2 Tupu 1:1-18
1 Ua oti Aapo,+ ona amata lea ona fouvale+ Moapi+ iā Isaraelu.
2 Ua paʻū ifo+ Aasaia mai i se pū i lona potu pito i luga+ na ufiufi i se mea valavala i lona fale i Samaria, ma ua maʻi ai o ia. Ua ia aauina atu ni avefeʻau ma faapea atu iā i latou: “Inā ō ia, ia fesili+ atu iā Pelesepulo+ le atua o Ekerona,+ po ou te toe malosi mai i loʻu maʻi.”+
3 A ua fai atu le agelu+ a Ieova iā Elia le Tisepi:+ “Inā tulaʻi ia, ia alu aʻe e faafetaiaʻi avefeʻau a le tupu o Samaria, ma fai atu iā i latou, ‘Po ua leai ea lava se Atua+ i Isaraelu ua outou ō atu ai e fesili iā Pelesepulo le atua o Ekerona?
4 O le mea lea ua fetalai mai ai Ieova: “O le moega ua e alu aʻe i ai, e te lē alu ese ai, ae o le a e oti lava.”’”+ Ona alu ese ai lea o Elia.
5 Ina ua toe foʻi atu avefeʻau iā te ia, ona ia fai mai loa lea iā i latou: “Aiseā ua outou toe foʻi mai ai?”
6 Ona latou fai atu lea iā te ia: “Na iai se tagata na alu aʻe e faafetaiaʻi i matou, ua ia fai mai foʻi iā i matou, ‘Inā toe foʻi atu ia i le tupu na aauina mai outou, ma ia outou fai atu iā te ia: “O le mea lenei na fetalai mai ai Ieova,+ ‘Po ua leai ea lava se Atua i Isaraelu ua e auina atu ai e fesili iā Pelesepulo le atua o Ekerona? O le mea lea, o le moega ua e alu aʻe i ai, e te lē alu ese ai, ae o le a e oti lava.”’”+
7 Ona ia fai mai lea iā i latou: “E faapeʻī foliga o le tagata na alu aʻe e faafetaiaʻi outou, ma fai atu nei upu iā te outou?”
8 Ua latou fai atu iā te ia: “O se tagata na ofu i ofu e fai i fulufulu o manu,+ na fusi foʻi lona sulugātiti i le fusipaʻu.”+ Ona ia fai mai lea: “O Elia le Tisepi.”
9 Ua ia aauina mai iā te ia o le taʻitaʻiʻau o le taʻitoʻalima sefulu ma lana ʻautau e toʻalima sefulu.+ Ina ua ia alu aʻe iā te ia, vaai, o loo nofo o ia i luga o le tumutumu o le mauga. Ona ia fai mai lea iā te ia: “Le tagata e o le Atua moni,+ na fai mai le tupu, ‘Inā alu ifo ia.’”
10 A ua tali atu Elia ua faapea atu i le taʻitaʻiʻau o le taʻitoʻalima sefulu: “Ua lelei, afai o aʻu o le tagata o le Atua, ia alu ifo le afi+ mai i le lagi ma susunu ai oe ma lau ʻautau e toʻalima sefulu.” Ona alu ifo lea o le afi mai i le lagi, ua faaumatia ai o ia ma lana ʻautau e toʻalima sefulu.+
11 Ona ia toe aauina mai lea iā te ia o le isi taʻitaʻiʻau o le taʻitoʻalima sefulu ma lana ʻautau e toʻalima sefulu.+ Ua ia tali mai foʻi ma fai mai iā te ia: “Le tagata e o le Atua moni, o le mea lenei na fai mai ai le tupu, ‘Inā alu ifo faavave ia.’”+
12 A ua tali atu Elia ma faapea atu iā i latou: “Afai o aʻu o le tagata o le Atua moni, ia alu ifo le afi mai i le lagi ma susunu ai oe ma lau ʻautau e toʻalima sefulu.” Ona alu ifo lea o le afi a le Atua mai i lagi, ua susunu ai o ia ma lana ʻautau e toʻalima sefulu.
13 Ona ia toe aauina mai lea o le lona tolu o taʻitaʻiʻau o le taʻitoʻalima sefulu, ma lana ʻautau e toʻalima sefulu.+ A ua alu aʻe le taʻitaʻiʻau lona tolu o le taʻitoʻalima sefulu, ua alu ma tootuli+ i luma o Elia, ua ʻaiʻoi+ atu iā te ia ma faapea atu iā te ia: “Le tagata e o le Atua moni, faamolemole ia e faasaoina+ loʻu ola,+ ma ola o au auauna nei e toʻalima sefulu.
14 Vaai! na alu ifo le afi mai i le lagi ma susunu+ ai uluaʻi taʻitaʻiʻau e toʻalua o taʻitoʻalima sefulu, ma o la ʻautau e taʻitoʻalima sefulu, a o lenei, ia e faasaoina loʻu ola.”
15 Ona faapea mai lea o le agelu a Ieova iā Elia: “Ia oulua ō ifo i lalo. Aua e te fefe ona o ia.”+ Ona tulaʻi lea o ia, ua la ō ifo i le tupu.
16 Ua ia fai atu iā te ia: “O le mea lenei na fetalai mai ai Ieova, ‘Talu ai ua e aauina atu avefeʻau+ e fesili iā Pelesepulo le atua o Ekerona,+ po ua leai ea lava se Atua i Isaraelu e fesili ai i lana afioga? O le mea lea, o le moega ua e alu aʻe i ai, e te lē alu ese ai, ae o le a e oti lava.’”
17 Ona iʻu ai lea ina oti o ia,+ e tusa ma le afioga+ a Ieova na fai atu ai Elia; ona pule lea o Ioramo+ e sui iā te ia, i le tausaga lona lua o le nofoaiga a Ioramo+ le atalii o Iosefatu le tupu o Iuta, auā e leʻi iai sona atalii.
18 A o mea uma na faia e Aasaia,+ po ua lē o tusia ea i le tusi+ e faatatau i olaga o tupu o Isaraelu?
