaʻo Tavita e aumai le atolaau a Ieova iā te ia i le Aai a Tavita.+ Ona avane ai lea e Tavita o le atolaau i le fale o Opete-etoma+ le Kata.+
11 Na iai pea le atolaau a Ieova i le fale o Opete-etoma le Kata, i masina e tolu; ua faaauau foʻi ona faamanuia+ e Ieova Opete-etoma ma lona aiga uma.+
12 Mulimuli ane, ua taʻu mai i le Tupu o Tavita, e faapea: “Ua faamanuia e Ieova le aiga o Opete-etoma ma mea uma ua iā te ia ona o le atolaau a le Atua moni.” Ona alu ai lea o Tavita ua ave aʻe ma le olioli le atolaau a le Atua moni, mai i le fale o Opete-etoma i le Aai a Tavita.+
13 Ina ua ono laa a i latou na aveina+ le atolaau a Ieova, ona ia faia loa lea o le taulaga i se povi poʻa ma se manu peti.+
14 Ona siva lea o Tavita i luma o Ieova ma lona malosi uma, a o ofu Tavita i le efota+ e fai i le ʻie lino.
15 Ua ave aʻe foʻi e Tavita ma le aiga uma o Isaraelu le atolaau+ a Ieova, ma le alalaga o le olioli+ ma leo o pū.+
16 Ina ua oo mai le atolaau a Ieova i le Aai a Tavita, ona vaavaai ifo lea o Mekala+ le afafine o Saulo mai i le faamalama, ua iloa atu ai le Tupu o Tavita o loo osooso ma sivasiva i luma o Ieova; ona ʻinoʻino+ ai lea o lona loto+ iā te ia.
17 Ua latou avatu le atolaau a Ieova ma tuu i lona tulaga i totonu o le faleʻie na faatū e Tavita;+ ona faia lea e Tavita o taulaga mū+ ma taulaga faifaatasi+ i luma o Ieova.
18 Ina ua uma ona faia e Tavita o taulaga mū ma taulaga faifaatasi, ona ia faamanuia+ lea o le nuu i le suafa o Ieova+ o ʻau.
19 Ua ia tufatufa+ atu foʻi i tagata uma i le nuu uma o Isaraelu, o tane atoa ma fafine, ia tofu tagata taʻitoʻatasi ma le falaoa lapotopoto, ma le keke e faia i fua o le pama, ma le keke vine,+ ona taʻitasi lea o le nuu uma ma alu i lona lava fale.
20 Ua foʻi atu Tavita e faamanuia i lona aiga,+ a ua sau Mekala+ le afafine o Saulo e faafetaiaʻi Tavita ma faapea mai iā te ia: “E maʻeu lava le faamamaluina e le tupu o Isaraelu o ia lava i le asō,+ ina ua faalēlavalavā iā te ia lava a o vaavaai atu teine pologa a ana auauna, e pei ona faalēlavalavā o tagata vālea!”+
21 Ua fai atu Tavita iā Mekala: “O luma o Ieova na ou olioli ai, o lē na filifilia aʻu nai lo o lou tamā ma lona aiga uma, e tofia aʻu e avea ma taʻitaʻi+ iā Isaraelu le nuu o Ieova, ma ou siva ai foʻi i luma o Ieova.+
22 Ou te taʻufaatauvaaina aʻu lava e sili atu i lo o lenei mea,+ ou te faamaulalo aʻu lava i loʻu manatu; a o teine pologa na e fai mai ai, ou te faamamaluina lava aʻu i o latou luma.”+
23 A o Mekala+ le afafine o Saulo, sa leai sana fanau e oo lava i le aso na oti ai.
Faamatalaga Pito i Lalo
^ O se meafaifaaili anamua e ese mai i le kitara i aso nei. O le upu Peretania, o le harp.
^ O le “sumepalo” o se meafaifaaili, e lua mea lapotopoto e faafetoʻai ona lagona ai lea o le tagitagi.
