2 Tesalonia 2:1-17
2 Ae peitaʻi le ʻauuso e, e faatatau i le faatasi+ mai o lo tatou Alii o Iesu Keriso, ma le aoaoina o i tatou ina ia faatasi ma ia,+ matou te talosaga atu ai iā te outou
2 e aua neʻi vave fenuminumiaʻi o outou mafaufau, pe atuatuvale foʻi ona o se feʻau mai i le agaga,+ po o se feʻau tuugutu,+ po o se tusi+ e peiseaʻī e mai iā i matou, e faapea ua oo mai le aso o Ieova.+
3 Aua neʻi faasesēina outou e se tasi i se togafiti, auā e lē oo mai lenā aso seʻia muamua ona oo mai le fouvalega,*+ ma faaalia+ mai le tagata o le amioleaga,+ o le atalii lea o le faaumatiaga.+
4 O ia lea o lē e tetee atu,+ ma ua ia siitia o ia lava e maualuga aʻe i ē uma e taʻua o “atua” po o mea e tapuaʻi i ai, ina ia nofo o ia i le malumalu o Le Atua, e faaalialia ai o ia lava o se atua.+
5 Pe e tou te lē manatua ea, sa masani ona oʻu taʻu atu+ nei mea iā te outou a o ou iai iā te outou?
6 O lenei ua outou iloa le mea+ o loo avea ma taofiofiga,+ seʻia faaalia mai o ia i le taimi e tatau ai.+
7 E moni o loo galue lenei amioleaga,+ o le mea lilo lea; seʻia oo ina aveesea lē o loo avea ma taofiofiga i le taimi nei.+
8 Ona faaalia mai lea o lē e amioleaga, lea o le a aveesea e le Alii o Iesu i le mānava o lona fofoga,+ ma faaumatia ai pe a faaali+ mai i lona faatasi mai.+
9 O le faatasi mai o lē e amioleaga, e māfua ona o le galuega+ a Satani ma galuega mamana, ma faailoga pepelo ma mea ofoofogia uma+
10 ma le amiolētonu, ma mea taufaasesē+ uma mo ē o le a fano,+ e taui ai iā i latou ona e leʻi faaalia lo latou naunau+ i le upu moni, lea e mafai ona faaolaina ai i latou.+
11 O le mea lea, ua faataga ai e le Atua mea sesē e galue iā i latou, ina ia latou talitonu ai i le pepelo,+
12 ina ia faamasinoina i latou uma, auā e leʻi talitonu i le upu moni+ ae e fiafia i le amiolētonu.+
13 Ae peitaʻi, matou te faafetai atu pea i le Atua mo outou le ʻauuso e, o ē ua alofagia e Ieova, auā ua filifilia outou e le Atua+ mai i le amataga mo le faaolataga e ala i le faapaiaina+ o outou i le agaga,+ ma i lo outou faatuatua i le upu moni.+
14 O le mea lava lea ua ia valaauina ai outou e ala i le tala lelei ua matou folafolaina atu,+ ina ia maua le mamalu o lo tatou Alii o Iesu Keriso.+
15 Le ʻauuso e, ia outou tutū mausalī+ ma taofimau i mea na aʻoaʻoina+ ai outou, pe i ni feʻau tuugutu pe na ala atu i sa matou tusi.
16 O lo tatou Alii o Iesu Keriso ma le Atua lo tatou Tamā, o lē e alofa+ iā i tatou ma foaʻi mai le faamāfanafanaga e faavavau, ma le faamoemoe+ matagofie e ala i le agalelei faifua,
17 ia faamāfanafana i o outou loto ma faatumauina outou i galuega ma upu lelei uma.+
Faamatalaga Pito i Lalo
^ Po o “ē e fulitua i le tapuaʻiga moni.”
