2 Samuelu 7:1-29
7 Ua nofo le tupu i lona lava fale,+ ma ua avatu e Ieova le mapusaga iā te ia mai i ona fili uma,+
2 ona fai atu lea o le tupu i le perofeta o Natano:+ “Vaai! o loo oʻu nofo i le fale arasi,+ ae o loo tuu le atolaau a le Atua moni i totonu o faleʻie.”+
3 Ona fai mai lea o Natano i le tupu: “O mea uma ua e finagalo i ai, inā alu ia ma fai,+ auā o loo faatasi Ieova ma oe.”
4 I lenā lava pō, na oo mai ai le afioga+ a Ieova iā Natano, e faapea:
5 “Inā alu ia ma e fai atu i laʻu auauna o Tavita, ‘O le mea lenei na fetalai mai ai Ieova: “Pe e te faia ea e oe se fale mo aʻu ou te nofo ai?+
6 Auā ou te leʻi nofo i se fale talu mai le aso na ou aveina aʻe ai le fanauga a Isaraelu mai i Aikupito e oo mai i le aso nei,+ ae sa ou fealuaʻi+ pea i se faleʻie+ ma se fale feaveaʻi.+
7 O aso uma na ou fealuaʻi ai ma le fanauga uma a Isaraelu,+ pe na ou fai atu ea i se tasi o ituaiga o Isaraelu,+ na ou poloaʻi e leoleoina loʻu nuu o Isaraelu e faapea, ‘Aiseā na outou lē faia ai se fale arasi mo aʻu?’”’
8 O lenei, ia faapea ona e fai atu i laʻu auauna o Tavita, ‘O le mea lenei na fetalai mai ai Ieova o ʻau: “Na ou aumaia oe mai i le fanua e aai ai lafumanu, mai i le mulimuli atu i le lafu mamoe,+ e avea ma taʻitaʻi+ i loʻu nuu o Isaraelu.
9 Ou te faatasi ma oe i mea uma e te alu i ai,+ ou te faaumatia foʻi ou fili uma i ou luma;+ ma ou te faia mo oe se igoa mamalu,+ e pei o igoa o alii sili i le lalolagi.
10 Ou te tofia foʻi se mea+ e nonofo ai loʻu nuu o Isaraelu, ma ou faatumauina+ i latou, e nonofo lava i latou i le mea o iai, e lē toe atuatuvale i latou; e lē toe sauāina foʻi i latou e fanau a ē e amiolētonu, e pei o aso ua mavae,+
11 e amata mai lava i le aso na ou tofia ai faamasino+ e pule i loʻu nuu o Isaraelu; ou te avatu foʻi iā te oe le mapusaga mai i ou fili uma.+
“‘“Na taʻu atu foʻi e Ieova iā te oe, o le a faia e Ieova se aiga+ mo oe.
12 Pe a faaatoaina ou aso,+ ona e taoto lea faatasi ma ou augātamā,+ ae ou te faatūina se tasi o lau fanau pe a mavae atu oe, o lē e fanau mai i lou manava; ou te matuā faatumauina lona malo.+
13 O ia lava lenā e na te faia se fale mo loʻu igoa,+ ou te matuā faatumauina foʻi le nofoālii o lona malo i aso uma lava.+
14 E fai aʻu ma ona tamā,+ e fai foʻi o ia ma oʻu atalii.+ Pe a ia faia se mea sesē, ou te aʻoaʻi iā te ia i le sasa+ a tagata, ma le tā a le fanauga a Atamu.
15 E lē aveesea loʻu alofa faamaoni mai iā te ia, e pei ona ou aveesea mai iā Saulo,+ o lē na ou aveesea ona o oe.
16 E mausalī lou aiga ma lou malo i ou luma i aso uma lava; e matuā faatumauina foʻi lou nofoālii i aso uma.”’”+
17 E tusa ai o nei upu uma ma lenei faaaliga uma, na faapea ona tautala atu ai Natano iā Tavita.+
18 Ona alu atu ai lea o le Tupu o Tavita ma nofo i lalo i luma o Ieova, ua faapea atu: “Le Alii Pule Silisili Ese e, Ieova, o ai ea aʻu nei?+ O ai foʻi loʻu aiga ua e faia ai le tele o mea mo i matou?
19 Le Alii Pule Silisili Ese e, Ieova, e pei o se mea itiiti iā te oe ina ua e fetalai mai o le a faatumauina le aiga o lau auauna e mamao lava i le lumanaʻi; le Alii Pule Silisili Ese e, Ieova,+ o le tulafono lenei ua e tuuina mai i tagata+ uma lava.
20 O le ā ea se isi upu e toe tautala atu ai Tavita iā te oe, auā ua e silafia lelei lau auauna,+ le Alii Pule Silisili Ese e, Ieova?
21 Ona o lau afioga+ ma e tusa ma lou lava finagalo,+ ua e faia ai nei mea tetele uma e faailoa mai ai i lau auauna.+
22 O le mea lea ua sili ai oe,+ le Alii Pule Silisili Ese e, Ieova; auā e leai se tasi e tusa ma oe,+ e leai foʻi se isi Atua e na o oe lava,+ e tusa ma mea uma ua faalogo i ai o matou taliga.
23 O ai foʻi se atunuu i le lalolagi e pei o lou nuu o Isaraelu,+ lea na laveaʻiina e le Atua e avea ma ona nuu+ ma faia ai mo ia se suafa,+ ma faia ai foʻi mo i latou o mea tetele+ ma le mataʻutia, e tutuliesea ai atunuu ma o latou atua, ona o lou nuu lea na e laveaʻia+ mo oe mai i Aikupito?
24 Na e matuā faatumauina lou nuu o Isaraelu+ e fai ma ou nuu i aso uma lava; ua avea foʻi oe Ieova ma o latou Atua.+
25 “O lenei, Ieova e le Atua, o le afioga ua e fetalai mai ai e faatatau i lau auauna ma lona aiga, ia e faataunuuina lava i aso uma ma ia faia e pei ona e fetalai mai ai.+
26 Ia faamamaluina lou suafa e faavavau,+ ina ia faapea ane ai tagata, ‘O Ieova o ʻau, o ia o le Atua o Isaraelu,’+ ma ia matuā faatumauina i ou luma le aiga o lau auauna o Tavita.+
27 Auā o oe Ieova o ʻau le Atua o Isaraelu, ua e faailoa mai se faaaliga i lau auauna e faapea, ‘Ou te faia se fale mo oe.”+ O le mea lea, ua lototele ai lau auauna e tatalo atu iā te oe i lenei tatalo.+
28 O lenei, le Alii Pule Silisili Ese e, Ieova, o oe o le Atua moni; ia faamaoni au fetalaiga,+ auā ua e folafola i lau auauna nei mea lelei.+
29 Ia e faamanuia+ le aiga o lau auauna ina ia iai pea i ou luma i aso uma lava;+ auā o oe lava na e folafola mai le Alii Pule Silisili Ese e, Ieova, o lau faamanuia foʻi e manuia ai le aiga o lau auauna i aso uma.”+
